"თელასი" - თბილისის მოსახლეობის 50%-სა და სასიცოცხლოდ მნიშვნელოვანი ობიექტების ნაწილს ელექტროენერგია არ მიეწოდება

თბილისის მოსახლეობის 50 პროცენტს და სასიცოცხლოდ მნიშვნელოვანი ობიექტების ნაწილს ელექტროენერგია არ მიეწოდება. ამის შესახებ "ინტერპრესნიუსს“ კომპანია "თელასში" განუცხადეს. მათი ინფორმაციით, რამ გამოიწვია ელექტროენერგიის გათიშვა, ამ ეტაპზე უცნობია.

"დისპეტჩერისგან" მოწოდებული ინფორმაციით, თბილისის მოსახლეობის 50 პროცენტს ამ დრომდე გათიშული აქვს ელექტროენერგია. ასევე გათიშულია სასიცოცხლოდ მნიშვნელოვანი ობიექტების ნაწილისთვისაც დენის მიწოდება. გათიშვის მიზეზებს ვადგენთ. ეს "თელასისგან" გამოწვეული არ ყოფილა“, - განაცხადეს კომპანიაში.

მათივე განმარტებით, კომპანიის მიერ თავდაპირველად გავრცელებული ინფორმაცია, რომ მათ არცერთ ქვესადგურს ელექტროენერგია არ მიწოდებოდა, ზუსტი არ იყო.

როგორც ცნობილია, ელექტროენერგიის გათიშვის მიუხედავად, თბილისის მეტროსადგურები ჩვეულ რეჟიმში მუშაობენ.

"იყო ძაბვის ვარდნა, თუმცა ამას არ უმოქმედია მეტროს მუშაობაზე და მატარებლები ჩვეულებრივად გადაადგილდებიან“, - განუცხადეს "ინტერპრესნიუსს" თბილისის მეტროპოლიტენში.