"რაც მისაღები იყო მიიღო და კიდევ მიიღებს უზრდელობის გამო" -  ზაზა პაპუაშვილი   ნიკა მელიაზე

რაც მისაღები იყო, მიიღო და კიდევ მიიღებს ამ უზრდელობის და უტაქტობის გამო, - ამის შესახებ ჟურნალისტებს დეპუტატმა ზაზა პაპუაშვილმა „ნაციონალური მოძრაობის“ ერთ-ერთ ლიდერ ნიკა მელიასთან სიტყვიერი და ფიზიკური დაპირისპირების საკითხზე საუბრისას განუცხადა.

პაპუაშვილის თქმით, დეპუტატებს შორის დაპირისპირება იმის გამო მოხდა, რომ ნიკა მელიას საარჩევნოდ „თემების აწევა უნდა“.

„მაგის საკრიტიკებელი ვინ არის. რაც არის და ვინც არის ნიკა მელია, მიკროფონთან საუბარი რად გინდათ, ქცევით არ იცით? გამოიწვია ის, რომ ეს მომხდარიყო - მიკროფონები და კამერა.

რაც მისაღები იყო მიიღო და კიდევ მიიღებს ამ უზრდელობის და უტაქტობის გამო. არჩევნები ახლოვდება და თემების აწევა უნდა, - განაცხადა პაპუაშვილმა.

პარლამენტში დეპუტატები ნიკა მელია და ზაზა პაპუაშვილი ერთმანეთს ფიზიკურად და სიტყვიერად დაუპირისპირდნენ. შემთხვევა პარლამენტის ეზოში მოხდა.