მნიშვნელოვანი ინფორმაცია
9
ივლისიდღის ზოგადი ასტროლოგიური პროგნოზი
ოთხშაბათი, მთვარის მეთხუთმეტე დღე დაიწყება 22:10-ზე, მთვარე თხის რქაში გადავა 12:52-ზე –
ენერგიული დღეა. ჯობია ემოციების მოთვინიერება, ვნებების აღკვეთა და თვითდისციპლინის გაძლიერება დაიწყება. მოიქეცით მშვიდად. მნიშვნელოვანი არაფერი გააკეთო. დაიწყეთ მარტივი ამოცანები, რომლებიც არ საჭიროებს ზედმეტ ძალისხმევას. ყურადღება მიაქციეთ საინტერესო იდეებს, ეს შესაძლოა სამომავლოდ გამოგადგებათ. იზრდება ტრავმებისა და ძლიერი ნერვული დაძაბულობის ალბათობა. უმჯობესია უარი თქვათ ძლიერ ჩაის, ყავასა და ალკოჰოლურ სასმელებზე. დღეს მოხმარებული პროდუქტები უნდა იყოს მაღალი ხარისხის და ახალი.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"მხოლოდ ერთ დღეს, 19 პირი არ გაუშვეს..." - რატომ ამოწმებენ ქუთაისის აეროპორტში ვენის მგზავრებს უცხოელი მესაზღვრეები
14:50 / 30-04-2019
ქუთაისის საერთაშორისო აეროპორტიდან ერთ-ერთმა მგზავრმა გაავრცელა ფოტო, რომელზეც ვენაში მიმავალ რეისზე არსებული სიტუაციაა ასახული. ფოტო 27 აპრილსაა გადაღებული და ქართველი მგზავრის თქმით, ვენის კონტროლმა ქუთაისის აეროპორტამდეც მოაღწია, თვითმფრინავში ასვლამდე მგზავრებს საბუთები და ფული შეუმოწმეს, რაც იმას ნიშნავს, რომ მათ წასვლამდე ორმაგი კონტროლის გავლა უწევთ.
AMBEBI.GE დაინტერესდა, რატომ ამოწმებენ ქართველ მგზავრებს ქვეყნიდან გამგზავრებამდე უცხოელი მესაზღვრეები. როგორც საქართველოს აეროპორტების გაერთიანებაში განგვიმარტეს, ქუთაისის აეროპორტიდან ვენის მიმართულებით მიმავალ მგზავრებს ევროკავშირის საზღვრისა და სანაპირო დაცვის სააგენტოს (FRONTEX) წარმომადგენლები უმოწმებენ დოკუმენტებსა და ფულს.
FRONTEX ევროკავშირის ორგანიზაციაა, რომლის სათაო ოფისი პოლონეთის დედაქალაქ ვარშავაში მდებარეობს. სააგენტოს მთავარი ფუნქცია ევროკავშირის ტერიტორიაზე საზღვრის კონტროლია. გარდა ამისა, FRONTEX-ი აკვირდება საზღვრებზე კრიმინალური აქტივობების ტენდენციასა და მიგრაციას და აანალიზებს ამ მონაცემებს. სააგენტო საზღვარზე მიმდინარე პროცესების მონიტორინგს ეწევა და მიღებულ ინფორმაციას ევროკავშირის წევრ ქვეყნებს აწვდის. ორგანიზაციის საქმიანობა ევროკავშირის ქვეყნებს გარე საზღვრებზე არსებული გამოწვევებისა და მიგრაციის კონტროლში ეხმარება.
საქართველოს აეროპორტების გაერთიანების ინფორმაციით, FRONTEX-ის წარმომადგენლები ქუთაისის აეროპორტში დაახლოებით ერთი თვეა დგანან.
"ამ ეტაპზე მოთხოვნაა, რომ იდგნენ ვენის რეისზე, რადგან საქართველოს ბევრ მოქალაქეს საბუთები არ ჰქონდა წესრიგში. მაგალითად, დაახლოებით, ერთი თვის წინ მხოლოდ ერთ დღეს, 19 პირი არ გაუშვეს.
FRONTEX-ის წარმომადგენლები ვენამ მოითხოვა: ჩვენთან ქართველები ბევრი დარღვევით ჩამოდიან და თქვენივე საზღვრიდან გაცხრილეთ და არა ჩვენგანო. ჯერჯერობით, დგანან და როდემდე იდგებიან, არ ვიცით“ - განუმარტეს AMBEBI.GE-ს აეროპორტების გაერთიანებაში.
როგორც აეროპორტების გაერთიანებაში აღნიშნავენ, მესაზღვრეების მიერ ვენის რეისზე წამსვლელთა შემოწმება ჯერჯერობით მხოლოდ ერთი ქვეყნის, ავსტრიის მოთხოვნაა, სხვა ევროპულ ქვეყნებს კი მგზავრებისთვის დოკუმენტაციისა და თანხის შემოწმების მოთხოვნა არ წამოუყენებიათ.
მკითხველის კომენტარები /
2 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რა გზავნილები აქვთ ევროპარლამენტარებს და როგორია გამოხმაურებები საქართველოში
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ეტყობა აღარ ვართ სანდო ერი
რა ვიცი,მე ხშირად დავფრინავ და ერთხელაც არ მოუთხოვიათ თანხის ჩვენება არსად,ეტყობა "ნამეტნავად" პატიოსანი სახე მაქვს :)