მნიშვნელოვანი ინფორმაცია
1
ივნისიდღის ზოგადი ასტროლოგიური პროგნოზი
კვირა, მთვარის მეექვსე დღე დაიწყება 10:27-ზე, მთვარე ლომშია – მარტოობისა და თავმდაბლობის დღეა. ინტუიცია მძაფრდება. კარგია სუნთქვითი ვარჯიში და არომათერაპია. კარგია ზედა სასუნთქი გზებისა და ბრონქების გაწმენდა. რეკომენდებულია: მოაგვარეთ მატერიალური და ფულადი საკითხები. აკეთეთ საქმე. გამოავლინეთ თქვენი უნარები და ნიჭი. წარმატების მიღწევა ბევრ სფეროში შეიძლება. უმჯობესია თავი შეიკავოთ როგორც გრძელი, ასევე მოკლე მოგზაურობისგან. ეს დღე განკუთვნილია დასვენებისთვის.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ხელოვნების სასახლის „უკვდავთა ბაღში“ მოდილიანისადმი მიძღვნილი ფილმის ჩვენება გაიმართა
12:09 / 21-05-2019
მეზეუმების საერთაშორისო დღეს, პროექტის „დიდი მხატვრების შედევრები“ ფარგლებში, „პალიტრა მედიისა“ და „ხელოვნების სასახლის“ ორგანიზებით, მუზეუმის „უკვდავთა ბაღში“ იტალიელი მხატვრის - ამადეო მოდილიანისადმი მიძღვნილი მხატვრული ფილმის დიდ ეკრანზე ჩვენება გაიმართა.
ხელოვნების სასახლემ სტუმრებს 18 მაისს მრავალფეროვანი პროგრამით უმასპინძლა. საღამო გაიხსნა სუხიშვილების ანსამბლის მიერ შესრულებული ცეკვით - ლაზური.
ხელოვნების სასახლის დირექტორმა, გიორგი კალანდიამ გახსნა გამოფენა - „ქართული ეროვნული სამოსი - ისტორია და თანამედროვეობა“. ექსპოზიციის ფარგლებში, ხელოვნების სასახლეში დაცულ ისტორიულ კოსტიუმებთან ერთად წარმოდგენილი იყო ნაციონალური სამოსის სახლის მიერ, ეროვნულ მოტივებზე შექმნილი თანამედროვე ქართული სამოსიც.
სასახლის წითელ ხალიჩაზე ქართველმა დრამერებმა წარმოადგინეს დასარტყამი და სასულე საკრავების შოუ.
დღის დასასრულ, მოსულმა სტუმრებმა „უკვდავთა ბაღში“ გადაინაცვლეს, სადაც საღამო დიდ ეკრანზე ფილმის ჩვენებით დასრულდა.
სტუმრებს, ფილმის ჩვენებამდე, შესაძლებლობა ჰქონდათ, დაეთვალიერებინათ ტილოები, რომლებიც „დიდი მხატვრების შედევრების“ ფარგლებში გამოიცა. გამოფენაზე წარმოდგენილი იყო მოდილიანის სამი შედევრიც: “ჟანა ებიუტერნი", "დედიეს პორტრეტი" და “მწოლიარე შიშველი ქალი”, რომელიც 20 მაისს უკვე გამოვიდა.
მე-20 საუკუნის, ექსპრესიონიზმის ერთ-ერთი თვალსაჩინო წარმომადგენელი, ამადეო მოდილიანი პროექტის „დიდი მხატვრების შედევრები“ მე-5 რჩეული მხატვარია.
შეგახსენებთ, რომ პროექტის „დიდი მხატვრების შედევრების“ ფარგლებში, თვეში ერთხელ გამოიცემა ორიგინალთან მიახლოებული ანალოგები რომლებიც სპეციალურად შექმნილი უნიკალური ტექნოლოგიით იბეჭდება მაღალი ხარისხის ტილოზე და გადაჭიმულია ხის ჩარჩოზე.
სასურველ მხატვარსა და მის ნამუშევრებს ირჩევს საზოგადოება შემდეგ ელექტრონულ მისამართზე: https://www.palitral.ge/mkhatvrebi.html
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
გიორგი ბაჩიაშვილი - საქართველოს წარმომადგენლებმა, ივანიშვილის დავალებით, მიმართეს ბანდიტურ გზას და მოტაცებით ჩამომიყვანეს საქართველოში
კვირის კითხვადი სტატიები
მნიშვნელოვანი ინფორმაცია
მკითხველის რჩევით
_2019-10-07_pcZAK5dDPSlBIBs.jpg)
