ჰარიმ და მეგანმა "ინსტაგრამიდან" უილიამი და ქეითი "წაშალეს"

სასექსის ჰერცოგი და ჰერცოგინია სამეფო ოჯახის სხვა წევრების მიმდევრები „ინსტაგრამზე“ აღარ არიან, ამის შესახებ CNN წერს. მათ პრინცი უილიამისა და ქეით მიდლტონის გამოწერაც გააუქმეს.

მედია ოჯახში არსებული უთანხმოების შესახებ ვარაუდობს, თუმცა CNN წერს, რომ გადაწყვეტილება ოჯახური პრობლემების გამო არ მიუღიათ.

ჰარიმ და მეგანმა „ინსტაგრამზე“ ოჯახის წევრებისთვის გამოწერა სოციალურ ქსელში წამოწყებული ახალი პროექტის გამო გააუქმეს. მათ გაავრცელეს პოსტი, სადაც აღნიშნავენ, რომ მაისში მენტალური ჯანმრთელობის დღეები აღინიშნება და ეცდებიან, პრობლემასთან დაკავშირებით ცნობიერება აამაღლონ. თემები მომდევნო თვეებში შეიცვლება და „ინსტაგრამის“ ანგარიშებიც, რომლების მიმდევრები სასექსის ჰერცოგი და ჰერცოგინია იქნებიან, ამის მიხედვით შეიცვლება.