ინდოეთში, სიმაღლით მეორე მწვერვალზე გაუჩინარებული 8 მთამსვლელიდან 5-ის ცხადარი აღმოაჩინეს. „ბი-ბი-სის“ ცნობით, მაშველთა ვერტმფრენიდან დაინახეს ცხედრები, თუმცა ვერტმფრენი ციცაბო ფერდობზე ვერ ჯდება. როგორც ცნობილია, მთამსვლელები ნანდა დევის ფერდობებზე ჩამოწოლილმა ზვავმა იმსხვერპლა. რვაკაციან ჯგუფში 4 ბრიტანეთის მოქალაქე იყო, ორი - აშშ-ის, ერთი - ავსტრალიის და ერთიც - ინდოეთის. მათ შესახებ 26 მაისის შემდეგ არაფერი იყო ცნობილი. მაშველებმა გადაარჩინეს ამ ჯგუფის კიდევ 4 წევრი, რომლებმაც ცუდი ამინდის გამო, ძირითად ჯგუფთან ერთად გზა ვერ გააგრძელეს და უკან მობრუნდნენ.
