მნიშვნელოვანი ინფორმაცია
29
მაისიდღის ზოგადი ასტროლოგიური პროგნოზი
ხუთშაბათი, მთვარის მესამე დღე დაიწყება 05:58-ზე, მთვარე კირჩხიბშია – ენერგიული დღეა. მოქმედების დროა, ხელსაყრელია მძიმე ფიზიკური დატვირთვა. მოერიდეთ აგრესიის ნებისმიერ გამოვლინებას. გამოიჩინეთ მონდომება და გამძლეობა. არ არის რეკომენდებული ფინანსური საკითხების მოგვარება, შესაძლებელია ფულადი დანაკარგები. შეგიძლიათ წახვიდეთ სამოგზაუროდ ან მივლინებაში. რაც შორს წახვალთ, მით უფრო წარმატებული იქნება მოგზაურობა. გაზრდილია ემოციურობა, კარგია დიპლომატიის დემონსტრირება. გამოიძინეთ.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"გირჩმა" საკუთარ ოფისში საროსკიპო გახსნა - "პროსტიტუციაც, არის პატიოსანი შრომა!"
14:26 / 10-05-2019
პოლიტიკური გაერთიანება "გირჩის" ოფისში "საზეიმოდ" გაიხსნა საროსკიპო - ამ აქტით ორგანიზაცია საქართველოში პროსტიტუციის ლეგალიზაციას მოითხოვს. აღნიშნული ქმედებით "გირჩმა" დაარღვია სისხლის სამართლის კოდექსის 254-ე მუხლი (პროსტიტუციის ხელშეწყობა), თუმცა ამბობენ, რომ მზად არიან დაკავებისთვისაც.
აღნიშნულთან დაკავშირებით, ორგანიზაციამ ხელისუფლებისადმი მიმართვაც გაავრცელა:
"როგორც საზოგადოებისთვის ცნობილია, რამდენიმე დღის წინ დააკავეს სამი სასტუმროს მეპატრონე, რომელთაც ბრალად ედებათ პროსტიტუციის ხელშეწყობა და პროსტიტუციისთვის ფართის გადაცემა.
ეს არ არის პირველი ასეთი შემთხვევა. საბჭოთა პერიოდიდან მოყოლებული, სისტემა სექს-ინდუსტრიაში ჩართულ პირებს არ მიიჩნევს ადამიანებად, ექცევა როგორც მონებს და მათ, სხვა ადამიანების საწინააღმდეგოდ, ინფორმაციის წყაროდ იყენებს. ამავე დროს, ამ ქვეყანაში, ხელისუფლებები, ძალის დემონსტრირებისა თუ რაიმე ხმაურიანი პოლიტიკური თემის გადაფარვის მიზნით, ხშირად მიმართავენ ამ ინდუსტრიაში ჩართული ადამიანების საჯარო ტერორს. შედეგად, სექსუალური მომსახურების გაყიდვით დაკავებული ადამიანები, რომელთაც არავისთვის არაფერი დაუშავებიათ, ისევე, როგორც მათი ოჯახები, რჩებიან შემოსავლის გარეშე და ხდებიან საზოგადოებრივი გაკიცხვის საგანი.
VIDEO: "გირჩის" საროსკიპო - როგორია ოთახი, რომელიც ოფისში მოაწყვეს?
არ არსებობს რაიმე თვისობრივი განსხვავება დაკავებული ადამიანების სასტუმროებსა და საქართველოში არსებულ სხვა სასტუმროებს შორის - ნებისმიერ სასტუმროში შეიძლება ადამიანები სარგებლობდნენ ფასიანი სექსუალური მომსახურებით. მეტიც, ნებისმიერი ბიძა, რომელიც ძმისშვილს დაუფინანსებს სექსუალური მომსახურების მიღებას და ნებისმიერი ახალგაზრდა, რომელიც მეგობარს დაუთმობს ბინას ფასიანი სექსისთვის, კრიმინალია დღევანდელი კანონმდებლობის თანახმად.
ჩვენ მივიჩნევთ, რომ ყველა საქმიანობა, რომელიც არ შეიცავს ძალადობას და ეფუძნება ზრდასრულ ადამიანებს შორის ნებაყოფლობით შეთანხმებას, მათ შორის, პროსტიტუციაც, არის პატიოსანი შრომა!
ერთადერთი გზა, რომ დავასრულოთ დღევანდელი ტრაგიკომიკური სიტუაცია, ამავე დროს, დავიცვათ სექს-ინდუსტრიაში ჩართული ადამიანები ძალადობისგან, მათ შორის, პირველ რიგში, სამართალდამცავი სისტემის წარმომადგენების მხრიდან ძალადობისგან, ისევე როგორც, მოვახდინოთ სქესობრივი გზით გადამდები დაავადებების, მათ შორის, აივ-შიდსის გავრცელების პრევენცია, არის პროსტიტუციის სრული ლეგალიზაცია.
ამიტომ ჩვენ დღეს, საჯაროდ და დემონსტრაციულად, გირჩის ოფისის ერთ ნაწილში, ვხსნით საროსკიპოს. ჩვენი ფართის დაქირავება შეეძლება ყველას, სპეციალურად ფასიანი სექსუალური მომსახურების მიღების მიზნით, საათში 49 ლარისა და 90 თეთრის საფასურის გადახდის შემთხვევაში. ჩვენი საროსკიპოს სახელწოდებაა „პიონერი“ და მისი სპონსორია სექს-სათამაშოების მაღაზია „კიკუ“.
აღნიშნული ქმედებით ჩვენ ვარღვევთ სისხლის სამართლის კოდექსის 254-ე მუხლის (პროსტიტუციის ხელშეწყობა), მე-3 ნაწილს: „ამ მუხლის პირველი ან მე-2 ნაწილით გათვალისწინებული ქმედება (პროსტიტუციისათვის ადგილის ან საცხოვრებლის გადაცემა), ჩადენილი:
ა) წინასწარი შეთანხმებით ჯგუფის მიერ;ისჯება თავისუფლების აღკვეთით ვადით სამიდან ექვს წლამდე“.
ხელისუფლებას აქვს არჩევანი გასაკეთებელი - ან უნდა დაგვაპატიმრონ მთელი გირჩი, ან უნდა გაათავისუფლონ ამ მუხლით დაკავებული ყველა პირი და შეწყვიტონ უდანაშაულო ადამიანების დევნა" - ნათქვამია გირჩის განცხადებაში.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
გიორგი ბაჩიაშვილი - საქართველოს წარმომადგენლებმა, ივანიშვილის დავალებით, მიმართეს ბანდიტურ გზას და მოტაცებით ჩამომიყვანეს საქართველოში
კვირის კითხვადი სტატიები
მნიშვნელოვანი ინფორმაცია
მკითხველის რჩევით
მამაშა გირჩო ჯაფარიძე, მე არ ვიცი ოჯახი გაქვს თუ არა,მაგრამ თუ გყავს მეუღლე იმისი "თეთრი შურით" მშურს, რა "ვაჟკაცი" ყოლია გვერდით, აფსუს!