მნიშვნელოვანი ინფორმაცია
10
ივნისიდღის ზოგადი ასტროლოგიური პროგნოზი
მთვარის მეთექვსმეტე დღე დაიწყება 23:24-ზე, მთვარე მშვილდოსანშია – შეინარჩუნეთ ბალანსი. კარგია ვარჯიში. სასარგებლოა ყველაფრის გაწმენდა, მოწესრიგება. დაასრულეთ დაუსრულებელი დავალებები. კარგია მიღწეული პოზიციების გაძლიერება. უფროსებმა არ მოსთხოვოთ ზედმეტ მიღწევები ქვეშევრდომებს. გადადეთ სერიოზული საქმეები. მოერიდეთ აურზაურსა და სტრესს. ყურადღება მიაქციეთ თქვენი სამუშაო ადგილის კომფორტულ მოწყობას. დაკავდით შემოქმედებით, მუსიკით და პოეზიით. არ არის რეკომენდებული ცხოველური საკვების, სოკოსა და პარკოსნების მიღება.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ყველას მიაჩნია, რომ აქ გოგონების ადგილი არ არის..." - გაიცანით მაშველი გოგონები, რომლებიც წელს ზღვაზე თქვენს უსაფრთხოებაზე იზრუნებენ
16:18 / 13-06-2019
"ჩვენ გვინდა სტერეოტიპები დავამსხვრიოთ და მამაკაცი მაშველების მსგავსად, ადამიანების უსაფრთხოებაზე ვიზრუნოთ", - ამბობს AMBEBI.GE-სთან საუბარში ერთ-ერთი მაშველი გოგონა, რომელიც წელს შავი ზღვის სანაპიროზე დამსვენებელთა უსაფრთხოებაზე იზრუნებს.
მაშველი გოგონები აჭარის სანაპიროზე წელს პირველად გამოჩნდნენ. ისინი ბათუმის საზღვაო აკადემიის კურსანტები არიან, მათ შესაბამისი წვრთნები შინაგან საქმეთა სამინისტროს საგანგებო სიტუაციების მართვის სამსახურში უკვე გაიარეს. როგორც შსს-ში განმარტავენ, მაშველი გოგონების მოვალეობა იქნება პლაჟზე პატრულირება, საჭიროების შემთხვევაში დახმარების გამოძახება, პირველადი სამედიცინო დახმარების აღმოჩენა და გადაუდებელი აუცილებლობის შემთხვევაში, უშუალოდ სამაშველო პროცესში ჩართვა.
ერთ-ერთი მაშველი ქრისტინე დიდმანიძე ბათუმის საზღვაო აკადემიაში ბიზნესის მართვის ფაკულტეტზე სწავლობს. იგი ამბობს, რომ საპასუხისმგებლო პროფესიას 20 წლის ასაკში უკვე დაეუფლა და ფიქრობს, რომ მისთვის მთავარი სანაპიროზე მყოფი ადამიანების უსაფრთხოებაა.
"ბათუმის საზღვაო აკადემიაში მეორე კურსის სტუდენტი ვარ. ჩვენს სასწავლებელში შსს-ს საგანგებო სიტუაციების მართვის სამსახურის თანამშრომლები მოვიდნენ და სტუდენტებს შემოგვთავაზეს ვაკანსია, რომლის მიხედვით, ბათუმის სანაპიროზე გოგონებს მაშველის პოზიციაზე მუშაობა მამაკაცებთან ერთად შეეძლოთ. ჩემი კურსიდან სამნი წამოვედით, გავიარეთ ტრენინგები, როგორც სამედიცინო, ასევე სამაშველო ინვენტარის გამოყენების კუთხით. ჩემთვის მთავარია, მოქალაქეები ზღვაში ყოფნისას იყვნენ უსაფრთხოდ და მოვუწოდებ მათ, რომ სიფრთხილე გამოიჩინონ. განსაკუთრებით პატარებს მიაქციონ ყურადღება... ცოტა ვღელავ, რადგან ძალიან საპასუხისმგებლო საქმეა, იყო მაშველი და ადამიანების სიცოცხლეზე იზრუნო. თითოეულმა მაშველმა უნდა იცოდეს, რომ სანაპიროზე ყოფნისას ყურადღება არ უნდა მოადუნოს და მაქსიმალური გააკეთოს ადამიანების გადასარჩენად. მე პირადად, სურვილი მაქვს გავაკეთო ის საქმე, რასაც ბიჭები აკეთებენ და დავიცვა ზღვაში მყოფი მოქალაქეების უსაფრთხოება", - ამბობს ქრისტინე დიდმანიძე.
სტერეოტიპების დამსხვრევა სურს აკადემიის კიდევ ერთ კურსანტს, ქეთი მელიქიშვილს.
"ბათუმის საზღვაო აკადემიაში ვსწავლობ. ყველას მიაჩნია, რომ აქ მხოლოდ ბიჭებს შეუძლიათ სწავლა და გოგონების ადგილი არ არის. მომწონს, როცა სტერეოტიპები იმსხვრევა და ვფიქრობ, რომ არ არსებობს ქალისთვის შეუფერებელი პროფესია. ამ სფეროში გამოცდილება, არ მაქვს და ეს გამოწვევა ჩემთვის სიახლეა. მოლოდინი მაქვს, რომ ადამიანების სიცოცხლეს გადავარჩენთ და მათ სიცოცხლეს გავუხანგრძლივებთ", - ამბობს ქეთი მელიქიშვილი.
15 ივნისს, აჭარაში ტურისტული სეზონი ოფიციალურად გაიხსნება და სწორედ ამ დღეს მაშველები ოფიციალურად შეუდგებიან საქმიანობას. აჭარის ტერიტორიაზე, შავის ზღვის სანაპირო ზოლზე უკვე მუშაობს 160-მდე მაშველი. მაშველების რაოდენობა საზღვაო სეზონის გახსნის შემდეგ 250-მდე გაიზრდება, რაც 50-ით მეტია, ვიდრე წინა სეზონის მაშველთა რაოდენობა იყო. სეზონზე 20-მდე გოგო მაშველი იქნება.
მაშველები აჭარაში სრულად აითვისებენ შავი ზღვის სანაპირო ზოლს და ევროპული სტანდარტების შესაბამისად იქნებიან აღჭურვილები.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
უკონტროლო ვითარება ლოს-ანჯელესის ქუჩებში - პოლიციასა და მომიტინგეებს შორის შეტაკებები გრძელდება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
