მნიშვნელოვანი ინფორმაცია
22
ივლისიდღის ზოგადი ასტროლოგიური პროგნოზი
ოთხშაბათი, მთვარის ოცდამერვე დღე დაიწყება 02:27-ზე, მთვარე კირჩხიბშია – საკუთარ თავში ჩაიხედეთ. შეგიძლიათ დაიწყოთ ნებისმიერი საქმე. განსაკუთრებით მიწისა და უძრავი ქონების შესაძენად. აკეთეთ ბიზნესი და იმუშავეთ. დაიწყეთ ახალი საქმეები. მოაგვარეთ ფინანსური საკითხები. გააფორმეთ მნიშვნელოვანი დოკუმენტები, ხელშეკრულებები და კონტრაქტები. შეინარჩუნეთ სიმშვიდე და კეთილგანწყობა ყველა საკითხში. საიდუმლოდ შეინახეთ თქვენი წარმატებები და მიღწევები. უხვად მიირთვით მწვანილი. კარგია თხილი, არ დაგავიწყდეთ წვენების დალევა, ხილისა და ბოსტნეულის ჭამა. უმჯობესია რაციონიდან გამორიცხოთ მარცვლეული და ცხოველური საკვები. თვალები და ტვინი აქტიურია.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
სამმაგი სკანდალი, რომელმაც შესაძლოა, ირაკლი კობახიძის კარიერა დაასამაროს
17:47 / 20-06-2019
"ყოჩაღ" ხელისუფლებას!!! მოხერხება უნდა, რომ ცარიელ ადგილას სამმაგი სკანდალი გამოაცხო - საერთაშორისო, შიდა პოლიტიკური და შიდა პარტიული. ვგულისხმობთ მართლმადიდებლობის საპარლამენტთაშორისო ასამბლეას, რომელმაც "თბილისი პრაიდის" გარშემო განვითარებული მოვლენები გადაფარა. მართლმადიდებლობის ასამბლეას, რომელიც საქართველოს პარლამენტის შენობაში რუს კომუნისტს (ეს კიდევ ერთი ანომალიაა, რადგან კომპარტია ათეიზმს ქადაგებს) მიჰყავდა.
ამ ჯოჯოხეთურ კოქტეილს საერთაშორისო რეზონანსიც ექნება, შიდა პოლიტიკურადაც არია სიტუაცია და "ოცნების" შიგნითაც ძვრები დაიწყება. არც ის გამოგვრჩეს, რომ რუსეთს პრეტენზიების წამოყენების შესაძლებლობა მიეცა და ჯერ კიდევ უცნობია, როგორ გამოიყენებს ამ სკანდალს საქართველოს საწინააღმდეგოდ.
არადა, შესაძლოა, არც არაფერი მომხდარიყო. ნებისმიერი ასამბლეის თუ ფორუმის გამართვამდე დღის წესრიგი კარგა ხნით ადრე დგება. ამ შემთხვევაში მასპინძელი იყო პარლამენტი და პასუხისმგებლობაც საკანონმდებლო ორგანოს ეკისრება. ოღონდ არა პროტოკოლის სამსახურს, არამედ პოლიტიკურ ხელმძღვანელობას.
კერძოდ, მართლმადიდებლობის ასამბლეის პრეზიდენტი ქვეყანა რუსეთია და შესაბამისად, ღონისძიებასაც ხომ რუსეთის წარმომადგენელი წაიყვანდა?! ამას დიდი ანალიზი სჭირდებოდა?! არ უნდა სცოდნოდა პარლამენტის თავმჯდომარე ირაკლი კობახიძეს, თუ როგორ იქნებოდა განაწილებული საკანონმდებლო ორგანოში გამართულ ასამბლეაზე როლები?! ამისთვის საჭირო იყო დღის წესრიგში ჩახედვა და ელემენტარული, ამ საკითხით დაინტერესება. შეეძლო ზაქარია ქუცნაშვილისთვის ეკითხა. ან თუ იცოდა მან ან "ოცნების" რომელიმე ლიდერმა, არ გაუჩნდათ კითხვა, თუ რა რეზონანსი ექნებოდა ოკუპანტი რუსეთის კომუნისტი დეპუტატის საქართველოს პარლამენტის თავმჯდომარის სავარძელში წამოსკუპებას?!
ეს ელემენტალური რაღაცეები არ გაკეთდა. აი, შედეგიც - ხელისუფლება სერიოზულად შეირყა, შიდა პოლიტიკური მდგომარეობა კიდევ უფრო გამწვავდა (თითქოს "პრაიდის" თემა არ იყოს საკმარისი) და რუსეთი, სავარაუდოდ, დემარშისთვის ემზადება. ეს ქვეყნისთვის ძალიან სერიოზულ საფრთხეს შეიცავს და არც თუ დიდი მანძილი გვაშორებს იმისკენ, რომ მოვლენები არაპროგნოზირებადი სცენარით განვითარდეს.
"ოცნებაში" ამ დროს ყველა აღშფოთებულია - დაწყებული ბიძინა ივანიშვილით, ზაზა გაბუნიათი დამთავრებული. თურმე, აღშფოთებული ყოფილა ირაკლი კობახიძეც, რომლისთვისაც ასევე მძიმე სანახავი ყოფილა გავრილოვის ქართულ პარლამენტში გრიმიტობა. ქუცნაშვილი ბოდიშებს იხდის.
აღშფოთება და ბოდიშები საქმეს არ უშველის. ამ მძიმე სიტუაციაზე ვიღაცამ პასუხი უნდა აგოს. ოღონდ არა პროტოკოლის სამსახურმა, რომელიც ტექნიკურ დეტალებს აგვარებს და პოლიტიკურ გადაწყვეტილებას არ იღებს. თუ ხელისუფლებას სიტუაციის განმუხტვა უნდა, პირველი ნაბიჯი, ალბათ, ირაკლი კობახიძის გადადგომა და ქუცნაშვილის "ოცნებიდან" დისტანცირება უნდა იყოს. ასევე, ბიძინა ივანიშვილის მხრიდან კიდევ ერთხელ მკაცრად და მკაფიოდ დაფიქსირება, რომ მსგავსი შეგნებული თუ შეუგნებელი საბოტაჟი მიუღებელია. პარალელურად, მთავრობა უნდა ეცადოს, რომ არ გაექცეს მოვლენების სადავეები ხელიდან.
ამის შემდეგ კი უნდა შექმნან მექანიზმები იმისთვის, რომ უყურადღებობით, უჭკუობით, შეგნებულად თუ შეუგნებლად, ქვეყანა საფრთხის წინაშე არავინ დააყენოს.
P.S. ირაკლი კობახიძემ ალბათ, თავად უნდა გამოიჩინოს ინიციატივა, არ დაელოდოს მითითებებს და გადადგეს პარლამენტის თავმჯდომარეობიდან.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
როგორ დავიკლოთ წონაში სტრესის გარეშე
კვირის კითხვადი სტატიები
მნიშვნელოვანი ინფორმაცია
მკითხველის რჩევით
