3 ქუჩა თბილისში, სადაც 18 და 24-მეტრიანი ავტობუსები იმოძრავებს
დედაქალაქში 18 და 24-მეტრიანი ავტობუსების შემოყვანის საჭიროებაზე კომპანია „სისტრას“ კვლევის წინასწარ ინფორმაციაშია საუბარი.
ამასთან, როგორც კვლევაშია აღნიშნული, ჭავჭავაძის გამზირი და ვეკუასა და ხიზანიშვილის ქუჩები მოაზრებულია, როგორც პირველი დონის სატრანზიტო საზოგადოებრივი ტრანსპორტის დერეფანი.
შეგახსენებთ, რომ მერიამ უკვე დააანონსა ჭავჭავაძის გამზირისა და გლდანში, ვეკუა-ხიზანიშვილის ქუჩების რეაბილიტაცია. მათ შორის, მაისის ბოლოს იგეგმება ჭავჭავაძის გამზირის სარეაბილიტაციო სამუშაოების დაწყება.
„სისტრას“ მიერ შემოთავაზებული სამარშრუტო სქემის მიხედვით სატრანზიტო ჩქარი ავტობუსების (TBT) დერეფნებს შორის არის ი.ჭავჭავაძის გამზირი, ი.ვეკუასა და ო.ხიზანიშვილის ქუჩები, რომელიც საჭიროებს, აღნიშნული სატრანზიტო ხაზის მოწყობის მიზნით, მთლიანი გამზირის/ქუჩების რესურსის გადანაწილება-დაგეგმვა-მოძრაობის ორგანიზების ოპტიმიზაციას. ამასთან, გეგმის თანახმად, აღნიშნულ ქსელს მოემსახურებიან თვრამეტ და ოცდაოთხმეტრიანი ავტობუსები.
ამასთან, აღნიშნულ გამზირსა და ქუჩებზე იგეგმება, ველობილიკებისა და ავტობუსების ზოლების მოწყობაც. წაიკითხეთ სრულად
თბილისში "მარშრუტკები" არ გაუქმდება - გაძვირდება თუ არა საზოგადოებრივი ტრანსპორტით მგზავრობა?
ბიზნესომბუდსმენი და მისი მოადგილე თანამდებობებს ტოვებენ
