არსებული ინფორმაციით, 51-ე სკოლასთან მეთორმეტე კლასის მოსწავლეებმა "ბოლო ზარზე" ერთმანეთი დაჭრეს

51-ე სკოლასთან მოზარდებს შორის, სავარაუდოდ, ფიზიკური დაპირისპირება მოხდა. „რუსთავი 2“-ის ინფორმაციით, თვითმხილველები ამბობენ, რომ ერთმანეთს დამამთავრებელი კლასის მოსწავლეები დაუპირისპირდნენ.

დაპირისპირება მაშინ მოხდა, როდესაც სკოლის მიმდებარე ტერიტორიაზე „ბოლო ზარის“ ღონისძიება მიმდინარეობდა.

ადგილობრივები ამბობენ, რომ ჩხუბში ბევრი მოზარდი მონაწილეობდა. ერთ-ერთი თვითმხილველის თქმით, მან ასევე დაინახა დანებიც მოსწავლეების ხელში, თუმცა, ამ ეტაპზე უცნობია, დაშავდა თუ არა ვინმე.

როგორც „ინტერპრესნიუსს“ შსს-ში განუცხადეს, უწყებაში შეტყობინება დაპირისპირებისა და დაჭრის ფაქტზე შევიდა, სამართალდამცველები შემთხვევის ადგილზე არიან გასულები ფაქტის გადასამოწმებლად.

პოლიცია ამ ეტაპზე შემთხვევის ადგილზე მუშაობს, რათა დადგინდეს, რა მოხდა 51-ე სკოლის მიმდებარე ტერიტორიაზე.