მნიშვნელოვანი ინფორმაცია
10
ივნისიდღის ზოგადი ასტროლოგიური პროგნოზი
სამშაბათი, მთვარის მეთხუთმეტე დღე დაიწყება 22:19-ზე, მთვარე მშვილდოსანშია – ენერგიული დღეა. ჯობია ემოციების მოთვინიერება, ვნებების აღკვეთა და თვითდისციპლინის გაძლიერება დაიწყება. მოიქეცით მშვიდად. მნიშვნელოვანი არაფერი გააკეთო. დაიწყეთ მარტივი ამოცანები, რომლებიც არ საჭიროებს ზედმეტ ძალისხმევას. ყურადღება მიაქციეთ საინტერესო იდეებს, შესაძლოა სამომავლოდ გამოგადგეთ. არ არის რეკომენდებული გამოიჩინოთ ამბიცია. გადაიტანოთ პასუხისმგებლობა სხვა ადამიანებზე. ჩაერთოთ ფინანსურ ოპერაციებში. მნიშვნელოვანი მოლაპარაკებების წარმოება. დღეს მოხმარებული პროდუქტები უნდა იყოს მაღალი ხარისხის და ახალი. უმჯობესია უარი თქვათ ძლიერ ჩაის, ყავასა და ალკოჰოლურ სასმელებზე.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ბავშვების მამა მრავალშვილიანი ოჯახიდანაა და უნდოდათ ბევრი შვილი ჰყოლოდათ" - რას ჰყვება 10 უკრაინელი ბავშვის თანმხლები ქალის ადვოკატი
14:22 / 26-04-2019
4 ბავშვი ნამდვილად არის 2017 წელს დაბადებული, მაგრამ სუროგაციისა და დონაციის შესახებ არსებული კანონმდებლობის შესაბამისად, - ამის შესახებ 10 უკრაინელი მცირეწლოვანი ბავშვის თანმხლები ქალის, იულია სუსლიაკის ადვოკატმა ზურაბ თოდუამ განაცხადა. ის იულია სუსლიაკს დროებითი მოთავსების იზოლატორში შეხვდა.
როგორც ადვოკატი განმარტავს, ათივე შვილი მისი დაცვის ქვეშ მყოფის არის და შესაძლო ტრეფიკინგს გამორიცხავს.
„ალბათ, იკითხავთ, 3 შვილი თავისი ჰყავდა და რატომ მიმართა სუროგატებს. ბავშვების ბიოლოგიური მამა მრავალშვილიანი ოჯახიდანაა და უნდოდათ ბევრი შვილი ჰყოლოდათ, მაგრამ ქალს ექიმებმა დაორსულება აუკრძალეს, რადგან ჯანმრთელობის მდგომარეობა შესაბამისი არ ჰქონდა. ამის გამო, ოჯახმა სუროგატებს მიმართეს. იმის გამო, რომ პროცენტულობა სუროგაცია დონაციის შემთხვევაში დაბალია, 7 ქალთან დადეს კონტრაქტი. ეს დოკუმენტები უკვე მივიღე. შვიდიდან შვიდივესთან ასპროცენტიანი შედეგი დადგა. ამის შემდეგ, რადგანაც უფალმა გვაჩუქა, უარი რატომ უნდა გვეთქვა", - განაცხადა თოდუამ.
მისივე განმარტებით, დაკავებული სუსლიაკის მეუღლე იური სუსლიაკი უკრაინაში სამშენებლო კომპანიის ხელმძღვანელი იყო, სადაც მას კომერციული ინტერესებიდან გამომდინარე ავიწროვებდნენ. ადვოკატის თქმით, ოჯახი იძულებული გახდა, რუსეთში გადასულიყო, საიდანაც სასამართლოს გადაწყვეტილებით, მათი დეპორტაცია მოხდა. თოდუა ამბობს, რომ ამის შემდეგ ოჯახი აფხაზეთში აპირებდა თავშესაფრის პოვნას.
„ამ ქალის მეუღლე დამიკავშირდა, ინტერნეტით მიპოვა და 18 აპრილიდან მისი ინტერესების დაცვას ვახორციელებ. მისი მეუღლე ცნობილი ბიზნესმენია უკრაინაში - იური სუსლიაკი, რომელსაც აქვს მსხვილი ბიზნესი სამშენებლო კომპანიაში. ყოფილი პრეზიდენტის პირობებში, იძულებული გახდა, უკრაინა ოჯახთან ერთად დაეტოვებინა, დროებით თავი შეაფარა რუსეთს. 2019 წლის 7 მარტს, მოსკოვის ერთ-ერთმა ოლქმა ოჯახის დეპორტაციის გადაწყვეტილება მიიღო. იულია იძულებული გახდა თავის შვილებთან ერთად საქართველოში ჩამოსულიყო, რათა დროებითი თავშესაფარი აფხაზეთში ეპოვა. მისმა მეუღლემ სოხუმში მოაგვარა საკითხი საცხოვრებელთან და დამხმარეებთან დაკავშირებით. რატომ მაინც და მაინც აფხაზეთი, ეს მეც მაინტერესებდა. იური თვლის, რომ ის ძალა, რომელიც აიძულებდა დაეტოვებინა უკრაინა, დიდი შანსი ჰქონდა საქართველოში შემოეღწია, ვიდრე აფხაზეთში. ეს ოჯახი ამერიკაშიც ცხოვრობდა ერთი წლის განმავლობაში. ბოლო შვილი დაბადებულია ამერიკაში და სწორედ ეს ბავშვია დღეს მძიმე მდგომარეობაში. აბსოლუტური სისულელე და ჭორია, რომ ის ბავშვებს არასათანადოდ ეპყრობოდა. ცნობისმოყვარე ადამიანები პალატაში უვარდებოდნენ, სურათებს უღებდნენ ბავშვებს, ეუბნებოდნენ თქვით, რომ დედაშენი არ არისო. ასეთი ზეწოლის ქვეშ იმყოფებოდა 3-4 დღის განმავლობაში. სასწრაფოდ აქვთ მიღებული გადაწყვეტილება მისი დაკავების შესახებ. ამ დადგენილებაში წერია, რომ თურმე, არსებობს საფრთხე და აქვს შესაძლებლობა დატოვოს საქართველოს ფარგლები", - განაცხადა თოდუამ.
ქალი არასრულწლოვნებით ვაჭრობის ბრალდებითაა დაკავებული. აღნიშნულ საქმეზე განცხადებას შინაგან საქმეთა სამინისტრო ავრცელებს.
„შინაგან საქმეთა სამინისტრომ არასრულწლოვნით ვაჭრობის (ტრეფიკინგის) ბრალდებით უკრაინის მოქალაქე, 1982 წელს დაბადებული ი.ს. დააკავა.
დანაშაული 14-დან 17 წლამდე ვადით თავისუფლების აღკვეთას ითვალისწინებს.
ცენტრალური კრიმინალური პოლიციის დეპარტამენტისა და გენერალური პროკურატურის თანამშრომლების მიერ ერთობლივად ჩატარებული ოპერატიულ-სამძებრო და საგამოძიებო ღონისძიებების შედეგად, ბრალდებული, მიმდინარე წლის 25 აპრილს, ქუთაისის ერთ-ერთ საავადმყოფოში დააკავეს.
გამოძიებით დადგინდა, რომ ი.ს. საქართველოში 10 მცირეწლოვან ბავშვთან ერთად რუსეთიდან 2019 წლის 8 აპრილს ჩამოვიდა და აპირებდა აფხაზეთის ოკუპირებულ ტერიტორიაზე გადასვლას. ე.წ. საზღვრის გადაკვეთამდე ი.ს.-მ სამეგრელოში დროებითი საცხოვრებელი იქირავა, სადაც ბავშვებთან ერთად რამდენიმე დღე იმყოფებოდა.
საქართველოში ჩამოსვლისთანავე აღნიშნულმა პირმა მიიქცია სამართალდამცველების ყურადღება და დაიწყო შესაბამისი ღონისძიებების განხორციელება.
გამოძიების ფარგლებში მოპოვებული დოკუმენტაციის მიხედვით, 10-ვე ბავშვი ი.ს.-ს შვილია და მის გვარს ატარებს. თუმცა, მცირეწლოვნებიდან 4 დაბადებულია 2017 წელს, რამაც გააჩინა ტრეფიკინგის საფუძვლიანი ეჭვი.
ჩატარებული საგამოძიებო მოქმედებების შედეგად, კერძოდ, მოწმეთა გამოკითხვით დადგინდა, რომ ბრალდებული ბავშვებს აგრესიულად ექცეოდა და არასათანადო პირობებში ამყოფებდა, რის გამოც გამოძიების მიმდინარეობის პარალელურად, შინაგან საქმეთა სამინისტროს მიერ არასრულწლოვანთა უგულებელყოფის ფაქტზე, გამოცემული იქნა შემაკავებელი ორდერები და მიღებული იქნა 10-ვე ბავშვის დედისაგან განცალკავების გადაწყვეტილება.
მოწმეთა ჩვენებებით ასევე, ირკვევა, რომ ი.ს. შესაძლოა არ არის მცირეწლოვანი ბავშვების დედა. ბავშვებისა და ბრალდებულის ბიოლოგიური კავშირის დადგენის მიზნით დანიშულია შესაბამისი ექსპერტიზა. ასევე, მიმდინარეობს აქტიური თანამშრომლობა უცხოელ პარტნიორებთან.
გამოძიება ორი ან მეტი არასრულწლოვნით ვაჭრობის (ტრეფიკინგი) ფაქტზე, საქართველოს სსკ-ის 143-ე 2-პრიმა მუხლის მე-3 ნაწილის „გ“ ქვეპუნქტით მიმდინარეობს.
ბავშვების უსაფრთხოებისა და ჯანმრთელობის დაცვის მიზნით, ორი მცირეწლოვანი, შესაბამისი მეთვალყურეობით, ამ დრომდე რჩება სამედიცინო დაწესებულებაში, ხოლო რვა ბავშვი განთავსებულია სოციალური მომსახურების სააგენტოს შესაბამის დაწესებულებებში (მცირე საოჯახო ტიპის დაწესებულებაში და ჩვილ ბავშვთა სახლში)“, - ნათქვამია შსს-ს ინფორმაციაში.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
უკონტროლო ვითარება ლოს-ანჯელესის ქუჩებში - პოლიციასა და მომიტინგეებს შორის შეტაკებები გრძელდება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
