მნიშვნელოვანი ინფორმაცია
9
ივნისიდღის ზოგადი ასტროლოგიური პროგნოზი
ორშაბათი, მთვარის მეთოთხმეტე დღე დაიწყება 21:02-ზე, მთვარე მშვილდოსანში იქნება 18:53-დან, უკურსო მთვარის პერიოდი იქნება 16:06-დან 18:55-მდე – მიიღეთ აქტიური და გადამწყვეტი მოქმედება. დაიწყე მნიშვნელოვანი და სერიოზული საქმეები. მომავალ წარმატებაში ეჭვი არ შეგეპაროთ. ფრთხილად და კარგად დაფიქრდი თქვენს ნაბიჯებზე. კომუნიკაცია სხვადასხვა ადამიანებთან. გააძლიერეთ ოჯახური კავშირები და დაამყარეთ ურთიერთობა საყვარელ ადამიანებთან, განსაკუთრებით უფროს თაობასთან. თუ შესაძლებელია, გადადეთ ყველაფერი, დაისვენეთ და ისიამოვნეთ ცხოვრებით. ფიზიკური აქტივობა სასარგებლოა. გაუფრთხილდით მხედველობას.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
რას ამბობს სკოლის დირექტორი მე-7 კლასის მოსწავლეზე, რომელმაც თავი მოიკლა - "არც შიმშილი იყო მიზეზი და არც ბულინგი..."
16:51 / 20-04-2019
მარტვილის მეორე საჯარო სკოლის გარდაცვლილი მოსწავლის შესახებ Palitravideo.ge-სთან საუბარში, სკოლის დირექტორი მამუკა თვალაძე გამორიცხავს, რომ არასრულწლოვანის სუიციდის მიზეზი ბულინგი ან ოჯახის სოციალური მდგომარეობა გახდა. მისი თქმით, თვითმკვლელობის მიზეზი გაურკვეველია და მიუხედავად იმისა, რომ ოჯახი სოციალურად დაუცველია, ის გამორიცხავს რომ მოზარდი შიმშილობდა.
ტრაგიკული შემთხვევა მარტვილში 17 აპრილს მოხდა. არსებული ინფორმაციით, მეშვიდე კლასის მოსწავლე საკუთარმა მცირეწლოვანმა ძმამ იპოვა გარდაცვლილი. დაღუპულ ბიჭს დედა არ ჰყავდა და მას ძმასთან ერთად, მამა ზრდიდა.
"რუსთავი 2"-მა შემთხვევასთან დაკავშირებით სიუჟეტი მოამზადა, რომელშიც საუბარი იყო, რომ ბიჭმა შიმშილის გამო მოიკლა თავი, თუმცა მოზარდის სკოლის დირექტორი ამას კატეგორიულად უარყოფს:
"ბავშვი ძალიან კომუნიკაბელური და მეგობრული იყო, ძალიან კარგად და კომფორტულად გრძნობდა თავს სკოლაში მეგობრებთან და მასწავლებლებთან. ვინ რა ყურს გამოაბამს ამბავს არ ვიცი, მაგრამ ერთი რამ ვიცი - არც შიმშილი იყო ბავშვის ამ გადაწყვეტილებამდე მისვლის მიზეზი და არც ბულინგი. ბულინგი აბსოლუტურად გამორიცხულია. ნებისმიერს შეგიძლიათ ჰკითხოთ, მანდატურის სამსახურია სკოლაში, დაიკითხნენ სკოლის მოსწავლეებიც, რადგან სისხლის სამართლის საქმეა აღძრული თვითმკვლელობამდე მიყვანის მუხლით" - განაცხადა თვალაძემ.
რას შეეხება კითხვას იმის თაობაზე, რომ მეშვიდე კლასის მოსწავლეს სკოლის ბუფეტში ვალები ჰქონდა და ხომ არ შეიძლება ეს ყოფილიყო სუიციდის მიზეზი, დირექტორი პასუხობს:
"ეს არის სოციალურად დაუცველი ოჯახი... მამას გაფრთხილებული ჰყავდა ოპერატორი კომპანია, რომელიც ემსახურება სკოლის ბუფეტს, რომ თვის განმავლობაში შეუზღუდავი რაოდენობით მიეცათ საკვები ბავშვისთვის, თვის ბოლოს მოდიოდა მამა და იხდიდა თანხას" - განუცხადა მამუკა თვალაძემ Palitravideo.ge-ს.
მარტვილში მომხდარ შემთხვევაზე შსს-მ გამოძიება 115-ე მუხლით დაიწყო, რაც თვითმკვლელობამდე მიყვანას გულისხმობს.
00:00 / 00:00
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები კიევიდან - რუსებმა ქალაქს დრონებით და რაკეტებით დაარტყეს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
