როგორ ეხმაურებიან ლევან ჯიბღაშვილის გათავისუფლებას Facebook-ში

მსახიობმა და ბიზნესმენმა ლევან ჯიბღაშვილმა 10 000-ლარიანი გირაოს გადახდის შემდეგ წუხელ გლდანის წინასწარი დაკავების იზოლატორი დატოვა.

მას ბრალი ედება სისხლის სამართლის კოდექსის 260 მუხლის პირველი და მესამე ა ქვეპუნქტებით, რაც 5-დან 8 წლამდე თავისუფლების აღკვეთას გულისხმობს. პროკურატურა ჯიბღაშვილისთვის 15 000-ლარიანი გირაოს შეფარდებას ითხოვდა. თუმცა თბილისის საქალაქო სასამართლომ მას აღკვეთი ღონისძიების სახით 10 000-ლარიანი გირაო განუსაზღვრა.

• "დიდი მადლობა უფალს ამ განსაცდელისთვის" - რა განაცხადა ლევან ჯიბღაშვილმა პროცესზე
• ლევან ჯიბღაშვილის დაკავების დეტალები: "პატრულმა გააჩერა და ამის შემდეგ ამოიღეს მისი ავტომობილიდან ნივთიერება"
• ლევან ჯიბღაშვილი - ნახევარ საქართველოსთან მაქვს გადაღებული ფოტო, მაგრამ არასოდეს მისარგებლია პირადი კონტაქტებით

ჯიბღაშვილის გათავისუფლებას სოციალურ ქსელებში აქტიური გამოხმაურება მოჰყვა:

ზურა ვარდიაშვილი, ჟურნალისტი:

"პროკურატურა თავგამოდებული მალავს, თუ რა ტიპის და ოდენობის ნარკოტიკით დააკავა პოლიციამ ლევან ჯიბღაშვილი, რომელიც თურმე მსახიობი ყოფილა, ასევე ბიზნესმენი და შსს-ს მაღალჩინოსნების მეგობარი.

იმიტომ მალავს, რომ ანალოგიურ შემთხვევებზე წლობით ციხეში გამომწყვდეული ადამიანების მაგალითები არ ამოვაპრინტეროთ და თავზე არ გადავახიოთ.

მაინც ამოვბეჭდავთ".

დაჩი გრძელიშვილი, ჟურნალისტი:

"ამ უფალს მაინც გაეშვით, თავისი საფიქრალი ეყოფა, ნარკობარიგობაზეც რო არ შეეტენოთ ეხლა"

ლევან ჯიბღაშვილის გათავისუფლებასთან დაკავშირებით სოციალურ ქსელებში ფოტოშარჟებიც ვრცელდება: