მნიშვნელოვანი ინფორმაცია
27
ივნისიდღის ზოგადი ასტროლოგიური პროგნოზი
პარასკევი, მთვარის მესამე დღე დაიწყება 06:24-ზე, მთვარე ლომში გადავა 10:09-ზე – ენერგიული დღეა. მოქმედების დროა, ხელსაყრელია ფიზიკური დატვირთვა. მოერიდეთ აგრესიის ნებისმიერ გამოვლინებას. გამოიჩინეთ მონდომება და გამძლეობა. არ არის რეკომენდებული ფინანსური საკითხების მოგვარება, შესაძლებელია ფულადი დანაკარგები. აქტიური ორგანოებია გული, სისხლის მიმოქცევის სისტემა, არტერიები, ზურგი, დიაფრაგმა. ცილები და ხილი კარგად შეიწოვება. კარგია ოთახების მოლამაზება. ინტერიერის განახლება. აგრეთვე სადილის მომზადება და ცხობა.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
გარდაცვლილებს შორის ორსული ქალები და ბავშვია - ისრაელსა და ღაზას შორის დაპირისპირების შედეგად მსხვერპლი გაიზარდა
10:23 / 06-05-2019
ღაზას სექტორთან შეიარაღებული დაპირისპირებები შეჩერებულია. BBC-ს ინფორმაციით, ცეცხლის შეწყვეტის შესახებ გადაწყვეტილების მიღების პროცესში მედიატორი ეგვიპტე იყო.
ორდღიანი შეტაკებების შედეგად სულ მცირე 4 ისრაელელი და 23 პალესტინელია დაღუპული. დაპირისპირება ბოლო წლების განმავლობაში ყველაზე ინტენსიური იყო.
ჰამასის მიერ კონტროლირებადმა ტელეკომპანიამ გაავრცელა ინფორმაცია, რომ მხარეებმა ცეცხლის შეწყვეტის შესახებ გადაწყვეტილება მიიღეს, თუმცა კომენტარს ისრაელი ჯერ არ აკეთებს. ისრაელის ხელისუფლებასა და ჰამასს სიმშვიდისკენ მოუწოდეს საერთაშორისო ორგანიზაციებმაც, მათ შორის გაერომ.
გუშინ ისრაელმა განაცხადა, რომ ქვეყნის ტერიტორიაზე 600-ზე მეტი რაკეტა ჩავარდა, საპასუხოდ კი ღაზას მიმართულებით 320 რაკეტა ისროლეს.
გუშინ ღამე გავრცელდა ინფორმაცია, რომ გაერო, ყატარი და ეგვიპტე ცდილობდნენ, მხარეებს ცეცხლის შეწყვეტის შესახებ გადაწყვეტილება მიეღოთ. დღეს დილით პალესტინის წარმომადგენლებმა განაცხადეს, რომ შეთანხმება მიღწეულია.
ინფორმაცია AFP-სთან ჰამასისა და ეგვიპტის ხელისუფლების წარმომადგენლებმაც დაადასტურეს.
კვირას ისრაელის პრემიერ-მინისტრმა ბენიამინ ნეთანიაჰუმ განაცხადა, რომ დაავალა შეიარაღებულ ძალებს, ღაზაში ტერორისტულ ელემენტებზე დარტყმები გაეგრძელებინა.
ღაზას სექტორიდან 40 კმ-ის რადიუსში მდებარე სკოლები ისრაელში დაკეტილია, ფუნქციონირებს თავშესაფრები.
დარტყმებს ოთხი ისრაელელი ემსხვერპლა - 58 წლის მამაკაცი, რომლის სახლსაც აშქელონში რაკეტა დაეცა; მუშა, რომელიც ასევე აშქელონში, ფაბრიკაში მუშაობის დროს ემსხვერპლა დარტყმას; 67 წლის მამაკაცი რაკეტას საკუთარ მანქანაში ემსხვერპლა; მეოთხე გარდაცვლილი კი 25 წლამდე აშდოდელი ბიჭია.
ღაზას ჯანდაცვის სამინისტრო კი ამბობს, რომ შაბათ-კვირას ისრაელის დატყმების შედეგად 23 პალესტინელია გარდაცვლილი, მათი უმეტესობა კვირას დაიღუპა. გარდაცვლილებს შორის არის 12 წლის ბავშვი და 2 ორსული ქალი.
გუშინ ისრაელის არმიამ დაადასტურა, რომ ჰამასის საველე მეთაური ჰამედ ჰამდან ალ-კუდარი მოკლეს. გავრცელდა ვიდეოც, სადაც სავარაუდოდ ქუდარის ავტომობილი ჩანს, რომელიც საჰაერო დარტყმის შედეგად აფეთქდა.
ისრაელმა დაბომბა მრავალსართულიანი შენობაც ღაზაში, სადაც ჰამასის დაზვერვის შტაბი მდებარეობდა. თურქეთი აცხადებს, რომ შენობაში თურქულ საინფორმაციო სააგენტოს „ანადოლუს“ ოფისიც იყო. საგარეო საქმეთა მინისტრმა მევლუთ ჩავუშოღლუმ ისრაელის დარტყმები მშვიდობიან მოსახლეობაზე „კაცობრიობის წინაშე ჩადენილ დანაშაულად“ შეაფასა.
შეიარაღებული დაპირისპირება პარასკევს დაიწყო, როდესაც ღაზას სექტორში პალესტინელები ბლოკადას აპროტესტებდნენ. ისრაელის განმარტებით, ბლოკადა საჭიროა, რათა ჰამასის მებრძოლებმა იარაღი ვერ მიიღონ. პალესტინელმა შეიარაღებულმა პირმა საზღვართან ორ ისრაელელ ჯარისკაცს ესროლა და დაჭრა, ისრაელმა ავიადარტყმით უპასუხა, რასაც ორი პალესტინელი სამხედროს დაღუპვა მოჰყვა.
ღაზას სექტორიდან საჰაერო დარტყმები შაბათს დილით დაიწყო. ისრაელის რაკეტსაწინააღმდეგო სისტემამ „რკინის გუმბათი“ უამრავი რაკეტა მოიგერია, თუმცა ავიადარტყმები ვერ ააცილეს რამდენიმე ქალაქსა და სოფელს, სადაც რაკეტები საცხოვრებელ სახლებს დაეცა.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ირანის შეტევის შედეგად ისრაელის 6 კვლევითი ლაბორატორია განადგურდა და 9 დაზიანდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
უნამუსო იზრაელის მთავრობა .უიარაღო პალესტინელი ბავშვები ეწირებიან ამ ომს ძირითადად .