მნიშვნელოვანი ინფორმაცია
4
ივნისიდღის ზოგადი ასტროლოგიური პროგნოზი
4 ივნისი, ოთხშაბათი, მთვარის მეცხრე დღე დაიწყება 14:30-ზე, მთვარე სასწორში გადავა 17:41-ზე – დღის ენერგია უარყოფითად მოქმედებს ადამიანებზე. პროვოკაციების დღეა, უფრთხილდით მოტყუებას და ცდუნებებს, იყავით მოკრძალებული. ცოტა დაისვენეთ, აღიდგინეთ ძალა. მოუფრთხილდით პირად ნივთებს. იყავით თავშეკავებული და ტოლერანტული სამსახურში, კომუნიკაციაში, ეცადეთ არავის ანაწყენოთ. არ მიიღოთ მონაწილეობა სარისკო საქმიანობაში. არ არის რეკომენდებული ბიზნესის დაწყება, პრეზენტაციებსა და გასართობ ღონისძიებებზე დასწრება, ხელშეკრულებების გაფორმება. საბუთების შედგენა. აქტიური ორგანოებია: თირკმელები, შარდის ბუშტი, გამომყოფი სისტემა.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
" არ არის გამორიცხული, მალე სერიოზული ადამიანი გახდეს" - რას წერს დასავლური და რუსული მედია ვლადიმერ ზელენსკიზე
20:36 / 22-05-2019
ვლადიმერ ზელენსკი უკრაინის პრეზიდენტის მოვალეობის შესრულებას 20 მაისიდან შეუდგა. ინაუგურაციის ცერემონია უკრაინის სახელმწიფო რადაში გაიმართა. ცერემონიის დროს, ზელენსკის ხელისუფლების სიმბოლოები, მათ შორის სამკერდე ნიშანი და ბეჭედი გადაეცა.
ახლადარჩეულ პრეზიდენტზე მთელი მსოფლიო საუბრობს. საკმაოდ ექსცენტრიული ლიდერის მიმართ ყველას თავისებური მოსაზრება აქვს.
"პოლიტიკა სერიოზული საქმეა, თუმცა თუ პროფესიონალი კომიკოსი ფრთხილად იმოქმედებს, არ არის გამორიცხული პუტინსაც დასცინოს…" - წერს გამოცემა Time უკრაინის პრეზიდენტის შესახებ მომზადებულ სარედაქციო სტატიაში.
"შესაძლოა, მის გაპრეზიდენტებას ისე შევხედოთ, როგორც ქვეყანაში პოლიტიკური ვითარების გაუმჯობესების მცდელობას, სადაც ბოლო 5 წლის განმავლობაში, რუსეთ-უკრაინის ომს 13 ათასი ადამიანი ემსხვერპლა. ამასთან, შესაძლოა, ეს ყველაფერი ტრადიციულ, კლასიკურ-პოლიტიკურ არჩევნებზე კატეგორიული უარის თქმად შევაფასოთ. არ არის გამორცხული, რომ ძალიან მალე ის სერიოზული ადამიანი გახდეს. არის გარკვეული ნიშნები, რომ ის სუსტი მმართველი იქნება, რადგან ქაოტური მოქმედებები ახასიათებს, თუმცა კომიკოსებს არაერთ ქვეყანაში პოლიტიკური წარმატებები აქვთ ზუსტად იმიტომ, რომ ისინი პოლიტიკური ისტებლიშმენტის მტრები არიან..."- წერს გამოცემა.
გამოცემა მას იტალიელ კომიკოსს ბეპე გრილოს ადარებს, რომელიც "მოძრაობა ხუთი ვარსკვლავის" ერთ-ერთი დამფუძნებელია, ახლა კი მმართველ კოალიციაში შედის. ასეთივე წარმომადგენელი ჰყავთ სლოვაკეთშიც. როგორც ცნობილია კომიკური წარსულის მქონე, სატირის ჟანრის წარმომადგენელი მარია შარეცი ქვეყნის პრემიერ-მინისტრი გახდა. ერთ-ერთი ყველაზე ეფექტური და პროგრესულად მოაზროვნე მერი ჰყავს ისლანდიის ქალაქ რეიკიავიკს, რომელიც თავის წინასაარჩევნო კამპანიის დროს, მოსახლეობას ხუმრობით შეჰპირდა, რომ ქვეყნის პარლამენტში ნარკოტიკები აღარ იქნებოდა.
"თუმცა, ახლა უკრიანას ხუმრობისთვის არ სცალია. ზელენსკი უკვე აპირებს რუსეთთან სხვა სახის ურთიერთობას მიაღწიოს და ის არ იქნება "ტყვის" მდგომარეობაში, აპირებს მიაღწიოს მშვიდობას, ოღონდ არა ტერიტორიების დათმობის საფუძველზე" - წერს გამოცემა.
ბრიტანული საგაზეთო გამოცემა iz.ru, რომელიც რამდენიმე ხნის წინ independent-მა იყიდა, წერს, რომ ზელენსკის მოუწევს უფრო ახლოს იყოს ამერიკასთან, თუნდაც იმიტომ, რომ მათ ერთი სატკივარი აქვს - რუსეთი. მას მაგალითად მოჰყავს დონალდ ტრამპის საარჩევნო შტაბის ყოფილი უფროსი პოლ მანაფორტი, რომელმაც ყოფილი პრორუსი პრეზიდენტის ვიქტორ იანუკოვიჩისგან რამდენიმე მილიონი დოლარი აიღო, რის გამოც პატიმრობა მიუსაჯეს.
"წინასაარჩევნო კამპანაში რუსეთის როლი, ეს ერთ-ერთი საკვანძო თემაა, რაც ამერიკასა და უკრაინას აერთიანებს. ახლა მისი მხარდამჭერები მიიჩნევენ, რომ უკრაინის მიმართ მისი დამოკიდებულება ტრამპს მომდევნო არჩევნებში გადარჩენაში დაეხმარება. ამის შესახებ ყველაზე ხმამაღლა ტრამპის ადვოკატი, ნიუ-იორკის ყოფილი მერი რუდი ჯულიანი საუბრობს, რომელმაც თავის დროზე კიევში ვიზიტი გააუქმა. ის ამბობდა, რომ "არ სურდა იმ დარბაზში შესვლა, სადაც ტრამპის, გარკვეულ ვითარებაში კი ამერიკის მტრები ისხდნენ" - წერს გამოცემა.
გერმანელი პოლიტოლოგი ბეატე აპელტი dw.com-სთან საუბარში ამბობს, რომ ზელენსკის მთავარი რისკები და გამოწვევა რუსეთთან ურთიერთობა და რეფორმებია.
"საგარეო კურსის მიმართულებით მნიშვნელოვან ცვლილებებს არ ველოდები, მით უფრო, რომ წინასაარჩევნო კამპანიაში ზელენსკიმ არაერთხელ განაცხადა ევროკავშირსა და ნატოში გაწევრიანებაზე, თუმცა ასევე თქვა, რომ ამ საკითხზე რეფერენდუმის ჩატარებაა საჭირო. პოროშენკო ცდილობდა, ზელენსკი პრორუსულ პოლიტიკოსად წარმოეჩინა, რაც არასერიოზულია. ის რუსულენოვანი პოლიტიკოსია, თუმცა არა პრორუსი", - ამბობს პოლიტოლოგი გამოცემასთან ინტერვიუში.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კიტ კელოგი - მჯერა, რუსეთის წინააღმდეგ აშშ-ის ახალი სანქციები მზადაა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
