მნიშვნელოვანი ინფორმაცია
2
ივნისიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ბრძოლა სტამბოლისთვის გრძელდება - "ერდოღანისთვის განმეორებითი არჩევნები რევანშის საშუალებაა"
10:51 / 08-05-2019
თურქი და დასავლელი ექსპერტების შეფასებით, თვითმმართველობის არჩევნებში ოპოზიციის ზეიმი ნაადრევი აღმოჩნდა. ერდოღანის პარტიამ არჩევნების შედეგი გაასაჩივრა, რის შემდეგაც, თურქეთის უმაღლესმა საარჩევნო კომისიამ სტამბოლის მერის არჩევნების შედეგი ბათილად ცნო. განმეორებითი არჩევნები 23 ივნისს ჩატარდება.
ევროკავშირის უმაღლესმა წარმომადგენელმა საგარეო და უსაფრთხოების პოლიტიკის საკითხებში, ფედერიკა მოგერინიმ და ევროკომისარმა გაფართოების და სამეზობლო პოლიტიკის საკითხებში, იოჰანეს ჰანიმ ერთობილივი განცხადება გაავრცელეს, რომლის მიხედვით “გადაწყვეტილება მიღებულია უკიდურესად პოლიტიზებულ კონტექსტში და მისი საფუძველი ღია უნდა იყოს საჯარო გამოძიებისთვის”.
თავის მხრივ, ოპოზიციური "რესპუბლიკური პარტიის" განცხადებით, სისტემა, რომელიც ხალხის ნებასა და კანონს არ აღიარებს, არალეგიტიმურია. ადგილობრივები შიშობენ, რომ იმ შემთხვევაში თუ ოპოზიცია თავისას ვერ გაიტანს, ერდოღანის სისტემა ათასობით ადამიანს გაუშვებს ციხეში.
სტამბოლში გამარჯვებული ოპოზიციონერის, ექრემ იმამოღლუს ცნობით, მათ გაიმარჯვეს, ერდოღანი კი ამის წართმევას ცდილობს, რასაც არ დათმობენ...
BBC.com-ის მიმომხილველი მარკ ლოუენი წერს, რომ "ერდოღანი არასდროს დათმობს სტამბოლს უბრძოლველად და ყველა გზას მიმართავს, რათა ქვეყნის ეკონომიკურ ცენტრზე კონტროლი არ დაკარგოს". მისივე თქმით, თურქული ლირის კურსი ბოლო ხანებში 30%-ით დაეცა და რეგრესს განაგრძობს. დაღმავალი პროცესი კარგა ხანია იგრძნობა თურქეთის ეკონომიკაში, რაც პოლიტიკური ვითარების პირდაპირი გაგრძელებაა.
"სწორედ ეკონომიკური პრობლემების გამო წააგო ერდოღანმა არჩევნები სტამბოლში. მმართველი პარტიის შეცდომების კვალდაკვალ, ექრემ იმამოღლუს მიმართ ნდობა გაიზარდა. ახლა მას სხვა პარტიებიც უჭერენ მხარს და განმეორებითი არჩევნებისას, თუ ერდოღანის სისტემა შედეგებს ძალიან უხეშად არ გააყალბებს - დამაჯერებლად გაიმარჯვებს...
საქმე ის არის, რომ ამ საარჩევნო ორომტრიალის გამო, განხეთქილებაა ერდოღანის პარტიაშიც: მისი დამფუძნებლები უკვე საუბრობენ, რომ მარტის არჩევნების შედეგები გარკვეულწილად გაყალბდა. ამასთან, პარტიის რამდენიმე წევრი პირდაპირ აღიარებს, რომ არჩევნებში დამარცხდნენ და ამის უარყოფა თურქეთში დემოკრატიის უკანასკნელ ნარჩენებსაც შეუქმნის საფრთხეს..." - წერს მარკ ლოუენი.
სტამბოლელი ჟურნალისტი ოსმან პაშაევი, ekhokavkaza.com-სთან საუბარში ამბობს, რომ სტამბოლში უმუშევრობა 14%-ით გაიზარდა, რაც იმას ნიშნავს, რომ ქალაქში 4 მილიონზე მეტი უმუშევარია.
“აქ არის კიდევ ერთი ეშმაკობა, რომელსაც ერდოღანი წინასაარჩევნო კამპანიებისას იყენებს: ოპოზიციური პარტიების ამომრჩეველი, მოსახლეობის საშუალო ან მასთან მიახლოებული კლასის წარმომადგენელია, რომელიც ზაფხულობით ტოვებს სტამბოლს და მშობლიურ ქალაქს უბრუნდება, იქ სადაც დარეგისტრირებულია. ერდოღანის ამომრჩეველი კი ის კატეგორიაა, რომელმაც არც იცის რას ნიშნავს შვებულება და მოგზაურობა, მუდმივად მუშაობს და შესაბამისად, ადვილად სამართავია...
ამიტომ, ახალი კამპანიის თანახმად, რამდენიმე ავიაკომპანიამ, რომლებიც არც ერთი პოლიტიკურ მხარეს არ მიეკუთვნებიან, გაავრცელეს განცხადება, რომ ვისაც 23 ივნისს ან უფრო ადრე აქვთ ბილეთი ნაყიდი, შეუძლია ჯარიმის გარეშე დააბრუნოს ბილეთი ან გადაცვალოს სხვა დროზე, ანუ, როგორც ამბობენ - სტამბოლის დატოვება მკვდარმაც ვერ უნდა შეძლოს" - ამბობს პაშაევი.
შვეიცარიელი ექსპერტის დენიელ ოურნერის შეფასებით, თურქეთში ხელახალი მასობრივი პროტესტის საფრთხე რეალურია, მეტიც "არ არის გამორიცხული, რომ ქვეყანაში, ისე, როგორც 2016 წელს, ბუნტი და სისხლისღვრა განმეორდეს, რადგან ერდოღანი ისევ და ისევ განაგრძობს თავისი ავტორიტარული მმართველობის დემონსტრირებას... ამიტომ, მისთვის განმეორებითი არჩევნები ერთგვარი რევანშის საშუალებაა, სხვა საკითხია - რა გამოუვა მას...”
თურქი პოლიტოლოგის, ჯეილან ოზგიულის ცნობით, თუ განმეორებითი არჩევნების შედეგებში მოსახლეობა ეჭვს შეიტანს, ხალხი ქუჩაში გამოვა:
“მანამდე მე საქმიან, არგუმენტირებულ და პროდუქტიულ გამოსვლებს ველოდები, რომელიც განმეორებით არჩევნებზე აისახება და არა მასობრივ პროტესტს, თუმცა, უხეში დარღვევების შეთხვევაში, ქუჩის აქციები გარდაუვალია...” - აცხადებს ოზგიული, რომლის თქმითაც, 23 ივნისის არჩევნები ქვეყნის შემდეგი პოლიტიკური კურსისთვის ძალიან მნიშვნელოვანია.
"სტამბოლი ქვეყნის ფინანსური ცენტრი და პოლიტიკის ფსიქოლოგიური გასაღებია, ამიტომ მისთვის ბრძოლა ორივე მხარისთვის მნიშვნელოვანია..." - წერს ოზგიული.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რუსეთ-უკრაინის პირდაპირი სამშვიდობო მოლაპარაკებების მეორე რაუნდი დღეს, კვლავ სტამბოლში შედგება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
