მნიშვნელოვანი ინფორმაცია
4
ივნისიდღის ზოგადი ასტროლოგიური პროგნოზი
4 ივნისი, ოთხშაბათი, მთვარის მეცხრე დღე დაიწყება 14:30-ზე, მთვარე სასწორში გადავა 17:41-ზე – დღის ენერგია უარყოფითად მოქმედებს ადამიანებზე. პროვოკაციების დღეა, უფრთხილდით მოტყუებას და ცდუნებებს, იყავით მოკრძალებული. ცოტა დაისვენეთ, აღიდგინეთ ძალა. მოუფრთხილდით პირად ნივთებს. იყავით თავშეკავებული და ტოლერანტული სამსახურში, კომუნიკაციაში, ეცადეთ არავის ანაწყენოთ. არ მიიღოთ მონაწილეობა სარისკო საქმიანობაში. არ არის რეკომენდებული ბიზნესის დაწყება, პრეზენტაციებსა და გასართობ ღონისძიებებზე დასწრება, ხელშეკრულებების გაფორმება. საბუთების შედგენა. აქტიური ორგანოებია: თირკმელები, შარდის ბუშტი, გამომყოფი სისტემა.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"მეწყინა და გული დამწყდა... თუ გვბლოკავენ, თავის თავს დააბრალონ" - ქუთაისელი მომღერლები ქალაქის დღესასწაულზე არ ამღერეს
14:46 / 04-05-2019
ქუთაისში 2 მაისს გამართული სახალხო დღესასწაული "გვირილობა", საზეიმო განწყობასთან ერთად, ზოგისთვის უკმაყოფილების მიზეზიც გახდა. ადგილობრივი მომღერლების - ინდირა ჯგერნაიას, მარიტა როხვაძისა და ია ტომაშის უკმაყოფილების მიზეზი ის გახდა, რომ მერიაში მათ განუცხადეს, თითქოს ქუთაისის დღესასწაულზე მომღერლები თბილისიდან შეარჩიეს. შემსრულებლები ქალაქის თვითმმართველობას დაბლოკვაში ადანაშაულებენ.
ქუთაისელი მომღერლების დაბლოკვას უარყოფენ მერიაში. თვითმმართველობაში განმარტავენ, რომ მერიამ პროექტი შეიძინა, მომღერლები კი თავად პროექტის ავტორმა შეარჩია.
AMBEBI.GE მომღერლებს ესაუბრა:
"წესით, მეც უნდა ვუმღეროდე ჩემს ქალაქს, მაგრამ რად გინდა, საერთოდ გაახსენდა ვინმეს, ვინც დაგეგმა ეს დღე? საკმაოდ ბევრი წარმატებული ქუთაისელის სათქმელი ვთქვი. მეწყინა და გული დამწყდა, არ ვიცი, რატომ ხდება ასე. თითქმის ყოველთვის გვეძახიან თბილისობაზე, ვაფასებ და მადლობა ამისთვის. მიუღებელია პასუხი, თითქოს თავად ვერ არჩევენ მომღერლებს, ფაქტია, 90% კონცერტებზე არაქუთაისელია.
რაც შეეხება პოლიტიკას, მე სრულიად აპოლიტიკური ვარ და არასოდეს გამომიხატავს რაიმე პოზიცია. ერთადერთი, მინდა მოგვეცეს საშუალება ვიმღეროთ და ჩვენი საქმე ვაკეთოთ. რომ მჭირდებოდა მთელი ქუთაისი და იმერეთი მედგა გვერდით, ახლა რა მოხდა არ ვიცი. უბრალოდ, გამიხარდებოდა ქუთაისობას ქუთაისში მემღერა", - განაცხადა მარიტა როხვაძემ AMBEBI.GE-სთან საუბარში.
"არც ერთ "გვირილობაზე" არ მივუწვევივარ მერიას. ვფიქრობდი, რომ არ მოვწონვარ ქუთაისს-თქო და არ გამომიხატავს პოზიცია, მაგრამ ახლა, ვხედავ, რომ სხვებიც გულდაწყვეტილები არიან. არ ვიცი რატომ ხდება ასე. ვის უნდა ვკითხო, ვინ მოგვცემს რეალურ პასუხს, მერი თუ კულტურის მინისტრი? არადა, მინდოდა ქუთაისში მემღერა, ბევრ რაღაცას ვაკეთებ და მართლა გული დამწყდა.
არ გამოვრიცხავ, პროექტის ავტორი თავად არჩევდეს, ვინ იმღერებს და ვიღაც არ მოსწონდეს, მაგრამ რომ ნახეს ქუთაისელი მომღერლები არ მღეროდნენ, არ შეეძლოთ კორექტირება შეეტანათ?" - განაცხადა ია ტომაშმა AMBEBi.GE-სთან საუბარში.
"წლებია ქუთაისში არცერთ კონცერტზე არ მეძახიან. ვერც კი ვიგებ, როდის რას გეგმავენ და ატარებენ. არ ვიცი რატომ ხდება. თუ გვბლოკავენ თავის თავს დააბრალონ, ეგენი ყველანი დროებით არიან მანდ და მე კი იქ ვარ, სადაც უნდა ვიყო. როცა მერიის კულტურის განყოფილებას ვეკითხებით, რატომ არ გვეძახიან, გვპასუხობენ, რომ თბილისი წყვეტს და არა ისინი. თუმცა, ჩემთვის არადამაჯერებელია ეს პასუხი, რადგან თუ თბილისობას გვეძახიან, რატომ არ გვეძახიან ქუთაისობაზე?
გულისწყრომა ბევრმა გამოხატა, უბრალოდ საჯაროდ გამოხატვას მოერიდნენ და ჩვენ გავახმაურეთ ბევრის სათქმელი. მე სრულიად აპოლიტიკური ვარ, მაგრამ როცა გიორგი ჭიღვარია მერობის კანდიდატი იყო, მის კონცერტზე ჰონორარის გარეშე ვიმღერე, რადგან პატივს ვცემდი და ჩავთვალე საჭიროდ ადამიანურად გვერდით დავდგომოდი, მაგრამ რაღაცები დაავიწყდათ. მე შემეძლო დამერეკა და მეთქვა, ჩავესვი სიაში, მაგრამ თავმოყვარეობა ამის უფლებას არ მომცემდა" - განაცხადა ინდირა ჯგერნაიამ.
მომღერლების პრეტენზიებს ქუთაისის მერიაში არ იზიარებენ და განმარტავენ, რომ უწყებას არავინ დაუბლოკავს:
"მთელი საქართველო ქუთაისს" იყო მიშა მდინარაძის მუსიკალური პროექტი, რომელმაც, როგორც ავტორმა თავად გადაწყვიტა ვინ იმღერებდა, მათ შორის იყვნენ ქუთაისელებიც - სალომე ბაკურაძე და გიორგი მეფისაშვილი. ზოგადად, მსგავს შემთხვევებში მუსიკალური ხელმძღვანელი წყვეტს მომღერლების შემადგენლობას და ავტორს ენიჭება სრული შემოქმედებითი თავისუფლება.
ჩვენ ღონისძიების ჩასატარებლად მივმართეთ შესყიდვების სააგენტოს, მათ მოგვცეს უფლება და გაფორმდა ხელშეკრულება. მიზანმიმართულად არავის დაბლოკვა არ მომხდარა" - განაცხადეს ქუთაისის მერიაში.
ქუთაისში სახალხო დღესასწაული "გვირილობა" 2 მაისს გაიმართა, რომლის გალა-კონცერტის ორგანიზებისა და ჰონორარებისთვის ადგილობრივი ბიუჯეტიდან 39 500 ლარი დაიხარჯა. კონცერტში მონაწილეობდნენ მუსიკოსები: გიორგი მეფისაშვილი, გიორგი სუხიტაშვილი, მიხეილ ჯავახიშვილი, მაია ბარათაშვილი, სალომე ბაკურაძე, სალომე კორკოტაშვილი, სოფო გელოვანი, ეკა დოლიძე, თემო საჯაია, ნოდიკო ტატიშვილი და DJ ძაპა.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კიტ კელოგი - მჯერა, რუსეთის წინააღმდეგ აშშ-ის ახალი სანქციები მზადაა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
