15 წლის ლუკა სი­რა­ძის საქ­მემ, კი­დევ ერთხელ გა­მოკ­ვე­თა სის­ტე­მა­ში არ­სე­ბუ­ლი პრობ­ლე­მე­ბი. ბიჭი, რო­მელ­მაც პო­ლი­ცი­ა­ში და­კი­თხვის შემ­დეგ თვით­მკვლე­ლო­ბა სცა­და, სა­მარ­თალ­დამცლე­ბის მხრი­დან ფსი­ქო­ლო­გი­უ­რი ზე­წო­ლის მსხვერ­პლი გახ­და.

მო­ზარ­დის მი­მართ ჩვე­ნე­ბის იძუ­ლე­ბის ფაქ­ტზე, უკვე და­ა­კა­ვეს საქ­მის გა­მომ­ძი­ე­ბე­ლი მა­რი­ა­ნა ჩო­ლო­ი­ა­ნი. თუმ­ცა, არა­სამ­თავ­რო­ბო ორ­გა­ნი­ზა­ცია "ახალ­გაზ­რდა იუ­რის­ტთა ასო­ცი­ა­ცია", რო­მე­ლიც სი­რა­ძის ოჯა­ხის ინ­ტე­რე­სებს იცავს, ირ­წმუ­ნე­ბა, რომ არას­რულ­წლო­ვან­ზე ზე­წო­ლას პო­ლი­ცი­ის კი­დევ მი­ნი­მუმ 3 თა­ნამ­შრო­მე­ლი ახორ­ცი­ე­ლებ­და, რო­მელ­თა ვი­ნა­ო­ბაც დად­გე­ნი­ლი არ არის.

დას­ტურ­დე­ბა ისიც, რომ ბავ­შვი პო­ლი­ცი­ის გან­ყო­ფი­ლე­ბა­ში მშობ­ლის გა­რე­შე დრო­ის სხვა­დას­ხვა მო­ნაკ­ვეთ­ში მხო­ლოდ პო­ლი­ცი­ის თა­ნამ­შრო­მელ­თა გა­რე­მოც­ვა­ში რამ­დენ­ჯერ­მე დარ­ჩა. მათ შო­რის არას­რულ­წლო­ვანს ცალ­კე ესა­უბ­რე­ბო­და პო­ლი­ცი­ის გან­ყო­ფი­ლე­ბის უფ­რო­სის მო­ად­გი­ლე.

ბოლო პე­რი­ოდ­ში არა­ერ­თხელ გვსმე­ნია სა­მარ­თალ­დამ­ცვე­ლე­ბის მი­მართ ბრალ­დე­ბე­ბი - მო­ქა­ლა­ქე­ე­ბი პო­ლი­ცი­ე­ლებს სას­ტიკ ცე­მა­სა და არა­ა­და­მი­ა­ნურ მო­პყრო­ბა­ში ადა­ნა­შა­უ­ლე­ბენ.

ასევე დაგაინტერესებთ

10:55 / 19-12-2019

"მოდი, ახლოს მომიჯექიო... უცბად ქამრიდან იღებს იარაღს, მიმიზნებს და ირონიულად იცინის..." - რას იხსენებს პოლიციაში დაკითხვის შესახებ ცნობილი მსახიობის შვილიშვილი

09:31 / 25-01-2020

მკვლელობა თუ თვითმკვლელობა? - ბურუსით მოცული საქმე, რომელშიც სავარაუდოდ, პოლიციელები ფიგურირებენ

AMBEBI.GE და­ინ­ტე­რეს­და, რამ­დე­ნად ეფექ­ტუ­რად იძი­ებს პრო­კუ­რა­ტუ­რა ამ­გვარ საქ­მე­ებს.

2019 წელს სა­ზო­გა­დო­ე­ბის­თვის ორი გახ­მა­უ­რე­ბუ­ლი შემ­თხვე­ვის შე­სა­ხებ გახ­და ცნო­ბი­ლი - უჩა ილაშ­ვი­ლის და­კა­ვე­ბა­სა და ზვი­ად მთავ­რიშ­ვი­ლის გარ­დაც­ვა­ლე­ბის საქ­მის ფი­გუ­რან­ტი პო­ლი­ცი­ე­ლე­ბი, რომ­ლებ­საც არა­ა­და­მი­ა­ნურ მო­პყრო­ბა­ში ადა­ნა­შა­უ­ლე­ბენ, დღემ­დე აგ­რძე­ლე­ბენ უწყე­ბა­ში მუ­შა­ო­ბას. არ­ცერთ მათ­განს უფ­ლე­ბა­მო­სი­ლე­ბა არ შე­ჩე­რე­ბია.

• უჩა ილაშ­ვი­ლის საქ­მე

მიმ­დი­ნა­რე წლის 22 მარტს უჩა ილაშ­ვი­ლი და თორ­ნი­კე ტუ­რი­აშ­ვი­ლი ალაზ­ნის აკ­რძა­ლულ ტე­რი­ტო­რი­ა­ზე ნა­ვით თევ­ზა­ობ­დნენ. რო­გორც ილაშ­ვი­ლის ად­ვო­კა­ტი ყვე­ბა, ამ დროს გა­რე­მოს დაც­ვის ინ­სპექ­ცი­ის თა­ნამ­შრო­მელ­მა ბე­სიკ შუ­ბი­თი­ძემ, გაფრ­თხი­ლე­ბის გა­რე­შე ცე­ცხლი გა­უხ­სნა ორი­ვე მათ­განს. თუმ­ცა, უწყე­ბის თა­ნამ­შრო­მე­ლი სა­პი­რის­პი­როს ამ­ტკი­ცებ­და. შუ­ბი­თი­ძის თქმით, თა­ნამ­შრო­მელ­თან ერ­თად, გეგ­მი­ურ შე­მოვ­ლა­ზე გურ­ჯა­ან­ში, მდი­ნა­რე ალაზ­ნის ტე­რი­ტო­რი­ა­ზე იმ­ყო­ფე­ბო­და, რა დრო­საც ბრა­კო­ნი­ე­რე­ბი შე­ნიშ­ნა, რომ­ლებ­მაც მათი მი­სა­მარ­თით ის­რო­ლეს. შუ­ბი­თი­ძის თქმით, ბრა­კო­ნი­ე­რებს ნიღ­ბე­ბი ეკე­თ­ათ და სა­ხე­ე­ბი ვერ გა­არ­ჩია.

ილაშ­ვი­ლის ად­ვო­კა­ტის არ­ჩილ ჩო­ფი­კაშ­ვი­ლის ინ­ფორ­მა­ცი­ით, პო­ლი­ცი­ე­ლებ­მა ცე­მი­თა და არა­ა­და­მი­ა­ნუ­რი მო­პყრო­ბით წა­იყ­ვა­ნეს და­კა­ვე­ბუ­ლი და ტუ­რი­აშ­ვი­ლი გან­ყო­ფი­ლე­ბა­ში. მი­სი­ვე თქმით, უჩა ილაშ­ვილს მთე­ლი ღა­მის გან­მავ­ლო­ბა­ში ცე­მით აი­ძუ­ლებ­დნენ, მე­გობ­რის სა­წი­ნა­აღ­მდე­გო ჩვე­ნე­ბა მი­ე­ცა. სა­ბო­ლო­ოდ, და­კა­ვე­ბუ­ლებს ად­მი­ნის­ტრა­ცი­უ­ლი სა­მარ­თალ­დარ­ღვე­ვის 173-ე მუხ­ლით შე­უდ­გი­ნეს და­კა­ვე­ბის ოქმი და ყვარ­ლის დრო­ე­ბი­თი მო­თავ­სე­ბის იზო­ლა­ტორ­ში გა­და­იყ­ვა­ნეს.

პრო­კუ­რა­ტუ­რა საქ­მეს 333-ე მუხ­ლით იძი­ებს, რაც სამ­სა­ხუ­რებ­რი­ვი უფ­ლე­ბა­მო­სი­ლე­ბის გა­და­მე­ტე­ბას გუ­ლის­ხმობს. ილაშ­ვი­ლის ად­ვო­კა­ტი არ­ჩილ ჩო­ფი­კაშ­ვი­ლი მი­იჩ­ნევს, რომ გა­მო­ძი­ე­ბა არა­ე­ფექ­ტუ­რად მიმ­დი­ნა­რე­ობს. იმ შემ­თხვე­ვა­ში, თუ გა­მო­ძი­ე­ბა დრო­უ­ლად და ეფექ­ტუ­რად არ წა­რი­მარ­თე­ბა, იგი ამ საქ­მის გა­სა­ჩივ­რე­ბას სტრას­ბურ­გში გეგ­მავს.

• ზვი­ად მთავ­რიშ­ვი­ლის საქ­მე

2019 წლის 22 მარტს გურ­ჯა­ან­ში, მთავ­რიშ­ვი­ლე­ბის ოჯახ­ში მომ­ხდა­რი შე­კა­მა­თე­ბის გამო 112-ში ზა­რის შეს­ვლის შემ­დეგ, პო­ლი­ცი­ის თა­ნამ­შრომ­ლე­ბი მი­თი­თე­ბულ მი­სა­მარ­თზე მი­ვიდ­ნენ.

პრო­კუ­რა­ტუ­რის ინ­ფორ­მა­ცი­ით, ზვი­ად მთავ­რიშ­ვი­ლი პო­ლი­ცი­ის გან­ყო­ფი­ლე­ბა­ში გა­მო­კი­თხვის მიზ­ნით გა­და­იყ­ვა­ნეს მას შემ­დეგ, რაც დას­თან - მა­რი­ნე მთავ­რიშ­ვილ­თან კონ­ფლიქ­ტის დროს მის­მა არას­რულ­წლო­ვან­მა დის­შვილ­მა 112-თან და­კავ­ში­რე­ბის შე­დე­გად სა­მარ­თალ­დამ­ცა­ვე­ბის დახ­მა­რე­ბა ითხო­ვა.

ზვი­ად მთავ­რიშ­ვი­ლის ოჯა­ხის ინ­ფორ­მა­ცი­ით, გურ­ჯა­ა­ნის სო­ფელ კაჭ­რეთ­ში, პო­ლი­ცი­ის შე­ნო­ბა­ში გა­დაყ­ვა­ნი­ლი მა­მა­კა­ცი სას­ტი­კად სცე­მეს. სახ­ლში დაბ­რუ­ნე­ბის შემ­დეგ მთავ­რიშ­ვი­ლი თა­ვის ტკი­ვილს უჩი­ო­და და ამ­ბობ­და, რომ პო­ლი­ცი­ე­ლებ­მა სცე­მეს. მისი მდგო­მა­რე­ო­ბა მე­ო­რე დღეს გა­უ­ა­რეს­და, ძლი­ე­რი თა­ვის ტკი­ვი­ლი და­ე­წყო და მეხ­სი­ე­რე­ბის პრობ­ლე­მე­ბი შე­ექ­მნა.

მთავ­რიშ­ვი­ლი პირ­ველ აპ­რილს გურ­ჯა­ა­ნის სა­ა­ვად­მყო­ფო­ში უგო­ნოდ გა­და­იყ­ვა­ნეს. დი­აგ­ნო­ზად და­უს­ვეს „ტრავ­მუ­ლი სუბ­დუ­რუ­ლი სის­ხლჩაქ­ცე­ვა“, კომა. იმა­ვე დღეს კი თბი­ლის­ში, ღუ­დუ­შა­უ­რის კლი­ნი­კა­ში გა­და­იყ­ვა­ნეს. პა­ცი­ენ­ტი 15 აპ­რილს გარ­და­იც­ვა­ლა.

ზვი­ად მთავ­რიშ­ვი­ლის მი­მართ პო­ლი­ცი­ელ­თა მხრი­დან შე­საძ­ლო ძა­ლა­დო­ბის ფაქ­ტზე, კა­ხე­თის სა­ოლ­ქო პრო­კუ­რა­ტუ­რის სა­გა­მო­ძი­ე­ბო ნა­წილ­ში გა­მო­ძი­ე­ბა და­ი­წყო 2019 წლის 1 აპ­რილს გურ­ჯა­ა­ნის რა­ი­ო­ნუ­ლი სამ­მარ­თვე­ლოს თა­ნამ­შრომ­ლე­ბის მიერ უფ­ლე­ბა­მო­სი­ლე­ბის გა­და­მე­ტე­ბის ფაქ­ტზე, ჩა­დე­ნი­ლი ძა­ლა­დო­ბით, და­ნა­შა­უ­ლი გათ­ვა­ლის­წი­ნე­ბუ­ლი სა­ქარ­თვე­ლოს სსკ-ის 333-ე მუხ­ლის მე-3 ნა­წი­ლის "ბ" ქვე­პუნ­ქტით.

გა­ვიხ­სე­ნოთ უახ­ლო­ეს წარ­სულ­ში მომ­ხდა­რი რამ­დე­ნი­მე სის­ხლის სა­მარ­თლის საქ­მე, რომ­ლებ­მაც უფ­ლე­ბა­დამ­ცვე­ლე­ბის კრი­ტი­კა გა­მო­იწ­ვია და ჩვენც, ჟურ­ნა­ლის­ტებ­საც ბევ­რი კი­თხვის ნი­შა­ნი გაგ­ვი­ჩი­ნა.

• სერ­გო მა­მა­სახ­ლი­სის საქ­მე

AMBEBI.GE-მ რამ­დე­ნი­მე თვის წინ მკი­თხველს ექ­სკლუ­ზი­უ­რად გა­აც­ნო მსჯავ­რდე­ბულ სერ­გო მა­მა­სახ­ლი­სის საქ­მე. პა­ტიმ­რის ინ­ტე­რე­სებს არა­სამ­თავ­რო­ბო ორ­გა­ნი­ზა­ცია „ადა­მი­ა­ნის უფ­ლე­ბა­თა ცენ­ტრი“ იცავს. ორ­გა­ნი­ზა­ცი­ა­ში მი­იჩ­ნე­ვენ, რომ მა­მა­სახ­ლი­სი პო­ლი­ცი­ის მხრი­დან სას­ტი­კი ცე­მი­სა და არა­ა­და­მი­ა­ნუ­რი მო­პყრო­ბის მსხვერ­პლი გახ­და. იგი 2017 წლის სექ­ტემ­ბერ­ში დე­ზერ­ტი­რე­ბის ბაზ­რის მიმ­დაბ­რე ტე­რი­ტო­რი­ი­დან აიყ­ვა­ნეს. სა­სა­მარ­თლომ ყა­ჩა­ღო­ბის ბრა­ლი წა­უ­ყე­ნა და ამ­ჟა­მად სას­ჯელს იხ­დის გლ­და­ნის მერ­ვე და­წე­სე­ბუ­ლე­ბა­ში.

მსჯავ­რდე­ბუ­ლი და­ნა­შა­ულს არ აღი­ა­რებს და ამ­ტკი­ცებს, რომ პო­ლი­ცი­ამ მის­გან აღი­ა­რე­ბით ჩვე­ნე­ბა გა­უ­საძ­ლი­სი ფი­ზი­კუ­რი და მო­რა­ლუ­რი ზე­წო­ლის შე­დე­გად მო­ი­პო­ვა. სერ­გო მა­მა­სახ­ლი­სი აცხა­დებს, რომ სა­მარ­თალ­დამ­ცვე­ლე­ბი შვი­ლის გა­უ­პა­ტი­უ­რე­ბით და­ე­მუქრნენ და თავ­ზე პო­ლი­ე­თი­ლე­ნის პარ­კი ჩა­მო­აც­ვეს. მა­მა­სახ­ლი­სის და­კა­ვე­ბის­თა­ნა­ვე საქ­მე­ში ჩა­ერ­თო სა­ხალ­ხო დამ­ცვე­ლის ოფი­სი, რო­მელ­მაც წი­ნას­წა­რი და­კა­ვე­ბის იზო­ლა­ტორ­ში მყო­ფი ბრალ­დე­ბუ­ლი მო­ი­ნა­ხუ­ლა და დო­კუ­მენ­ტში აღ­წე­რა მისი ფი­ზი­კუ­რი და­ზი­ა­ნე­ბე­ბი.

ორი წე­ლია რაც პრო­კუ­რა­ტუ­რა­ში შე­საძ­ლო წა­მე­ბა­სა და არა­ა­და­მი­ა­ნურ მო­პყრო­ბა­ში და­და­ნა­შა­უ­ლე­ბუ­ლი პო­ლი­ცი­ლე­ბის მი­მართ საქ­მის გა­მო­ძი­ე­ბა მიმ­დი­ნა­რე­ობს. ად­ვო­კა­ტი დი­მიტ­რი ნო­ზა­ძე გა­მოთ­ქვამს ეჭვს, რომ უწყე­ბა­ში საქ­მე ფორ­მა­ლუ­რა­დაა აღ­ძრუ­ლი და რე­ა­ლუ­რად სი­მარ­თლის და­სად­გე­ნად არა­ფე­რი კეთ­დე­ბა. მისი თქმით, იგი უშე­დე­გოდ ცდი­ლობს მი­ი­ღოს ინ­ფორ­მა­ცია სა­გა­მო­ძი­ე­ბო ორ­გა­ნოს­გან, თუ რა ეტაპ­ზეა აღ­ნიშ­ნუ­ლი საქ­მის ძი­ე­ბა.

ამ სტა­ტი­ის გა­მოქ­ვეყ­ნე­ბის დღეს­ვე (2019 წლის 22 თე­ბერ­ვალს) AMBEBI.GE-მ წე­რი­ლო­ბით მი­მარ­თა პრო­კუ­რა­ტუ­რას და მო­ი­თხო­ვა ინ­ფორ­მა­ცია, თუ რა ეტაპ­ზეა აღ­ნიშ­ნუ­ლი საქ­მის გა­მო­ძი­ე­ბის პრო­ცე­სი. თუმ­ცა უწყე­ბის­გან პა­სუ­ხი არ მიგ­ვი­ღია.

• დე­მურ სტუ­რუ­ას საქ­მე

კი­დევ ერთი გახ­მა­უ­რე­ბუ­ლი საქ­მე, რო­მელ­შიც ბრალ­დე­ბუ­ლი პო­ლი­ცი­ე­ლი სა­სა­მარ­თლომ გა­ა­მარ­თლა - 2017 წლის 9 ივ­ნისს ყო­ფი­ლი პო­ლი­ცი­ე­ლი გო­დერ­ძი თევ­ზა­ძე, რო­მელ­საც ბრა­ლი ედე­ბო­და სამ­სა­ხუ­რებ­რი­ვი უფ­ლე­ბა­მო­სი­ლე­ბის გა­და­მე­ტე­ბი­სა და გარ­დაც­ვლი­ლი დე­მურ სტუ­რუ­ას თვით­მკვლე­ლო­ბამ­დე მიყ­ვა­ნა­ში, ქუ­თა­ი­სის სა­ა­პე­ლა­ციო სა­სა­მარ­თლომ გა­ა­მარ­თლა.

22 წლის დე­მურ სტუ­რუა 2016 წლის 7 აგ­ვის­ტოს სამ­ტრე­დი­ის რა­ი­ონ­ში, სო­ფელ დაფ­ნარ­ში ჩა­მომ­ხრჩვა­ლი იპო­ვეს. მან თვით­მკვლე­ლო­ბამ­დე და­ტო­ვა წე­რი­ლი, რომ­ლის თა­ნახ­მა­დაც, თავი მო­იკ­ლა პო­ლი­ცი­ელ გო­დერ­ძი თევ­ზა­ძის ზე­წო­ლის გამო. სა­ქარ­თვე­ლოს მთა­ვარ­მა პრო­კუ­რა­ტუ­რამ დე­მურ სტუ­რუ­ას წე­რილ­ში მოხ­სე­ნი­ე­ბულ პო­ლი­ცი­ელს, სამ­ტრე­დი­ის რა­ი­ო­ნუ­ლი სამ­მარ­თვე­ლოს უბ­ნის ინ­სპექ­ტორ-გა­მომ­ძი­ე­ბელს, გო­დერ­ძი თევ­ზა­ძეს ბრა­ლი 2016 წლის 29 აგ­ვის­ტოს წა­უ­ყე­ნა თვით­მკვლე­ლო­ბამ­დე მიყ­ვა­ნის და სამ­სა­ხუ­რებ­რი­ვი უფ­ლე­ბა­მო­სი­ლე­ბის ძა­ლა­დო­ბით გა­და­მე­ტე­ბის მუხ­ლით. მას­ზე გა­მო­ცხა­დე­ბუ­ლი ძებ­ნის შემ­დეგ სა­მარ­თალ­დამ­ცავ უწყე­ბებს თევ­ზა­ძე თა­ვად ჩა­ბარ­და.

საქ­მე­ში არ­სე­ბუ­ლი ექ­სპერ­ტი­ზის დას­კვნით და­დას­ტურ­და თვით­მკვლე­ლო­ბის წინ დე­მურ სტუ­რუ­ას მიერ და­წე­რი­ლი წე­რი­ლის ნამ­დვი­ლო­ბაც და მისი წა­მე­ბის ფაქ­ტიც. სტუ­რუ­ას ოჯა­ხის ინ­ფორ­მა­ცი­ით, ექ­სპერ­ტი­ზის დას­კვნით, გარ­დაც­ვლილს მარ­ჯვე­ნა ფე­ხის წვივ­ზე აქვს და­ზი­ა­ნე­ბა, არის ნა­ცე­მი და წა­მე­ბის კვა­ლი აღე­ნიშ­ნე­ბო­და ენის მარ­ცხე­ნა მხა­რე­ზეც.

• ოდე­ნა ბა­რა­მი­ას საქ­მე

ოდე­ნა ბა­რა­მი­ას 2016 წლის აპ­რილ­ში სე­ნაკ­ში ავ­ტო­მო­ბი­ლი გა­უ­ფუჭ­და, რის გა­მოც ღამე გა­ა­თია მან­ქა­ნა­ში. მე­ო­რე დი­ლით ფე­ხით გა­აგ­რძე­ლა გზა, რის შემ­დე­გაც მას პო­ლი­ცი­ე­ლე­ბი შეხ­ვდნენ და ალ­კო­ტეს­ტის გავ­ლა მოს­თხო­ვეს. ად­ვო­კა­ტის, ეკა ცი­მა­კუ­რი­ძის თქმით, თავ­და­პირ­ვე­ლად ბა­რა­მი­ამ უარი გა­ნა­ცხა­და ალ­კო­ტეს­ტის გავ­ლა­ზე, რად­გა­ნაც იგი მან­ქა­ნას არ მარ­თავ­და, თუმ­ცა შემ­დეგ მა­ინც გა­ი­ა­რა და სიმ­თვრა­ლე არ და­უდ­გინ­და. ცი­მა­კუ­რი­ძის თქმით, ბა­რა­მი­ას თავ­და­პირ­ველ­მა უარ­მა გა­მო­იწ­ვია პო­ლი­ცი­ე­ლე­ბის გა­ღი­ზი­ა­ნე­ბა, რის შემ­დეგ ის ჯერ პო­ლი­ცი­ის მან­ქა­ნა­ში სცე­მეს, შემ­დეგ პო­ლი­ცი­ის გან­ყო­ფი­ლე­ბა­ში.

პრო­კუ­რა­ტუ­რამ გა­მო­ძი­ე­ბა და­ი­წყო სის­ხლის სა­მარ­თლის კო­დექ­სის 333–ე მუხ­ლის მი­ხედ­ვით, რაც სამ­სა­ხუ­რებ­რი­ვი უფ­ლე­ბა­მო­სი­ლე­ბის გა­და­მე­ტე­ბას ნიშ­ნავს, თუმ­ცა მოგ­ვი­ა­ნე­ბით საქ­მე გა­და­აკ­ვა­ლი­ფი­ცი­რა და გა­მო­ძი­ე­ბა 373–ე მუხ­ლის მი­ხედ­ვით და­ი­წყო, რაც ცრუ დას­მე­ნას გუ­ლის­ხმობს.

ბა­რა­მი­ას ინ­ტე­რე­სებს იცავს არა­სამ­თავ­რო­ბო ორ­გა­ნი­ზა­ცია „ახალ­გაზ­რდა იუ­რის­ტთა ასო­ცი­ა­ცია“. ორ­გა­ნი­ზა­ცი­ა­ში მი­იჩ­ნე­ვენ, რომ სა­გა­მო­ძი­ე­ბო უწყე­ბებ­მა საქ­მე არა­სა­თა­ნა­დოდ გა­მო­ი­ძი­ეს.

"აღ­სა­ნიშ­ნა­ვია, რომ პო­ლი­ცი­ელ­თა მხრი­დან უფ­ლე­ბა­მო­სი­ლე­ბის გა­და­მე­ტე­ბის ფაქ­ტზე გა­მო­ძი­ე­ბა შე­წყდა ისე, რომ არ ჩა­ტა­რე­ბუ­ლა საქ­მის ყვე­ლა გა­რე­მო­ე­ბის სრულ­ყო­ფი­ლი შეს­წავ­ლა და ყვე­ლა რე­ლე­ვან­ტუ­რი ფაქ­ტის გა­და­მოწ­მე­ბა. მა­გა­ლი­თად, არ არის და­კი­თხუ­ლი დამ­ლა­გე­ბე­ლი, რო­მელ­მაც, ბრალ­დე­ბუ­ლის გან­მარ­ტე­ბით, ცე­მის შემ­დეგ სის­ხლის კვა­ლი გაწ­მინ­და; არ არის ამო­ღე­ბუ­ლი და შე­მოწ­მე­ბუ­ლი ბრალ­დე­ბუ­ლის ქურ­თუ­კი, რო­მელ­ზეც ბრალ­დე­ბუ­ლის მი­თი­თე­ბით, აღი­ნიშ­ნე­ბო­და სის­ხლის კვა­ლი“ - გან­მარ­ტა­ვენ არა­სამ­თავ­რო­ბო ორ­გა­ნი­ზა­ცი­ა­ში.

საია მი­იჩ­ნევს, რომ ზუგ­დი­დის რა­ი­ო­ნულ­მა სა­სა­მარ­თლომ უსა­მარ­თლო გა­ნა­ჩე­ნი გა­მო­ი­ტა­ნა. მათი გან­ცხა­დე­ბით, ამ­გვა­რი პრაქ­ტი­კის დამ­კვიდ­რე­ბა სა­გან­გა­შო შე­დე­გებს გა­მო­ი­ღებს:

"სე­რი­ო­ზულ პრობ­ლე­მას წარ­მო­ად­გენს, იმ პი­რის სის­ხლის სა­მარ­თლებ­რივ პა­სუ­ხის­გე­ბა­ში მი­ცე­მა ცრუ ბრალ­დე­ბის გამო, რო­მე­ლიც აცხა­დებს, რომ სცე­მეს სა­მარ­თალ­დამ­ცა­ვი უწყე­ბის წარ­მო­მად­გენ­ლებ­მა. მა­ში­ნაც კი, როცა საქ­მის გა­მო­ძი­ე­ბის ეტაპ­ზე ან სა­სა­მარ­თლო­ში გან­ხილ­ვის შე­დე­გად უტყუ­ა­რად ვერ დას­ტურ­დე­ბა პო­ლი­ცი­ელ­თა მხრი­დან ცე­მის ფაქ­ტი, აღ­ნიშ­ნუ­ლი არ წარ­მო­ად­გენს საკ­მა­რის სა­ფუძ­ველს იმის­თვის, რომ პირი, რო­მე­ლიც ჩი­ვის ცე­მის გამო, მი­ე­ცეს სის­ხლის სა­მარ­თლის პა­სუ­ხის­გე­ბა­ში ცრუ დას­მე­ნის ბრალ­დე­ბით.

მნიშ­ვნე­ლო­ვა­ნია, რომ ამ­გვა­რი პრაქ­ტი­კა უარ­ყო­ფით ზე­გავ­ლე­ნას ახ­დენს იმ მო­ქა­ლა­ქე­ებ­ზე, რო­მელ­თა მი­მართ შე­საძ­ლოა ად­გი­ლი ჰქონ­დეს პო­ლი­ცი­ის მიერ უფ­ლე­ბა­მო­სი­ლე­ბის გა­და­მე­ტე­ბას, რათა ვერ გა­ბე­დონ აღ­ნიშ­ნუ­ლის გა­ცხა­დე­ბა, იმ ში­შით, რომ საკ­მა­რი­სი მტკი­ცე­ბუ­ლე­ბე­ბის არარ­სე­ბო­ბის ან არა­ე­ფექ­ტუ­რი გა­მო­ძი­ე­ბის გამო, შე­საძ­ლოა მათ წი­ნა­აღ­მდე­გაც და­ი­წყოს სის­ხლის სა­მარ­თლის საქ­მის გა­მო­ძი­ე­ბა ცრუ დას­მე­ნის ბრალ­დე­ბით", - გან­მარ­ტა­ვენ ახალ­გაზ­რდა იუ­რის­ტე­ბი.