მნიშვნელოვანი ინფორმაცია
31
მარტიდღის ზოგადი ასტროლოგიური პროგნოზი
ორშაბათი, მთვარის მესამე დღე დაიწყება 07:20-ზე, მთვარე კუროშია
არ წამოიწყოთ ახალი საქმეები. მოერიდეთ ფინანსური საქმეების გადაჭრას. ვაჭრობა და კამათი კარგს არაფერს მოგიტანთ. მოერიდეთ მგზავრობას, სამსახურის, საქმიანობის შეცვლას. კარგია ვარჯიში. არ გირჩევთ ქორწინებასა და ნიშნობას. გაუფრთხილდით კეფასა და ყურებს. ამ დღეს ადამიანი მეტად მგრძნობიარეა საკვების მიმართ. ნუ გადატვირთავ კუჭს, მაგრამ ნურც იშიმშილებთ. მიიღეთ ჯანსაღი საკვები. კარგი დღეა ბუნებაში სასეირნოდ, მიწაზე სამუშაოდ.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
იაპონელები ქართული სუფრის კულტურას გაეცნენ - ტოკიოში პროექტი „საქართველო - ღვინის სამშობლო“ გრძელდება
13:01 / 26-04-2019
ტოკიოში ღონისძიება „ქართული სუფრა“ გაიმართა, რომლის თამადაც მწერალი ზურაბ ქარუმიძე იყო. ღონისძიება პროექტის „საქართველო - ღვინის სამშობლოს“ ფარგლებში ღვინის ეროვნული სააგენტოს ორგანიზებით ჩატარდა. საგამოფენო სივრცე Warehause Terrada-ში მოწვეულ 120 სტუმარს შორის ღვინის ექსპერტები, იაპონის მთავრობის, ადგილობრივი მედიისა და იაპონიაში საქართველოს საელჩოს წარმომადგენლები იყვნენ.
როგორც ღვინის ეროვნული სააგენტოს თავმჯდომარის მოადგილე დავით ტყემალაძე განმარტავს, ღონისძიების მიზანი იაპონელებისთვის ქართული სუფრის ტრადიციების გაცნობა იყო, რაც ღვინის ტრადიციიის განუყრელი ნაწილია. სხვადასხვა დასახელების ღვინოებთან ერთად სტუმრებისთვის ქართული კერძები სპეციალურად ამ დღისთვის საქართველოდან ჩასულმა მზარეულებმა მოამზადეს.
„ქართულ სუფრას“ ესწრებოდნენ იაპონიაში სახელგანთქმული ქართველი სუმოისტებიც ტოჩინოშინი (ლევან გორგაძე) და გაგამარუ (თეიმურაზ ჯუღელი), რომლებიც იაპონიაში საქართველოს არაოფიციალური ელჩები არიან.
„ამ პროექტში ძალიან მნიშვნელოვანია ზურა ქარუმიძის ჩართულობა. ჩვენ გვერდით იყვნენ ქართველი სპორტსმენებიც, რომლებიც ყოველთვის გვერდში გვიდგანან და „ქართულ სუფრაზეც“ სრულიად მოულოდნელად მოვიდნენ. ზოგადად, მათი სახელი და ავტორიტეტი პროექტზე მუშაობისა და დაგეგმვის დროს არაერთხელ დაგვხვდა წინ პოზიტიურ კონტექსტში და ძალიან დაგვეხმარა,“ - განმარტავს დავით ტყემალაძე.
ტოკიოში, საგამოფენო ცენტრში „Terrada Warehouse“ გამოფენა „საქართველო – ღვინის სამშობლო“ 10 მარტს გაიხსნა და 7 მაისამდე გაგრძელდება. ექსპოზიცია აერთიანებს უნიკალურ არქეოლოგიურ ექსპონატებსა და თანამედროვე ტექნოლოგიებს, რომლის კონცეფციაც დაფუძნებულია ქართული ღვინის კულტურის უნიკალურობის წარმოჩენაზე. მსგავსი პროექტი პირველად 2017 წელს საფრანგეთში ჩატარდა.
პროექტის ორგანიზატორები ღვინის ეროვნული სააგენტო და ასოციაცია „ქართული ღვინო“ არიან. როგორც ღვინის ეროვნული სააგენტოს თავმჯდომარის მოადგილე დავით ტყემალაძე განმარტავს, პროექტი ხორციელდება მსოფლიოში უმსხვილესი კომპანიის Sony music communication და კომპანია TOPPAN-ის პარტნიორობით.
„Sony music communication-მა, რომელიც უდიდესი კორპორაციაა, მოგვცა რჩევები, თუ როგორ უნდა გვემუშავა და რა გზით წასვულიყავით, რომ იაპონელების დაინტერესება მოგვეხდინა. მათი რეკომედაციით, გამოვიყენეთ ტექნოლოგიური სიახლეები, რომლებიც იაპონაში კარგად აპრობირებულია ან სრულიად ახალია.
ერთ-ერთი ასეთია WARP ტექნოლოგიით შესრულებული პატარა ფილმი, რომელიც ყველას შეეძლო ენახა და ადამიანის ჩართულობასა და ინტერაქციაზე ამახვილებდა ყურადღებას. ზოგადად, კი ძალიან ძნელია გააოცო იაპონია, მაგრამ ჩვენ ეს შევძელით. ბევრი კუთხით შეძელო საქართველომ იაპონიის გაოცება, მაგრამ ღვინის კულტურა, ფესვები და 8 000 წლიანი უწყვეტი ისტორია ყველაზე მნიშვნელოვანია,“ - განაცხადა დავით ტყემალაძემ.
ქართული ღვინის პოპულარიზაციისა და ახალი ბაზრების გახსნისა და გაფართოების პარალელურად, პროექტის შედეგად საქართველოში იაპონელი ტურისტების ნაკადის ზრდასაც ელიან. პროექტის ფარგლებში საქართველოს ტურიზმის ეროვნულ ადამინისტრაციასთან ერთად გაიმართა ღონისძიება „საქართველოში - ღვინის გზა“, რომლის ფარგლებშიც საქართველოს, როგორც ტურისტული მარშრუტის, პოპულარიზაცია ღვინოსთან კავშირში მოხდა.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები: რა ხდებოდა 2 ძლიერი მიწისძვრის დროს მიანმარში? - დაღუპულთა რაოდენობა 1 000-ს გასცდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
