მნიშვნელოვანი ინფორმაცია
5
ივნისიდღის ზოგადი ასტროლოგიური პროგნოზი
ხუთშაბათი, მთვარის მეათე დღე დაიწყება 15:45-ზე, მთვარე სასწორშია – რეკომენდებულია საოჯახო ბიზნესის დაწყება. ოჯახთან დაკავშირებული ფინანსური საკითხების მოგვარება. მოლაპარაკებების წარმოება, კონტაქტების დამყარება. გააძლიერეთ კავშირები. გააუმჯობესეთ ოჯახური ურთიერთობები, აღადგინეთ ოჯახური ტრადიციები. კარგია სახლის აშენება ან გარემონტება. დღეს დაწყებული მოგზაურობა აუცილებლად წარმატებით დასრულდება. ზედმეტი არ მიირთვათ. კარგია მცენარეული ჩაის, ნატურალური წვენების დალევა და ბოსტნეულის კერძების ჭამა.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ტაო-კლარჯეთში X საუკუნის ქართულ ტაძარში ტუალეტს აშენებენ - რა ფოტოებს ავრცელებს ისტორიკოსი
11:27 / 11-05-2019
ისტორიკოსი ბუბა კუდავა "ფეისბუქის" პირად გვერდზე საგანგაშო ინფორმაციას ავრცელებს. მისი თქმით, ტაო-კლარჯეთში X საუკუნის ქართულ ტაძარში საზოგადოებრივ ტუალეტს აკეთებენ, რისთვისაც ადგილზე უკვე მიტანილია შესაბამისი მასალა. ისტორიკოსი ამის ამსახველ ფოტოებსაც ავრცელებს:
"საგანგაშო, ყოვლად დაუჯერებელი და ყოვლად გაუგებარი სიახლე ტაო-კლარჯეთიდან!
X საუკუნის ცნობილი ქართული ტაძრის – დოლისყანის კარიბჭეში ტუალეტი შენდება! ფოტოები ეს წუთია გამომიგზავნეს. კარიბჭეში უკვე ამოთხრილია ორმოები, რომლებიც რკინის ცხაურითაა დაფარული (ზედ ქვები აყრია). ჩალაგებულია მილები, ტაძარში შეტანილია შესაბამისი მასალა და დღე-დღეზე ალბათ ბეტონსაც დაასხამენ.
აქაური ისტორიული ძეგლების დაზიანების (უყურადღებობით გამოწვეული თუ განზრახ ჩადენილი) უამრავი ფაქტია ცნობილი, მაგრამ იმედის მომცემი იყო ტენდენცია, რომ ბოლო ათწლეულებში მსგავსი ფაქტები ძალზე შემცირდა. ის, რაც ახლა დოლისყანაში ხდება, სრულიად დაუჯერებელია!
21-ე საუკუნეა, 2019 წელია და ტაო-კლარჯეთის ძეგლების დიდი ისტორიული და კულტურული მნიშვნელობა უკვე კარგა ხანია კარგად ესმით ჩვენს თურქ კოლეგებსა და ჩვენი მეზობელი ქვეყნის შესაბამის უწყებებს. იმედი მაქვს, სასწრაფოდ შეწყდება სამუშაოები" - წერს კუდავა "ფეისბუქის" პირად გვერდზე.
ისტორიკოსის ინფორმაციით, მან საქმის კურსში ჩააყენა საქართველოს საელჩო თურქეთში, პირადად ესაუბრა ელჩს გია ჯანჯღავას, რომელიც საკითხის მოგვარებას შეუდგა.
AMBEBI.GE ინფორმაციის დასადასტურებლად საქართველოს ელჩს თურქეთში გიორგი ჯანჯღავას დაუკავშირდა, რომელმაც დაადასტურა, რომ მე-10 საუკუნის ქართული ტაძრის, დოლისყანის ტერიტორიაზე უკანონო სამშენებლო სამუშაოები დაწყებული იყო, თუმცა თურქული მხარესთან მოლაპარაკების შედეგად, ტერიტორიაზე სამუშაოები შეწყდა.
„იქ იყო რაღაც ქმედებები, მაგრამ აღმოფხვრილია და აღარ მოხდება არაფრის მონტაჟი, აშენება ან გაკეთება. როგორც კი ბატონი ბუბა კუდავას მიერ ამის შესახებ ინფორმაცია გავრცელდა, დავუკავშირდით, ვკითხეთ დეტალები. შემდეგ ჩვენი თანამშრომლები დაუკავშირდნენ კულტურის სამინისტროს შესაბამის დანაყოფებს, კულტურის სამსახურის ადგილობრივ მესვეურებს. ისინი ადგილზე მივიდნენ, გაეცნენ და სამუშაოები შეწყდა.
თურქულმა მხარემ გამოხატა კეთილი ნება და ამგვარი უკანონო ქმედებების წინააღმდეგ წავიდნენ. ეს არის არქიტექტურული ძეგლი თურქეთის ტერიტორიაზე და ნებისმიერი არქიტექტურული ძეგლის ხელის ხლება, რა თქმა უნდა, კულტურის სამინისტროს პრეროგატივაა. თურქული მხარეც დაელაპარაკა და ჩვენც დავუკავშირდით ადგილზე სოფლის რწმუნებულს და მან აღნიშნა, რომ შეწყვეტილია სამუშაოები“, - აღნიშნა ჯანჯღავამ AMBEBI.GE-სთან საუბარში.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კიტ კელოგი - მჯერა, რუსეთის წინააღმდეგ აშშ-ის ახალი სანქციები მზადაა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ასეთ საქმეებზე რო მოვიცალოთ ძირითადათ არა?