მნიშვნელოვანი ინფორმაცია
2
ივნისიდღის ზოგადი ასტროლოგიური პროგნოზი
ორშაბათი, მთვარის მეშვიდე დღე დაიწყება 11:53-ზე, მთვარე ქალწულს ესტუმრება 07:02-ზე – კარგია მოლაპარაკებების წარმოება. ახალი კავშირების დამყარება. სარეკლამო კამპანიების, კონფერენციების და მსგავსი ღონისძიებების ჩატარება. გამოიყენეთ სიტყვები პარტნიორების, ინვესტორების და სპონსორების დასარწმუნებლად. ბიზნესმენებმა ხელი უნდა შეუწყონ და დააფინანსონ შემოქმედებითი ადამიანები. ბევრმა მუშაობამ შეიძლება გამოიწვიოს გადაღლილობა. უმჯობესია თავი შეიკავოთ დიდი რაოდენობით ქონის, ლორის, ქაშაყის, დამუშავებული ყველის და მსგავსი პროდუქტების მიღებაზე.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ეს ქალი 90-იანების ყველაზე პოპულარულ ჰიტს მღეროდა - როგორია მისი ცხოვრება 20 წლის შემდეგ?
09:50 / 05-05-2019
საქართველოში და პოსტ-საბჭოთა სივრცეში, ალბათ ძნელად მოიძებნება ადამიანი, რომელსაც 90-იანების ეს სუპერპოპულარული ჰიტი ერთხელ მაინც არ მოუსმენია. მეტიც, სიმღერის ტექსტი ბევრს დღემდე ახსოვს მისი სიმარტივიდან გამომდინარე - საუბარია სიმღერაზე Ветер с моря дул, რომელსაც წლების წინ საკმაოდ პოპულარული მომღერალი Натали იგივე ნატალია რუდინა ასრულებდა.
დღეს რუსი მომღერალი 45 წლისაა, ასაკს არ მალავს და ამბობს, რომ ახლა თავს ძალიან კომფორტულად გრძნობს. თვლის რომ 45 წლისთვის სრულ ემოციურ, შინაგან სიმყუდროვეს მიაღწია და საკუთარი გამოცდილების გაზიარება, რჩევების მიცემა სხვებისთვისაც შეუძლია. მომღერალი ძალიან აქტიურია სოციალურ ქსელებშიც და 31 მარტს, საკუთარ იუბილეზე თაყვანისმცემლებს instagram-ის გვერდზე გაუზიარა ემოციები:
"მადლიერი ვარ ჩემი განვლილი ცხოვრებით. ძალიან მომსწონს საკუთარი ასაკი, ვფიქრობ რომ მშვენივრად გამოვიყურები. ეს ის ასაკია, როცა შემიძლია ვიყო ბებიაც, თუ მომესურვება გავაჩინო გოგონაც და ამავდროულად ვიყო პატარა გოგოც. ისევ ვუსმენ მშობლების რჩევას და ახლა თავადაც შემიძლია მივცე რჩევები. მინდა, რომ მსუბუქად ვუყურო სამყაროს და ვიყო პოზიტიური, მიყვარდეს ყველა და ყველაფერი.
ვფიქრობ, რომ ჯერ კიდევ არ მიცეკვია და მიმღერია საკმარისად! ყველაფერი წინ არის", - წერს საკუთარ ინსტაგრამზე ნატალია.
ნატალია 17 წლის იყო, როდესაც ალექსანდრ რუდინიზე დაქორწინდა. რადგანაც მომღერალი არასრულწლოვანი იყო, ნატალის დედას მოუწია მოეძიებინა ყალბი საბუთი, თითქოს ის ორსულად იყო, რის შემდეგაც წყვილმა ოფიციალურად დაქორწინება შეძლო.
სწორედ ორსულობასთან დაკავშირებული შემთხვევებია ერთადერთი ტრაგიკული გამოცდილება ნატალის წარმატებულ და ბედნიერ ცხოვრებაში. 18 წლისას პირველი ბავშვი მოშორდა. ერთი წლის შემდეგ დაკარგა მეორე შვილიც. სცენაზე იდგა, როდესაც ძლიერი ტკივილები დაეწყო და საავადმყოფოში გადაყვანილს უთხრეს, რომ ნაყოფი მკვდარი იყო.
"გასტროლებზე ყოფნისას გავიგე, რომ ორსულად ვიყავი. როგორც ჩანს, თავს ვერ მოვუარე სათანადოდ. სცენაზე ვიდექი, როდესაც ვიგრძენი თითქოს რაღაც მომწყდა შიგნით. საშინელი შეგრძნება იყო. მაშინვე საავადმყოფოში გადამიყვანეს და დამიდგინდა ორსულობის ნაადრევი შეწყვეტა. დღემდე ძალიან განვიცდი, რომ ასე მოვექეცი საკუთარ შვილს," - ამბობს მომღერალი.
ამ ტრაგედიების შემდეგ, 27 წლის ასაკში ნატალიამ პირველი შვილი გააჩინა. ნატალისა და ალექსანდრს ოჯახური იდილია აქვთ. წყვილი სამ ვაჟს ზრდის: 17 წლის არსენს, 8 წლის ანატოლის და 2 წლის ევგენიას.
რაც შეეხება ცნობილი ჰიტის ისტორიას, მომღერალი ამბობს, რომ "ветер с моря дул" უცნობ ავტორს ეკუთვნის და ასე მოიხსენიებს ყოველი შესრულებისას. თუმცა, სიმღერის ავტორობაზე რუსეთში პრეტენზიას ბევრი ადამიანი გამოთქვამს. მათ შორის ყველაზე აქტიურად ყოფილი პოლიციელი, პოლკოვნიკი ვლადიმირ პეტროვი. იგი ამტკიცებდა, რომ სიმღერა ჯერ კიდევ სტუდენტობისას დაწერა.
პეტროვი ამბობდა, რომ სტუდენტობიდან მოყოლებული იგი გიტარაზე უკრავს და შანსონს მღერის. მისი ვერსიით, ეს სიმღერა ნატალიმ სადღაც მოისმინა და მიისაკუთრა. "ერთხელ ტელევიზიით მოვისმინე ეს ჰიტი ნატალის შესრულებით და თავში შემოვიკარი ხელი: ღმერთო ჩემო, ეს ხომ ჩემი სიმღერაა!“ - ამბობს პეტროვი.
ამჟამად ნატალი ისევ აქტიურ შემოქმედებით საქმიანობას ეწევა. წერს ალბომებს, მონაწილეობას იღებს კონცერტებში და იღებს კლიპებს. ბოლო კლიპი 2018 წელს გადაიღო.
გააკეთეთ კომენტარი
რუბრიკის სხვა სიახლეები
დღის ვიდეო
00:00 / 00:00
გიორგი ბაჩიაშვილი - საქართველოს წარმომადგენლებმა, ივანიშვილის დავალებით, მიმართეს ბანდიტურ გზას და მოტაცებით ჩამომიყვანეს საქართველოში
კვირის კითხვადი სტატიები
მნიშვნელოვანი ინფორმაცია
მკითხველის რჩევით
