"აღ­მო­სავ­ლეთ პარტნი­ო­რო­ბა" ათი წლის იუ­ბი­ლეს აღ­ნიშ­ნავს. ეს თა­ნამ­შრომ­ლო­ბა ევ­რო­კავ­შირს, მის წევრ ქვეყ­ნებ­სა და სა­ქარ­თვე­ლოს შო­რის, მნიშ­ვნე­ლო­ვა­ნი სარ­გებ­ლის მომ­ტა­ნი აღ­მოჩ­ნდა სა­ქარ­თვე­ლოს მო­ქა­ლა­ქე­ე­ბი­სათ­ვის. ვი­ზა­ლი­ბე­რა­ლი­ზა­ცი­ის წყა­ლო­ბით, 300 000-მდე სა­ქარ­თვე­ლოს მო­ქა­ლა­ქემ იმოგ­ზა­უ­რა ევ­რო­კავ­ში­რის ქვეყ­ნებ­ში ვი­ზის გა­რე­შე და ახა­ლი ტუ­რის­ტუ­ლი ღირ­სშე­სა­ნიშ­ნა­ო­ბე­ბი აღ­მო­ა­ჩი­ნა.

მათ­თვის, ვინც უახ­ლო­ეს მო­მა­ვალ­ში ევ­რო­პის ქა­ლა­ქებ­ში მოგ­ზა­უ­რო­ბას გეგ­მავს, სა­ინ­ტე­რე­სო რჩე­ვე­ბი გვაქვს, თა­ნაც ახალ­გაზ­რდა ევ­რო­პე­ლი ელ­ჩე­ბის­გან - მა­რი­ამ მორ­ჩა­ძე, გენო ქუ­ტაშ­ვი­ლი და გაგა გვე­ნე­ტა­ძე ნი­დერ­ლან­დე­ბის, იტა­ლი­ი­სა და უნ­გრე­თის ქა­ლა­ქებ­ში ია­ფად მოგ­ზა­უ­რო­ბის ხერ­ხებს გა­გი­ზი­ა­რე­ბენ და გირ­ჩე­ვენ აუ­ცი­ლებ­ლად სა­ნა­ხავ ად­გი­ლებს.

რჩე­ვე­ბი ნი­დერ­ლან­დებ­ში მოგ­ზა­უ­რე­ბის­თვის

ქა­რის წის­ქვი­ლე­ბის, ყვე­ლის, ტი­ტე­ბის, მუ­ზე­უ­მე­ბის, ვე­ლო­სი­პე­დე­ბის, არ­ხე­ბი­სა და ლი­ბე­რა­ლუ­რი კა­ნო­ნე­ბის ქვე­ყა­ნა - ეს ნი­დერ­ლან­დე­ბია. იმი­სათ­ვის, რომ სა­ქარ­თვე­ლო­დან ამ სა­ო­ცარ ქვე­ყა­ნა­ში მოვ­ხვდეთ, თვითმფრი­ნა­ვის ბი­ლე­თე­ბი­სა და სა­ცხოვ­რებ­ლის ჯავ­შა­ნის დო­კუ­მენ­ტე­ბი გვჭირ­დე­ბა. თუკი უკვე იმ­ყო­ფე­ბით შენ­გე­ნის ზო­ნის რო­მე­ლი­მე ქვე­ყა­ნა­ში, მა­შინ გა­ცი­ლე­ბით სწრა­ფად და მარ­ტი­ვად შე­გიძ­ლი­ათ მოგ­ზა­უ­რო­ბა.

• რო­გორ დავ­გეგ­მოთ მარ­შრუ­ტი და დავ­ზო­გოთ თან­ხა?

თბი­ლი­სი­დან ამ­სტერ­და­მის მი­მარ­თუ­ლე­ბით უამ­რა­ვი ფრე­ნა ხორ­ცი­ელ­დე­ბა. 2019 წლის 1 აგ­ვის­ტო­დან კი ქუ­თა­ი­სი­და­ნაც შეგ­ვეძ­ლე­ბა პირ­და­პი­რი რე­ი­სით ეინდჰო­ვენ­ში ჩაფ­რე­ნა. მთა­ვა­რია ნი­დერ­ლან­დე­ბის რო­მე­ლი­მე ქა­ლა­ქის სად­გურ­ში მოხ­ვდეთ და შემ­დეგ სატ­რან­სპორ­ტო სის­ტე­მის წყა­ლო­ბით, ქა­ლა­ქებს უპ­რობ­ლე­მოდ მო­ი­ნა­ხუ­ლებთ. გირ­ჩევთ შე­ი­ძი­ნოთ OV Chipkaart - ქარ­თუ­ლი მეტ­რო­მა­ნის ანა­ლო­გი და თან­ხა მას­ზე და­რი­ცხოთ. მისი ყიდ­ვა ნე­ბის­მი­ერ რკი­ნიგ­ზის სად­გურ­ზე შე­გიძ­ლი­ათ. ამ ბა­რა­თით შეძ­ლებთ მა­ტა­რებ­ლის სად­გუ­რებ­ზე შეს­ვლას, გა­მოს­ვლის დროს კი ისევ გა­ა­ტა­რებთ, რათა მგზავ­რო­ბის ღი­რე­ბუ­ლე­ბა და­ფიქ­სირ­დეს და ჩა­მო­იჭ­რას შე­სა­ბა­მი­სი თან­ხა.

ასევე დაგაინტერესებთ

11:20 / 01-12-2018

"ცრემლები ვერ შევიკავე: სახლებზე სპარსულთან ერთად, ქართული წარწერები იყო..." - ფერეიდანში მოგზაურობის ემოციური ამბავი ქართველი გოგონასგან

არ შე­ი­ძი­ნოთ ერთჯე­რა­თი ბი­ლე­თე­ბი, გა­ცი­ლე­ბით ძვი­რია და მო­უ­ხერ­ხე­ბე­ლი!

გა­მო­ი­ყე­ნეთ აპ­ლი­კა­ცია „9292“, მთე­ლი ქვეყ­ნის მას­შტა­ბით შე­გიძ­ლი­ათ აირ­ჩი­ოთ ქა­ლა­ქე­ბის სად­გუ­რე­ბი და პროგ­რა­მა გიჩ­ვე­ნებთ დროს, პლატ­ფორ­მის ნო­მერ­სა და მგზავ­რო­ბის ღი­რე­ბუ­ლე­ბას. ასე­ვე, შე­გიძ­ლი­ათ ჯგუ­ფუ­რი ბი­ლე­თი შე­ი­ძი­ნოთ, მი­ნი­მუმ 4 ადა­მი­ა­ნი­სა­გან შემ­დგა­რი და და­ზო­გოთ მგზავ­რო­ბის თან­ხა. მა­გა­ლი­თად, ამ­სტერ­და­მი­დან რო­ტერ­დამ­ში წა­სას­ვლე­ლად OV Chipkaart-ზე მი­ნი­მუმ 16 ევრო გჭირ­დე­ბათ, 4-წევ­რი­ა­ნი ჯგუ­ფუ­რი ბი­ლე­თის შე­ძე­ნის შემ­თხვე­ვა­ში 8 ევ­როს გა­და­იხ­დით, 7 წევ­რზე კი 5 ევ­როს. მათი შე­ძე­ნა ელექტრო­ნუ­ლად შე­გიძ­ლი­ათ ვებგ­ვერ­დზე- www.ns.nl.

• აუ­ცი­ლებ­ლად სა­ნა­ხა­ვი ად­გი­ლე­ბი

ნი­დერ­ლან­დე­ბი მხო­ლოდ ამ­სტერ­და­მი არ არის. კომ­ფორ­ტუ­ლი მა­ტა­რებ­ლით გა­ემ­გზავ­რეთ უტ­რეხ­ტში, ჰა­ა­გა­ში, რო­ტერ­დამ­ში, მა­ას­ტრიხ­ტში... უტ­რეხ­ტი პა­ტა­რა ამ­სტერ­და­მია, თუმ­ცა, ნაკ­ლე­ბად ქა­ო­ტუ­რია. ამ ქა­ლაქ­ში, გირ­ჩევთ, უბ­რა­ლოდ, და­ი­ვი­წყოთ დრო­ი­სა და რუ­კის არ­სე­ბო­ბა და და­ი­კარ­გოთ. და­ათ­ვა­ლი­ე­რეთ არ­ქი­ტექ­ტუ­რა, და­აკ­ვირ­დით უფარ­დო ფან­ჯრებს და მო­უს­მი­ნეთ ქუ­ჩის ხე­ლო­ვა­ნებს...

აუ­ცი­ლებ­ლად ეწ­ვი­ეთ ამ­სტერ­და­მი­სა და ჰა­ა­გის მუ­ზე­უ­მებს. ბი­ლე­თე­ბის ფასი საკ­მა­ოდ ძვი­რია და სამ­წუ­ხა­როდ, არა­ნა­ი­რი შე­ღა­ვა­თი არ ვრცელ­დე­ბა. გირ­ჩევთ, გად­მო­წე­როთ აპ­ლი­კა­ცი­ე­ბი, რომ­ლე­ბიც გი­დის ფუნ­ქცი­ას შე­ას­რუ­ლე­ბენ, თი­თო­ე­ულ მუ­ზე­უმს თა­ვი­სი აპ­ლი­კა­ცია აქვს. აუ­ცი­ლებ­ლად ნა­ხეთ მუ­ზე­უ­მე­ბი - Rijksmuseum, Van Gogh, Heineken Experience და მა­დამ ტუსოს სა­ლო­ნი.

წი­თე­ლი ფარ­ნე­ბის კვარ­ტა­ლი - ის ად­გი­ლია, რო­მე­ლიც ამ­სტერ­დამს მსოფ­ლი­ოს სხვა ქა­ლა­ქე­ბის­გან ყვე­ლა­ზე მე­ტად გა­მო­არ­ჩევს, ე.წ. ქო­ფი­შო­ფე­ბი­თა და წით­ლად გა­ნა­თე­ბულ ფან­ჯა­რა­ში მდგო­მი სექ­სუ­ა­ლუ­რი ქა­ლე­ბით სავ­სე ქუჩა. და­ა­გე­მოვ­ნეთ Vlaams Friteshuis-ის ფრი, 1.5 ევრო ღირს და უგემ­რი­ე­ლე­სია! სა­ღა­მო კი Hills Street Blues ბარ­ში გა­ა­ტა­რეთ, რო­მე­ლიც არხზე დგას და ულა­მა­ზე­სი ხედი აქვს.

• სად შე­გიძ­ლი­ათ ღა­მის გა­თე­ვა?

თუ მე­გობ­რებ­თან ერ­თად ხართ, Airbnb სა­უ­კე­თე­სო ვა­რი­ან­ტია, ბი­ნე­ბი ხელ­მი­საწ­ვდო­მია რო­გორც ცენ­ტრში, ასე­ვე გა­რე­უბ­ნებ­ში. სა­ო­ჯა­ხო ტი­პის სას­ტუმ­რო­ებ­შიც შე­გიძ­ლი­ათ დარ­ჩეთ, მაგ­რამ აუ­ცი­ლე­ბე­ლია რამ­დე­ნი­მე კვი­რით ადრე და­ჯავ­შვნა.

თუ მარ­ტო მოგ­ზა­უ­რობთ ან მხო­ლოდ ორნი, შე­გიძ­ლი­ათ ისარ­გებ­ლოთ სა­ი­ტით - couchsurfing. არა­ერ­თხელ გა­მო­მი­ყე­ნე­ბია და ვურ­ჩევ ნე­ბის­მი­ერ ადა­მი­ანს, გან­სა­კუთ­რე­ბით მათ, ვინც თავ­გა­და­სავ­ლე­ბის ძი­ე­ბა­ში არი­ან და ად­გი­ლობ­რი­ვი კულ­ტუ­რის შეგ­რძნე­ბა ბო­ლომ­დე სურთ.

ამ აპ­ლი­კა­ცი­ის სა­შუ­ა­ლე­ბით, შე­გიძ­ლი­ათ მო­ძებ­ნოთ ჰო­ლან­დი­ე­ლე­ბი ან ნი­დერ­ლან­დებ­ში მცხოვ­რე­ბი ახალ­გაზ­რდე­ბი, რომ­ლე­ბიც გი­მას­პინ­ძლე­ბენ რამ­დე­ნი­მე ღა­მით და არა­ნა­ი­რი თან­ხის გა­დახ­დას არ გთხო­ვენ. ამის­თვის უბ­რა­ლოდ, გად­მო­წე­რეთ აპ­ლი­კა­ცია, შექ­მე­ნით თქვე­ნი პრო­ფი­ლი და მო­ძებ­ნეთ კე­თი­ლი და სა­ინ­ტე­რე­სო ადა­მი­ა­ნე­ბი.

• სად უნდა იყი­დოთ პრო­დუქ­ტე­ბი?

ნი­დერ­ლან­დებ­ში არ­სე­ბობს ერთი გერ­მა­ნუ­ლი სუ­პერ­მარ­კე­ტი -LiDL, რო­მე­ლიც ძა­ლი­ან ია­ფია და გირ­ჩევთ უყუ­რა­დღე­ბოდ არ და­ტო­ვოთ ყვი­თელ წრე­ში ამოტვიფ­რუ­ლი ლურ­ჯი ასო­ე­ბი და ყვე­ლა­ფე­რი იქ შე­ი­ძი­ნოთ.

ასე რომ, ჩა­ა­ლა­გეთ ბარ­გი და ეწ­ვი­ეთ ამ მა­გი­ურ ქვე­ყა­ნას, რო­მელ­საც ძა­ლი­ან დიდი ენერ­გია აქვს და დიდი ხნით შე­უძ­ლია თქვენ­ში სა­ო­ცა­რი გან­წყო­ბის შე­ნარ­ჩუ­ნე­ბა!

რჩე­ვე­ბი იტა­ლი­ა­ში მოგ­ზა­უ­რე­ბის­თვის

აპუ­ლი­ის რე­გი­ო­ნი იტა­ლი­ის სამ­ხრეთ-აღ­მო­სავ­ლეთ­ში მდე­ბა­რე­ობს. აღ­მო­სავ­ლე­თით ესა­ზღვრე­ბა ად­რი­ა­ტი­კის ზღვა, სამ­ხრეთ-აღ­მო­სავ­ლე­თით კი იო­ნი­ის ზღვა. შე­სა­ბა­მი­სად, ზა­ფხუ­ლი ძა­ლი­ან კარ­გი დროა იმის­თვის, რომ აპუ­ლი­ას და მის ზღვის­პი­რა ქა­ლა­ქებს ეს­ტუმ­როთ. თა­ნაც, სა­ქარ­თვე­ლო­დან იტა­ლი­ის მი­მარ­თუ­ლე­ბით, აგ­ვის­ტო­ში Wizz Air ახა­ლი მი­მარ­თუ­ლე­ბით (ქუ­თა­ი­სი-ბარი) რე­ი­სე­ბის შეს­რუ­ლე­ბას იწყებს.

• აუ­ცი­ლებ­ლად სა­ნა­ხა­ვი ად­გი­ლე­ბი

აუ­ცი­ლებ­ლად სა­ნა­ხა­ვი ქა­ლა­ქე­ბია - ბარი, ლეჩე, პო­ლი­ნი­ა­ნო ა მარე და ალ­ბე­რო­ბე­ლი. ბარი აპუ­ლი­ის ცენ­ტრა­ლუ­რი ქა­ლა­ქია, რო­მე­ლიც ბოლო ოცი წე­ლია გან­ვი­თარ­და და ტუ­რის­ტე­ბის­თვის მიმ­ზიდ­ვე­ლი გახ­და, მა­ნამ­დე რე­გი­ო­ნი და გან­სა­კუთ­რე­ბით ეს ქა­ლა­ქი, იტა­ლი­ის მა­ფი­ას ჰყავ­და "შე­პყრო­ბი­ლი" და ქუ­ჩებ­ში სი­ა­რუ­ლიც კი სა­ში­ში იყო.

ბარ­ში აუ­ცი­ლებ­ლად უნდა მო­ი­ნა­ხუ­ლოთ ძვე­ლი ქა­ლა­ქი, გა­ი­სე­ირ­ნოთ ზღვის­პი­რას და სა­ღა­მოს დრო გა­ა­ტა­როთ ცენ­ტრა­ლურ მო­ე­დან­ზე, სა­დაც შეხ­ვდე­ბით უამ­რავ ახალ­გაზ­რდას და და­ა­გე­მოვ­ნებთ ად­გი­ლობ­რივ კერ­ძებს. ბა­რი­დან შე­საძ­ლე­ბე­ლია მა­ტა­რებ­ლით წახ­ვი­დეთ ზე­მოთ ჩა­მოთ­ვლილ ნე­ბის­მი­ერ ქა­ლაქ­ში, რე­კო­მენ­და­ცი­ას გა­ვუ­წევ­დი პო­ლი­ნი­ა­ნო ა მა­რეს, რო­მე­ლიც პირ­და­პირ ზღვის პი­რა­საა გა­შე­ნე­ბუ­ლი და ზა­ფხულ­ში გან­ტვირ­თვის სა­უ­კე­თე­სო სა­შუ­ა­ლე­ბაა.

• რა უნდა გა­სინ­ჯოთ

აპუ­ლი­ა­ში შე­გიძ­ლი­ათ ჭა­მოთ უგემ­რი­ე­ლე­სი საჭ­მე­ლი, თა­ნაც იტა­ლი­ის სხვა რე­გი­ო­ნებ­თან შე­და­რე­ბით ბევ­რად ია­ფად. აუ­ცი­ლებ­ლად გა­სინ­ჯეთ ნა­ყი­ნი (ჯე­ლა­ტო) ნე­ბის­მი­ერ სა­ნა­ყი­ნე­ში ძა­ლი­ან კარგ ნა­ყინს შე­მო­თა­ვა­ზე­ბენ! და­ა­გე­მოვ­ნეთ ორა­გუ­ლის ბურ­გე­რი ფის­ტით, ასე­ვე პას­ტა orecchiette, ფო­კა­ჩა და და­ხუ­რუ­ლი პიცა (Panzerotti).

• სად შე­გიძ­ლი­ათ ღა­მის გა­თე­ვა?

წი­ნას­წარ და­ჯავ­შნის შემ­თხვე­ვა­ში ჰოს­ტე­ლე­ბი ძვი­რი არ არის, მაგ­რამ გირ­ჩევთ, გა­მო­ი­ყე­ნეთ couchsurfing, რო­მე­ლიც ფუ­ლის და­ზოგ­ვის და ახა­ლი ნაც­ნო­ბე­ბის შე­ძე­ნის კარ­გი სა­შუ­ა­ლე­ბაა. აპუ­ლი­ე­ლე­ბი ძა­ლი­ან სტუ­მარ­თმოყ­ვა­რე­ო­ბით გა­მო­ირ­ჩე­ვი­ან, ამი­ტომ თუ ამ სერ­ვისს აირ­ჩევთ სა­ინ­ტე­რე­სო გა­მოც­დი­ლე­ბას მი­ი­ღებთ. უბ­რა­ლოდ გად­მო­წე­რეთ აპ­ლი­კა­ცია, შექ­მე­ნით თქვე­ნი პრო­ფი­ლი და მო­ძებ­ნეთ კე­თი­ლი და სა­ინ­ტე­რე­სო ადა­მი­ა­ნე­ბი!

• რო­გორ დავ­გეგ­მოთ მარ­შრუ­ტი და დავ­ზო­გოთ თან­ხა?

იტა­ლი­ა­ში რაც უნდა გა­ით­ვა­ლის­წი­ნოთ არის ის, რომ ყო­ველ­თვის გქონ­დეთ ონ­ლა­ინ ბი­ლე­თი. ამ შემ­თხვე­ვა­ში გა­და­იხ­დით ნაკ­ლებს, პლუს არ მო­გი­წევთ სად­გურ­ზე მათი გა­ტა­რე­ბა, რაც ად­გილ­ზე ბი­ლე­თის ყიდ­ვის შემ­თხვე­ვა­ში აუ­ცი­ლე­ბე­ლია და შე­იძ­ლე­ბა სიჩ­ქა­რე­ში და­გა­ვი­წყდეთ, რა­ზეც საკ­მა­ოდ დიდი ჯა­რი­მე­ბია.

იტა­ლი­ა­ში არის სხვა­დას­ხვა სა­ხის მა­ტა­რებ­ლე­ბი:

• Regionale Veloce - რო­დე­საც გექ­ნე­ბათ ამ მა­ტა­რებ­ლის ონ­ლა­ინ ბი­ლე­თი, შე­გიძ­ლი­ათ გა­მო­ი­ყე­ნოთ 4 სა­ა­თის გან­მავ­ლო­ბა­ში. მაგ. თუ ბი­ლე­თი მაქვს 13:00-ზე, შე­მიძ­ლია 17:00-ზე მი­მა­ვალ მა­ტა­რე­ბელს გავ­ყვე.
• ინ­ტერ­სი­თი - შე­და­რე­ბით სწრა­ფია და მას­ზეც იგი­ვე წესი მოქ­მე­დებს. მაგ­რამ თუ გაქვთ Regionale-ს ბი­ლე­თი, ვერ იმ­გზავ­რებთ ინ­ტერ­სი­თით. ბი­ლე­თე­ბის ფასი შე­იძ­ლე­ბა შე­იც­ვა­ლოს და იმ დღის ბი­ლე­თი გა­ცი­ლე­ბით ძვი­რი ღირ­დეს, ვიდ­რე ერთი კვი­რით ადრე ნა­ყი­დი.
• frecciabianca; frecciarossa; frecciargento - მა­ღა­ლი კლა­სის და სწრა­ფი მა­ტა­რებ­ლე­ბია. ამ შემ­თხვე­ვა­ში ზუს­ტად თქვენს დროს უნდა გა­მო­ცხად­დეთ სად­გურ­ზე. ამ მა­ტა­რებ­ლე­ბის ბი­ლე­თე­ბის ფასი მუდ­მი­ვად იც­ვლე­ბა. მაგ: თუ 1 თვით ადრე ბი­ლეთს 15 ევ­როდ იყი­დით, 1 დღით ადრე 50 ევრო ან მეტი და­გიჯ­დე­ბათ.

გა­ით­ვა­ლის­წი­ნეთ: იტა­ლი­ა­ში, სა­ხელ­მწი­ფო მუ­ზე­უ­მე­ბი ყო­ვე­ლი თვის პირ­ველ კვი­რას არის უფა­სო. მაგ, თუ 3 აგ­ვის­ტო არის კვი­რა, შე­სა­ბა­მი­სად ის თვის პირ­ვე­ლი კვი­რაა და ამ დროს შე­გიძ­ლი­ათ სა­ხელ­მწი­ფო მუ­ზე­უ­მე­ბი უფა­სოდ და­ათ­ვა­ლი­ე­როთ.

რჩე­ვე­ბი უნ­გრეთ­ში, ბუ­და­პეშ­ტში მოგ­ზა­უ­რე­ბის­თვის

ცენ­ტრა­ლუ­რი ევ­რო­პის ერთ-ერთი ულა­მა­ზე­სი და იაფი ქა­ლა­ქი, იუ­ნეს­კოს მსოფ­ლიო მემ­კვიდ­რე­ო­ბის ძეგლ­თა სი­ა­შია შე­სუ­ლი.

ბუ­და­პეშ­ტი მდი­ნა­რე დუ­ნა­ით გა­ყო­ფი­ლი ქა­ლა­ქია, რო­მე­ლიც აუ­ცი­ლებ­ლად მოგ­ხიბ­ლავთ ევ­რო­პუ­ლი არ­ქი­ტექ­ტუ­რი­თა და გემ­რი­ე­ლი სამ­ზა­რე­უ­ლო­თი. პეშ­ტი უფრო ახა­ლია და ხმა­უ­რი­ა­ნი, რო­გორც ამ­ბო­ბენ უფრო ცო­ცხა­ლი, მაგ­რამ თუ სიძ­ვე­ლის მოყ­ვა­რუ­ლი ხართ, ბუ­დას მხა­რე თქვე­ნი ად­გი­ლია. ძვე­ლი ევ­რო­პუ­ლი არ­ქი­ტექ­ტუ­რა და თვა­ლის­მომჭრე­ლი ხე­დე­ბი გან­წყო­ბა­ზე აუ­ცი­ლებ­ლად მო­ახ­დენს გავ­ლე­ნას!

სამ­სა­ა­თი­ა­ნი მგზავ­რო­ბის შემ­დეგ, აე­რო­პორ­ტი­დან ბუ­და­პეშ­ტის ცენ­ტრში გა­მოს­ვლა, ძა­ლი­ან მარ­ტი­ვია და ორი გზით არის შე­საძ­ლე­ბე­ლი: ერთი სწრა­ფი და შე­და­რე­ბით ძვი­რი, მე­ო­რე - იაფი და ნელი.

ავ­ტო­ბუ­სი #100E, რომ­ლის გა­ჩე­რე­ბაც ჩა­მოფ­რე­ნის გე­ი­თის გა­მო­სას­ვლელ­შია, სულ რა­ღაც 4 გა­ჩე­რე­ბა­ში მი­გიყ­ვანთ ცენ­ტრში. სამ­გზავ­რო ბი­ლეთს გა­ჩე­რე­ბის წინ მდგარ კი­ოსკში ყი­დუ­ლობთ, რომ­ლის ფა­სიც 900 ფო­რინ­ტია (9 ლარი), ხოლო ავ­ტო­ბუ­სი #200E, რო­მე­ლიც ასე­ვე ჩა­მოფ­რე­ნის გე­ი­თის წინ გა­ჩე­რე­ბი­დან გა­მო­დის, და­ახ­ლო­ე­ბით 3,50 ლა­რად მი­გიყ­ვანთ ცენ­ტრში.

ჩაფ­რე­ნის­თა­ნა­ვე, ფულს ნუ და­ა­ხურ­და­ვებთ აე­რო­პორ­ტში! კურ­სი და­ბა­ლია, და უმ­ჯო­ბე­სია, ცენ­ტრში მდე­ბა­რე ვა­ლუ­ტის ჯი­ხუ­რე­ბი გა­მო­ი­ყე­ნოთ. ხოლო თუ ბი­ლე­თე­ბის სა­ყი­დე­ლი ფული გჭირ­დე­ბათ, მხო­ლოდ მცი­რე რა­ო­დე­ნო­ბა და­ა­ხურ­და­ვეთ აე­რო­პორ­ტში ან შე­გიძ­ლი­ათ ბი­ლე­თე­ბის კი­ოსკში გა­და­ი­ხა­დოთ ბა­რა­თით.

• აუ­ცი­ლებ­ლად სა­ნა­ხა­ვი ად­გი­ლე­ბი

მო­ემ­ზა­დეთ და თქვე­ნი მოგ­ზა­უ­რო­ბა აუ­ცი­ლებ­ლად და­ი­წყეთ ბუ­დას ციხე-ქა­ლა­ქი­დან. ამ უბან­ში მდე­ბა­რე­ობს სა­მე­ფო სა­სახ­ლე, ეროვ­ნუ­ლი გა­ლე­რეა, ეროვ­ნუ­ლი ბიბ­ლი­ო­თე­კა, წმ. მა­ტი­ა­შის ტა­ძა­რი, მე­თევ­ზე­თა ბას­ტი­ო­ნი და ფუ­ნი­კუ­ლი­ო­რი.

მე-13 სა­უ­კუ­ნე­ში აშე­ნე­ბუ­ლი კომ­პლექ­სი, ის­ტო­რი­უ­ლი ციხე-ქა­ლა­ქია და იქ მი­სას­ვლე­ლად ორი გზა შე­გიძ­ლი­ათ გა­მო­ი­ყე­ნოთ - ფე­ხით მიხ­ვი­დეთ, ან დეაკ ფე­რენს ტე­რეს გა­ჩე­რე­ბი­დან (ცენ­ტრა­ლუ­რი გა­ჩე­რე­ბა) გა­მო­ი­ყე­ნოთ #16 ავ­ტო­ბუ­სი. ქა­ლა­ქის ღირ­შე­სა­ნიშ­ნა­ო­ბე­ბი ერ­თმა­ნეთ­თან ახ­ლო­საა და ფე­ხი­თაც შე­გიძ­ლი­ათ და­ათ­ვა­ლი­ე­როთ, თუ ტრან­პორ­ტით გა­და­ად­გი­ლე­ბა გირ­ჩევ­ნი­ათ, არ და­გა­ვი­წყდეთ ბი­ლე­თის შე­ძე­ნა, რად­გან კონ­ტრო­ლი­ო­რე­ბი მუდ­მი­ვად ამოწ­მე­ბენ და ჯა­რი­მა ძა­ლი­ან მა­ღა­ლია.

ბუ­დას ციხე-ქა­ლა­ქის ნახ­ვი­სა და ბუ­და­პეშ­ტის ზედა ხე­დით დატ­კბო­ბის შემ­დეგ, შე­გიძ­ლი­ათ იქვე მდე­ბა­რე ჯაჭ­ვის ხიდი ნა­ხოთ, რო­მე­ლიც 1849 წელს აშენ­და და პირ­ვე­ლი ხი­დია, რო­მელ­მაც ქა­ლა­ქის ორი მხა­რე ერ­თმა­ნეთს და­ა­კავ­ში­რა.

გარ­და ამი­სა, გთავ­ზობთ TOP ად­გი­ლებს, რაც აუ­ცი­ლებ­ლად უნდა ნა­ხოთ ევ­რო­პის ამ ულა­მა­ზეს ქა­ლაქ­ში:

1. წმინ­და სტე­ფა­ნეს ბა­ზი­ლი­კა
2. პარ­ლა­მენ­ტის შე­ნო­ბა
3. ფეხ­საც­მე­ლე­ბის მე­მო­რი­ა­ლი
4. ჯაჭ­ვის ხიდი
5. ბუ­დას ციხე-ქა­ლა­ქი;
6. ცი­ტა­დე­ლა
7. ბა­ზა­რი
8. ზიმპლა კერ­ტი
9. რკი­ნიგ­ზის სად­გუ­რი
10. მარ­გა­რე­ტის კუნ­ძუ­ლი
11. და რა თქმა უნდა, გმირ­თა მო­ე­და­ნი!

ზე­მოთ ჩა­მოთ­ლი­ლი ად­გი­ლე­ბის ნახ­ვის შემ­დეგ, ალ­ბათ მოგ­შივ­დე­ბათ კი­დეც, ბუ­და­პეშ­ტის გემ­რი­ე­ლი სამ­ზა­რე­უ­ლოს კერ­ძე­ბი კი ასე გა­მო­ი­ყუ­რე­ბა:

ხორ­ცის წვნი­ა­ნი, გულ(ი)აში - გან­სა­კუთ­რე­ბით მათ მო­ე­წო­ნე­ბათ ვინც ხორ­ცის მოყ­ვა­რუ­ლია. ხორ­ცის წვნი­ანს ცხა­რე წი­წა­კი­სა და პო­მიდვ­რის სო­უ­სით თუ გა­სინ­ჯავთ, უკეთ გა­ი­გებთ მის შე­სა­ნიშ­ნავ გე­მოს. ის ქა­ლა­ქის არა­ერთ ად­გილ­ზე შე­გიძ­ლი­ათ და­ა­გე­მოვ­ნოთ.

წვნი­ა­ნის შემ­დეგ, თუ დე­სერ­ტის გა­სინ­ჯვაც მო­გინ­დე­ბათ, არ და­გა­ვი­წყდეთ, რომ უნ­გრე­თი გან­თქმუ­ლია Kurtoskalacs დამ­ზა­დე­ბით და ის ქა­ლა­ქის ნე­ბის­მი­ერ წერ­ტილ­ში შე­გიძ­ლი­ათ იპოვ­ნოთ.

თუ უცხო სამ­ზა­რე­უ­ლოს და­გე­მოვ­ნე­ბა არ გიყ­ვართ და ტრა­დი­ცი­უ­ლის ან ნაც­ნო­ბი საკ­ვე­ბის გა­სინ­ჯვა გირ­ჩევ­ნი­ათ, მა­შინ შე­გიძ­ლი­ათ მა­რი­კა ბე­ბოს (ნე­ი­ნის) ბურ­გე­რე­ბის კა­ფეს ეწ­ვი­ოთ. პეშ­ტის მხა­რეს მდე­ბა­რე მა­რი­კა ნე­ი­ნის ბურ­გე­რე­ბი, ად­გი­ლობ­რი­ვებ­ში ძა­ლი­ან ცნო­ბი­ლია და მას ყო­ველ­დღე არა­ერ­თი სტუ­მა­რი სტუმ­რობს. რა გა­მო­არ­ჩევს მის ბურ­გე­რებს სხვე­ბის­გან? რო­გორც მა­რი­კა ნე­ი­ნი ამ­ბობს, მისი ბურ­გე­რე­ბი ად­გილ­ზე მზად­დე­ბა და ყვე­ლა პრო­დუქ­ტი ახა­ლია, რად­გან ის თვი­თონ ყი­დუ­ლობს ყო­ვე­დღი­უ­რად ინ­გრე­დი­ენ­ტებს ბა­ზარ­ში.

ბუ­და­პეშ­ტი ასე­ვე ცნო­ბი­ლი ღა­მის ცხოვ­რე­ბით და არა­ერ­თი შე­სა­ნიშ­ნა­ვი კლუ­ბი შე­გიძ­ლი­ათ აღ­მო­ა­ჩი­ნოთ პეშ­ტის მხა­რეს, ცნო­ბილ „Ruin Pubs” უბან­ში, სა­დაც დროს შე­სა­ნიშ­ნა­ვად გა­ა­ტა­რებთ - და ბო­ლოს, კე­თი­ლი იყოს შენი მობ­რძა­ნე­ბა უნ­გრეთ­ში/ Isten hozott Magyarországon!

ავ­ტო­რე­ბი: მა­რი­ამ მორ­ჩა­ძე; გაგა გვე­ნე­ტა­ძე; გენო ქუ­ტაშ­ვი­ლი