პანკისში ვითარება უკიდურესად დაიძაბა - ადგილობრივები პოლიციას ქვებს ესვრიან, სამართალდამცველები რეზინის ტყვიებს და ცრემლსადენ გაზს იყენებენ
პანკისის ხეობის სოფელ ბირკიანთან მდგომარეობა უკიდურესად დაძაბულია, პოლიცია რეზინის ტყვიებს და ცრემლსადენ გაზს აქტიურად იყენებს. ადგილობრივები პოლიციელბს ქვებს ესვრიან. ცრემლსადენი გაზის გამოყენების გამო რამდენიმე ადამიანი შეუძლოდ გახდა. არსებული ინფორმაციით, დაშავდნენ როგორც ადგილობრივები, ისე პოლიციის თანამშრომლები. დაზიანებები მიიღეს ჟურნალისტებმაც.
დაზიანდა პოლიციის რამდენიმე ავტომობილი, ასევე მოქალაქეების კუთვნილი მანქანები. ადგილზე სასწრაფო დახმარების ჯგუფია მობილიზებული.
ცნობისთვის, სოფელ ბირკიანში მდგომარეობა დღეს დილით დაიძაბა. ჰესის მშენებლობის დაწყებას ადგილობრივებსა და პოლიციას შორის დაპირისპირება მოჰყვა. დაშავებულია რამდენიმე ადამიანი.
არსებული ინფორმაციით, დუისის შესასვლელში პოლიციის წყლის ჭავლის მანქანები და სპეცრაზმია მობილიზებული. სოფელი ბირკიანი, სადაც ადგილობრივები ჰესის მშენებლობას აპროტესტებენ, დუისიდან დაახლოებით რვა კილომეტრში მდებარეობს.
"ბავშვის დედა კართან მუხლებზე მდგომი დამხვდა, სიტყვებს თავს ვერ უყრიდა" - სცენიდან ომში და ომიდან სამაშველო სამსახურში წასული ბიჭის ამბავი
"ბავშვის ოპერაცია 300 000 ევრო ჯდება და სანამ თანხას არ გადავურიცხავთ, არაფერს უკეთებენ" - პატარა ანიტას დახმარება სჭირდება
