"ლიბერთი ბანკის" დაყაჩაღების შედეგად დაშავებული ორი პირი საავადმყოფოში გადაიყვანეს

ვარკეთილში „ლიბერთი ბანკის“ ფილიალის დაყაჩაღების შედეგად, ორი ადამიანი დაშავდა. ამის შესახებ „ინტერპრესნიუსს“ სასწრაფო სამედიცინო დახმარების პრესსამსახურმა განუცხადა.

მათივე ინფორმაციით, დაშავებულები „ამტელ ჰოსპიტალში“ არიან გადაყვანილი.

როგორია მათი ჯანმრთელობის მდგომარეობა, კლინიკაში ჯერჯერობით არ საუბრობენ.