14
ივლისიდღის ზოგადი ასტროლოგიური პროგნოზი
მიხეილ სააკაშვილს, ივანე მერაბიშვილს, ერეკლე კოდუას, შინაგან საქმეთა და ფინანსთა სამინისტროებს ვალერი გელაშვილისათვის მიყენებული მორალური და მატერიალური ზიანის ასანაზღაურებლად დაახლოებით 215 000 ლარის გადახდა დაეკისრათ. ამის შესახებ ინფორმაციას ადვოკატი კახა კოჟორიძე ავრცელებს. როგორც ის "ფეისბუქის" საკუთარ გვერდზე წერს, აღნიშნული გადაწყვეტილება ქართული სასამართლო პრაქტიკისთვის იშვიათია.
„დღეს მე და ჩემმა კოლეგამ ნუნუკა კვანტალიანმა, მნიშვნელოვანი საქმე მოვიგეთ: მიხეილ სააკაშვილს, ივანე მერაბიშვილს, ერეკლე კოდუას, შსს-ს, ფინანსთა სამინისტროს სასამართლოს გადაწყვეტილებით, ვალერი გელაშვილისათვის მიყენებული მორალური და მატერიალური ზიანის ასანაზღაურებლად დაახლოებით 215 000 ლარის სოლიდარულად გადახდა დაეკისრათ. მათ შორის, სრულად დაკმაყოფილდა ჩვენი მოთხოვნა მორალური ზიანის ასანაზღაურებლად 100 000 ლარის დაკისრების შესახებ, რაც ქართული სასამართლო პრაქტიკისთვის საკმაოდ იშვიათია. ჩვენი სარჩელი უკავშირდებოდა 2005 წელს ვალერი გელაშვილის ცემის ფაქტს”, - წერს კოჟორიძე.
- "სააკაშვილს ცოლი გაექცა" - ინტერვიუ, რომლის გამოც ვალერი გელაშვილი ლამის ცემით მოკლეს
- სააკაშვილს ვალერი გელაშვილის ცემის ფაქტზე ბრალი დაუმძიმდა - პროკურატურა ყოფილ პარლამენტარზე სასტიკი თავდასხმის დეტალებს ასაჯაროებს
- როგორ იგერიებს ვალერი გელაშვილი ნანუკა ჟორჟოლიანსა და ანი ნადარეიშვილს
