მნიშვნელოვანი ინფორმაცია
2
ივნისიდღის ზოგადი ასტროლოგიური პროგნოზი
ორშაბათი, მთვარის მეშვიდე დღე დაიწყება 11:53-ზე, მთვარე ქალწულს ესტუმრება 07:02-ზე – კარგია მოლაპარაკებების წარმოება. ახალი კავშირების დამყარება. სარეკლამო კამპანიების, კონფერენციების და მსგავსი ღონისძიებების ჩატარება. გამოიყენეთ სიტყვები პარტნიორების, ინვესტორების და სპონსორების დასარწმუნებლად. ბიზნესმენებმა ხელი უნდა შეუწყონ და დააფინანსონ შემოქმედებითი ადამიანები. ბევრმა მუშაობამ შეიძლება გამოიწვიოს გადაღლილობა. უმჯობესია თავი შეიკავოთ დიდი რაოდენობით ქონის, ლორის, ქაშაყის, დამუშავებული ყველის და მსგავსი პროდუქტების მიღებაზე.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ერთხელ არ მოსულან მოსასამძიმრებლად..." - რა ეტაპზეა გუდაურში გარდაცვლილი 12 წლის გოგონას საქმე
14:47 / 19-04-2019
2016 წელს გუდაურში, ტრაგიკულად გარდაცვლილი 12 წლის სალომე ტატიშვილის საქმეზე უზენაესმა სასამართლომ საბოლოო გადაწყვეტილება გამოიტანა - 22 წლის გიორგი ლიპარტელიანს სხვისი სიცოცხლის გაუფრთხილებლობით მოსპობის ბრალდებით, 2 წლით თავისუფლების აღკვეთა მიესაჯა. ლიპარტელიანს სასჯელი დაუსწრებლად შეეფარდა, ვინაიდან იგი წლებია საზღვარგარეთ იმყოფება.
საბოლოო ინსტანციის სასამართლომ დაადგინა, რომ 12 წლის სალომე ტატიშვილი 2016 წლის იანვარში გუდაურში სრიალისას, თხილამურებზე მდგარი გიორგი ლიპარტელიანის დაჯახების შედეგად გარდაიცვალა.
ლიპარტელიანი ამ საქმეზე თბილისის საქალაქო სასამართლომ თითქმის 2-წლიანი განხილვის შემდეგ, 2017 წლის 29 დეკემბერს, უდანაშაულოდ ცნო. მოსამართლე ბესიკ ბუგიანიშვილის მიერ გამოტანილი გამამართლებელი გადაწყვეტილება გარდაცვლილის ოჯახის წევრებმა სააპელაციო სასამართლოში გაასაჩივრეს.
მეორე ინსტანციაში მოსამართლეთა კოლეგიამ მურმან ისაევის ხელმძღვანელობით, ტატიშვილის გარდაცვალების საქმეზე საქალაქო სასამართლოს გამამართლებელი განაჩენი შეცვალა და ლიპარტელიანი სსკ-ის 116-ე მუხლის 1 ნაწილით (სიცოცხლის მოსპობა გაუფრთხილებლობით) წარდგენილ ბრალდებაში დამნაშავედ ცნო. მას 3 წლით თავისუფლების აღკვეთა მიესაჯა.
გადაწყვეტილება თავის მხრივ უზენაეს სასამართლოში გაასაჩივრეს ლიპარტელიანის ოჯახის წევრებმა. უზენესმა სასამართლომ ბრალდებულს სასჯელზე ერთი წელი დაუკლო და 2 წლით თავისუფლების აღკვეთა შეუფარდა. ბრალდებულის ოჯახი ამ გადაწყვეტილებასაც უსამართლოდ მიიჩნევს და სამართლებრივი დავის გაგრძელებას სტარსბურგის სასამართლოში გეგმავს.
გარდაცვლილი გოგონას დედა, ნინო ჟვანია უზენაესი სასამართლოს მიერ გამოტანილ განაჩენს პრეცედენტულ გადაწყვეტილებად მიიჩნევს.
"საბოლოო ინსტანციის ეს პრეცედენტული გადაწყვეტილება ნიშნავს იმას, რომ ჩვენ ქვეყანაში თხილამურებით სრიალისას სხვისი დაზიანება, სხვისი ჯანმრთელობის და სიცოცხლის საფრთხეში ჩაგდება სისხლის სამართლის დანაშაულია! მჯერა, რომ ჩვენი ბრძოლა სიმართლისთვის ხელს შეუწყობს სხვების სიცოცხლის დაცვას. ყველას მინდა ვთხოვო, ნუ დავარქმევთ უბედურ შემთხვევას იმას, რაც ადამიანის უპასუხისმგებლო საქციელით არის გამოწვეული და რისი თავიდან აცილებაც შეიძლება. ეს ძალიან მნიშვნელოვანია!" - ამბობს ნინო ჟვანია.
როგორც გარდაცვლილის დედამ AMBEBI.GE-ს განუცხადა, ოჯახი მოითხოვს პროკურატურასთან შეხვედრას, რათა დააზუსტოს, რა ეტაპზეა გიორგი ლიპარტელიანის ძებნისა და მისი საქართველოში ჩამოყვანის პროცესი:
"ჩვენ ვითხოვთ პროკურატურასთან შეხვედრას, რათა გავარკვიოთ, რა ღონისძიებები ტარდება ამ ადამიანის საქართველოში ჩამოყვანასთან დაკავშირებით, რა სტადიაშია ძებნა. წერილიც გავუგზავნე პროკურატურას. ყველამ იცის, რომ ეს ადამიანი ცხოვრობს პრაღაში და სწავლობს იქ. რა მოძებნა უნდა? რაც შეეხება ლიპარტელიანის ოჯახის გადაწყვეტილებას, სტრასბურგში საქმის გასაჩივრებასთან დაკავშირებით, ეს გარდა იმისა, რომ სამარცხვინოა, არის არაპროფესიონალური ნათქვამიც.
მე გავიარე კონსულტაციები იურისტებთან და როგორც ცნობილია, სტრასბურგში საქმე მიდის იმ შემთხვევაში, თუ მხარე არ არის გამოძიებით კმაყოფილი. ლიპარტელიანის ოჯახი მთელი სამი წლის განმავლობაში გამოძიებით კმაყოფილი იყო და ახლა რას ასაჩივრებენ? მით უმეტეს ეს გადაწყვეტილება არის თანხვედრაში ევროპულ კანონმდებლობასთან და არის პრეცედენტული საქმე საქართველოში. სანამ გაასაჩივრებენ, ეს ადამიანი ბრალდებული აღარ არის მსჯავრდებულია და არ აპირებენ ჩამოიყვანონ საქართველოში?
დანაშაული 2-4 წლამდე ივალისწინებს თავისუფლების აღკვეთას და მიუსაჯეს მინიმალური, ორი წელი, მაგრამ ჩემთვის პრინციპული არ იყო ორს მიუსჯიდნენ თუ ათს. მაგრამ გაამართლო სალომეს მკვლელი და მითხრა, რომ სალომეს ბრალია მისი სიკვდილი, ესაა ჩემთვის პრინციპული! რაზე საუბრობენ საერთოდ, ერთხელ არ მოსულან მოსასამძიმებლად ოჯახის არც ერთი წევრი და დამცინავი დამოკიდებულება ჰქონდათ" - განაცხადა ნინო ჟვანიამ.
რაც შეეხება ლიპარტელიანის ოჯახისა და ადვოკატების პოზიციას, ისინი აღნიშნულ გადაწყვეტილებას უსამართლოდ მიიჩნევენ და სამართლებრივი დავის გაგრძელებას სტრასბურგში აპირებენ. AMBEBI.GE დაუკავაშრდა მანანა ლიპარტელიანს, ბრალდებულის მამიდას და ადვოკატს:
"ჩვენ გამართლებას ვითხოვდით, რატომ გამოიტანა ეს გადაწყვეტილება მოსამართლე შავლიაშვილმა და ვის გაუკეთა ეს მესიჯი - სხვა გზა არ მაქვსო, არ ვიცი. ჩვენ უკვე მზად გვაქვს სარჩელი და მაისის შუა რიცხვებში გავგზავნით სტრასბურგში. უსამართლო გადაწყვეტილებაა, ცხადია. არსებობს ოთხი ექსპერტიზის დასკვნა, რომელიც ადასტურებს, რომ არანაირი შემხებლობა არ ჰქონია გიორგის გარდაცვლილთან. არ დაჯახებია. პირველმა ინსტანციამ გაამართლა და ამათმა შეკვეთით გაგვიკეთეს ეს. არასამთავრობო სექტორის ზემოქმედებით და მედიაკამპანიით მიაღწიეს ამას!" - აცხადებს მაია ლიპარტელიანი.
აღსანიშნავია რომ, 2017 წლის დეკემბერში მოსამართლე ბესიკ ბუგიანიშვილმა ლიპარტელიანის გამამართლებელი გადაწყვეტილება შემდეგი არგუმენტებით ახსნა: "თხილამურებით სრიალი ექსტრემალური სპორტია, რაც, თავისი შინაარსით, სახიფათოა და ტრავმებს თავისთავად გულისხმობს. სასამართლო დადგენილად ვერ მიიჩნევს გიორგი ლიპარტელიანის მიერ სიცოცხლის მოსპობას გაუფრთხილებლობით, რადგან მოწმეთა ჩვენებებით ცალსახად და ერთმნიშვნელოვნად არ დგინდება არც გიორგი ლიპარტელიანისა და არც სალომე ტატიშვილის სრიალის მანერა და ტრაექტორია შეჯახებამდე".
მოსამართლემ ასევე არ გაიზიარა პროკურატურის არგუმენტი, რომ გიორგი ლიპარტელიანი ნასვამი იყო. მოსამართლის განმარტებით, წინა დღეს დალეული 3-4 ჭიქა ღვინო და შემთხვევის დღეს, დილის ათ საათზე, მიღებული 100 გრამი კონიაკი, არ იძლეოდა იმის მტკიცების საშუალებას, რომ ლიპარტელიანი თრობის გამო თავს ვერ გააკონტროლებდა.
საქალაქო სასამართლოს 2017 წლის გადაწყვეტილებამ არასამთავრობო სექტორის მწვავე კრიტიკა გამოიწვია. რამდენიმე არასამთავრობო ორგანიზაციამ 2017 წელს ერთობლივი განცხადებაც გაავრცელა, რომლის მიხედვით, განაჩენიდან იკვეთებოდა, რომ მოსამართლემ მხედველობაში არ მიიღო არაერთი მოწმის ჩვენება. საქმეზე დაკითხული არაერთი მოწმე მიუთითებდა, რომ ბრალდებული მოძრაობდა ძალიან სწრაფად, სიჩქარის კონტროლის გარეშე, რაც მოსამართლემ არ გაიზიარა.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რუსეთ-უკრაინის პირდაპირი სამშვიდობო მოლაპარაკებების მეორე რაუნდი დღეს, კვლავ სტამბოლში შედგება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
