მნიშვნელოვანი ინფორმაცია
31
მაისიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
კატერდამის მაგიურ სამყაროში მოგზაურობა ძალიან მალე ქართველ მკითხველსაც შეეძლება
14:27 / 16-05-2019
ექვსი ყველასგან უარყოფილი ადამიანი გრიშავერსის მაგიურ სამყაროში გამდიდრებისთვის ისწრაფვის. აქ ყველაზე რთულია სიკვდილს გადაურჩე. მუდმივი გაქცევა, ბრძოლა, დაბრკოლებების გადალახვა- ეს ისაა რისი ატანაც მიზნის მისაღწევად „ყვავების ექვსეულის“ მთავარ გმირებს უწევთ. ლი ბარდუგო თავის ზემოთ ხსენებულ წიგნში, ადამიანებს საინტერესო სახით წარმოაჩენს. მუდმივი დინამიკა და თავგადასავლები ყვავების ექვსეულის პერსონაჟების თანმდევი ხდება. ისინი ქურდობენ, უამრავჯერ იქცევიან არასწორად და გასამდიდრებლად ყველაფერს აკეთებენ, თუმცა, მიუხედავად მათი არც თუ ისე მოსაწონი საქციელებისა, თითეული მათგანი მკითხველისთვის ძალიან საინტერესო და მიმზიდველი ხდება. ნაწარმოების შინაარსით ლი ბარდუგო მკითხველისთვის იმის ჩვენებას ცდილობს, რომ ხშირად ჩვენვე ვუბიძგებთ ადამიანებს სწორ გზას გადაუხვიონ და არაფერს ვუტოვებთ ისეთს, რის გამოც უკან დახევას მოისურვებენ და შეძლებენ.
ნაწარმოების ავტორიც გარეგნულად თითქოს იმ სამყაროს ნაწილია, რომელიც შექმნა. გოთიკური სტილითა და იდუმალი გარეგნობით ის ნამდვილად გამოირჩევა. მუდმივად მოგზაურობს და ცდილობს რაც შეიძლება მეტი ქვეყნის კულტურას გაეცნოს. იკვლევს მითოლოგიას და ეძებს მასში რაღაც ახალს, საინტერესოს. როგორც ამბობს, დეგენერაციული დაავადება ოსტეონეკროზი სჭირს, რომელიც ითარგმნება, როგორც „ძვლების სიკვდილი“. საინტერესოა რომ იგივე დაავადებით იტანჯება „ყვავების ექვსეულის“ მთავარი გმირი კაზი. ავტორმა თითქოს თავისი ტკივილი უწილადა პერსონაჟს, ეს უფრო მეტად ქმნის იმის წარმოდგენას, რომ ლი ბარდუგო „ყვავების ექვსეულის“ არა მხოლოდ ავტორი, არამედ მისი ერთ-ერთი მთავარი გმირიცაა. მალე ავტორის მიერ შექმნილ მაგიურ სამყაროზე სერიალის გადაღებას “Netflix”-იც გეგმავს.
პროექტის მენეჯერის, გიორგი კიკაბიძის თქმით მწერლის საინტერესო წერის სტილი მაშინვე ითრევს მკითხველს და თითოეულ პერსონაჟს ძალიან საინტერესოს ხდის მისთვის.
„ლი ბარდუგო ფენტეზის ჟანრის მწერალია. მნიშვნელოვანია, ის ფაქტი რომ „ყვავების ექვსეულში“ მოქმედება მიმდინარეობს ბანდებსა და დაჯგუფებებს შორის და არა სამეფო კარის ირგვლივ, რაც უფრო მეტად გავრცელებულია ამ ჟანრში. ავტორს ძალიან კარგად აქვს აღწერილი ურბანული ცხოვრება, კარგად აქვს გათვალისწინებული მისი თითოეული დეტალი, რაც საშუალებას გვაძლევს ამ სამყაროს უფრო ახლოს გავეცნოთ და არა მხოლოდ მაღალი წოდების წარმომადგენელი ადამიანების, არამედ ჩვეულებრივი ადამიანების ცხოვრებაც შევისწავლოთ. ლი ბარდუგოს საინტერესო სტილი აქვს შერჩეული, ის ექვსივე პერსონაჟის თვალით გვიჩვენებს სიუჟეტს და ასე თითოეული მათგანი განსხვავებული და მკითხველისთვის საყვარელი ხდება. ავტორს გრიშავერსის სამყაროზე ბევრი წიგნი აქვს დაწერილი. ძალიან მალე კი ქართველ მკითხველს ლი ბარდუგოს მიერ შექმნილი ჯადოსნური ქვეყნის ისტორიებიდან ყვავების ექვსეულის ამბის გაცნობა შეეძლება. მნიშვნელოვანია, რომ წიგნის ქართულ გამოცემას თანდართული ექნება ორი რუკა, გრიშავერსისა და კეტერდამის- იმ ქალაქების სადაც უშუალოდ ვითარდება მოვლენები. ეს კი უფრო რეალურს და აღქმადს გახდის ქართველი მკითხველისთვის ამ წიგნში აღწერილ სამყაროს.“
„ყვავების ექვსეული“ ახალი და საინტერესო თავგადასავალი იქნება ფანტასტიკით გატაცებული მკითხველისთვის. ის ემოციები და თავგადასავლები, რომლებსაც აქ გადააწყდებით ნამდვილად ვერ დაგტოვებენ გულგრილს. პერსონაჟებთან ერთად იმოგზაურებთ კატერდამის ჯადოსნურ სამყაროში, სადაც ყველგან საფრთხე მოგელით. კაზთან ერთად აღმოჩნდებით სამყაროს განადგურების მოლოდინში გადარჩენის იმედით, თან გეცოდინებათ, რომ ერთადერთი ხსნა ის იქნება, თუ ყვავები ერთმანეთს დახოცავენ. ძალიან მალე ამ ყველაფრის განცდის შესაძლებლობა ქართველ მკითხველსაც ექნება. ლი ბარდუგოს „ყვავების ექვსეული“ ლიბერთინსის კამპანიის ფარგლებში ითარგმნა და წიგნის ფესტივალზე (30 მაისიდან 2 ივნისის ჩათვლით) თავის მკითხველს ელოდება.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
გიორგი ბაჩიაშვილი - საქართველოს წარმომადგენლებმა, ივანიშვილის დავალებით, მიმართეს ბანდიტურ გზას და მოტაცებით ჩამომიყვანეს საქართველოში
კვირის კითხვადი სტატიები
მნიშვნელოვანი ინფორმაცია
მკითხველის რჩევით
_2019-10-07_pcZAK5dDPSlBIBs.jpg)
