მნიშვნელოვანი ინფორმაცია
5
აპრილიდღის ზოგადი ასტროლოგიური პროგნოზი
შაბათი, მთვარის მერვე დღე დაიწყება 10:42-ზე, მთვარე კირჩხიბშია
ახალი საქმეების დასაწყებად ნეიტრალური დღეა. დიდ დროსა და ენერგიას ითხოვს ადრე დაწყებული საქმეები. მნიშვნელოვანი გადაწყვეტილებების მიღება სხვა დღისთვის გადადეთ. კარგი დღეა უძრავ ქონებასთან დაკავშირებული საქმეების მოსაგვარებლად. კარგია მივლინების, მოგზაურობის დასაწყებად. ხშირად იმოძრავეთ, გადაადგილეთ ავეჯი, განაახლეთ ინტერიერი. სხვა დღისთვის გადადეთ ქორწინება და ნიშნობა. ამ დღის რთული ორგანო კუჭია. მოერიდეთ კუჭის გადატვირთვას, მოწევას, სმას.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"სულ იმას წარმოვიდგენდი, როგორ ვდგავარ "ევროვიზიის" სცენაზე და წარვადგენ საქართველოს" - ლიზა კალანდაძის ცხოვრება "საქართველოს ვარსკვლავის" შემდეგ
10:47 / 08-05-2019
ლიზა კალანდაძე ოთხ ფინალისტთან ერთად, ერთ-ერთი რეალური პრეტენდენტი იყო, წელს ისრაელში „ევროვიზიაზე“ საქართველო წარედგინა. ამისთვის კონკურსში „საქართველოს ვარსკვლავი“ ურთულესი გზა განვლო. რამდენიმე ლაივკონცერტის ლიდერიც გახლდათ და ფინალურ ოთხეულშიც ასე მოხვდა, მიზანთან ახლოს იყო, თუმცა კონკურსი ოთო ნემსაძემ მოიგო და შესაბამისად, „ევროვიზიის“ კონკურსის საშვიც მან მოიპოვა. ლიზამ მეორე ადგილი დაიკავა.
ლიზა AMBEBI.GE-ს მკითხველის რჩეული აღმოჩნდა.
რა კვალი დატოვა ამ კონკურსმა მის ცხოვრებაში, რა მოლოდინები ჰქონდა და რა გეგმები აქვს ნიჭიერ მომღერალს, ამაზე AMBEBI.GE-ს თავად ესაუბრა.
"მიხარია, რომ ამ კონკურსში ვმონაწილეობდი. დიდი გამოცდილება მივიღე. გავიცანი უმაგრესი მუსიკოსები და სასიამოვნოა, რომ მათთან საერთოდ შეხება მქონდა... კონკურენციას ოთოსთან ყოველთვის ვგრძნობდი, 2 თვე კონკურსის განმავლობაში რაღაცნაირად ერთმანეთს ვეჯიბრებოდით. ვგრძნობდი, რომ უპირატესობა მისკენ იყო და მე მისი გულშემატკივარი ვიყავი. ვეუბნებოდი, - ოთო ძალიან მაგარი ხარ, თვითონაც მგულშემატკივრობდა და მეუბნებოდა, რომ - ლიზა მაგარი ხარ!", - აღნიშნავს ლიზა.
- თუმცა კონკურსი, როგორც ვთქვით, ოთოს გამარჯვებით დასრულდა. რა ემოციები გქონდა?
- ვამბობდი, რომ 4-ივე ფინალისტიდან, ვისაც უნდა გაემარჯვა, ოთხივე „ევროვიზიაზე“ საქართველოს კარგად წარადგენდა. ამიტომაც, წყნარად ვიყავით, რადგანაც ღირსეული ფინალისტები შევიკრიბეთ. თუმცა რეალურად იმედები მაინც გამიცრუვდა, რადგანაც როგორც ყველა სხვას, გამარჯვება მინდოდა. საბოლოოდ კი ვთვლი, რომ ოთო ღირსეულია, თუ გაიმარჯვა, ე.ი. ღირსეულად!
- ცოტა ხანში ის უფრო დიდი აუდიტორიის წინაშე წარდგება. ისრაელში „ევროვიზიის“ კონკურსი ელის. როგორ ფიქრობ, სიმღერა, რომელიც კონკურსზე უნდა წარადგინოს, მოახდენს შთაბეჭდილებას? რა შედეგებით შეიძლება დასრულდეს მისი გამოსვლა ამ კონკურსზე?
- მაგას ვერ გეტყვით, ნამდვილად არ ვიცი, მაგრამ დიდ წარმატებას ვუსურვებ. რა სიმღერაც უნდა წარედგინა, მიმაჩნია, რომ საქრთველოსგან წარმატება გარანტირებული ექნებოდა და იმედი მაქვს, რომ წარმატებას იქაც მიაღწევს.
- პროექტის დასრულების შემდეგ არ ჩანდი... კონკურსების მიმართ ცოტა იმედი ხომ არ გაგიცრუვდა?
- არა, სხვათა შორის, ვიგრძენი, უფრო ძლიერი ვიყავი, ვიდრე მანამდე, საკუთარ თავში მეტი ძალა მომეცა, რომ კიდევ უკეთ გამეკეთებინა ჩემი საქმე. ამასთან, იყო ასეთიც - დასრულდა თუ არა პროექტი, სულ იმაზე ვფიქრობდი და წარმოვიდგენდი, როგორ ვდგავარ „ევროვიზიის“ სცენაზე და როგორ წარვადგენ საქართველოს. რომ ურიგო არ იქნებოდა, ქვეყანა მე წარმედგინა, ჩაცმულობასა და ყველა დეტალზე ნაფიქრი მაქვს...
- სცენაზე სიმღერის წარდგენისას საოცარ გარდასახვას ახდენ და ბევრი კონკურსის მსვლელობისას აღნიშნავდა, რომ პატარა „ჯადოქარი“ ხარ. როგორ ახერხებ ამას?
- კი, მეც ბევრი მეუბნება, რომ სცენაზე „ვჯადოქრობ“ და როგორ ვახერხებ ამას? ერთადერთი, რაც არის, - სცენაზე გულწრფელი უნდა იყო, მერე მნიშვნელოვანია სიმღერა, ტექსტი, მელოდია, რაც იმის საშუალებას გაძლევს, რომ მართლაც „იჯადოქრო“.
თუმცა ძნელია, ყველა სიმღერას არ აქვს ეს მუხტი, მაგრამ თუ მოინდომებ, ალბათ შესაძლებელია. სიამოვნებას მანიჭებს ძირითადად, - ჯაზი, ბლუზი, ერთადერთი არ ვმღერი პოპს, რადგანაც მიმაჩნია, რომ მაგ ჟანრში ძალიან შეზღუდული ვარ. ინტერპრეტაციისთვის დიაპაზონი პატარაა და ამიტომ თავს არ ვიზღუდავ.
- ახლა რას საქმიანობ და რა გეგმები გაქვს?
- ინსტრუმენტებზე რაღაცებს ვუკრავ, ვმღერი. ფორტეპიანოზე ექვსწლედი მაქვს დამთავრებული - მეტი არ გამიგრძელებია. ერთ წელიწადში კონსერვატორიაში ვაპირებ ჩაბარებას, კომპოზიცია მინდა, რომ ვისწავლო და ამ მიმართულებით განვვითარდე. პარალელურად გერმანული ენიას უნდა დავეუფლო, რომ სწავლა გერმანიაში, მუსიკალურ სასწავლებელში განვაგრძო.
- წელს სკოლას ამთავრებ, მაგრამ, როგორც მივხვდი, კონსერვატორიაში შემდეგ წელს ჩააბარებ...
- კი, წელს გამოცდებისგან თავისუფალი ვარ. არც "საატესტატოები" გვაქვს ჩასაბარებელი. ეს სუბიექტურად კარგია, ობიექტურად - არა. იმიტომ, რომ როგორც მე მოვეშვი, მეცადინეობა ისე „დაიკიდა“ ყველამ... სხვათა შორის, სანამ პროექტებში გამოვჩნდებოდი, არც ისე ცუდი მოსწავლე ვიყავი. ფიზიკა, ქართული მაინტერესებდა, მათემატიკაშიც არ ვიყავი ცუდი. მერე ცოტა მოვდუნდი.
- შენი ტყუპის ცალი დაც მღერის?
- კი, ისიც მღერის, ერთ სკოლაში, სულ ერთ კლასში ვიყავით. სიმღერაზე და ფორტეპიანოზეც მასაც უნდა რაღაც პროექტებში ძალები მოსინჯოს, ამისთვის ემზადება. ვნახოთ...
- სულ ბოლოს მკითხველს, მაყურებელს, შენს გულშემატკივარს რას ეტყვი, ვინც კონკურსის დროს მხარი დაგიჭირა და ფაქტობრივად, მათი წყალობით, ფინალში აღმოჩნდი.
- ვპირდები, რომ სცენიდან გაქრობას არ ვაპირებ. საქმიანობა აქტიურად უნდა გავაგრძელო. ჩემი რაღაცების გაკეთება მინდა და ამ ნამუშევრებს მაყურებელს აუცილებლად წარვუდგენ.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
დონალდ ტრამპმა მთელ მსოფლიოს სატარიფო ომი გამოუცხადა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
