მნიშვნელოვანი ინფორმაცია
30
მაისიდღის ზოგადი ასტროლოგიური პროგნოზი
30 მაისი, პარასკევი, მთვარის მეოთხე დღე დაიწყება 07:23-ზე, მთვარე ლომში გადაბრძანდება 23:58-ზე – ნუ აჰყვებით პროვოკაციებს, მოერიდეთ კამათსა და კონფლიქტს. კარგია ახალი ინფორმაციის შეგროვება და დამუშავება. წარმოების გაზრდა. არ არის შესაფერისი დღე მოგზაურობის დასაწყებად ან მივლინებაში წასასვლელად. დღის ენერგიამ შეიძლება გამოიწვიოს გაურკვევლობა, ადამიანებში იმატებს კომპრომისზე წასვლის უუნარობა. ასევე, არ არის მიზანშეწონილი რომანტიკული პაემანი. კარგია ოთახების მოლამაზება. ინტერიერის განახლება. აგრეთვე სადილის მომზადება და ცხობა. საუკეთესოა თმის შეჭრა და შეღებვა. გაიკეთეთ თმისა და სახის ნიღაბი. მოუფრთხილდით გულს, სისხლის მიმოქცევის სისტემას, არტერიებს, ზურგს, დიაფრაგმას.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ორი სასახლის პრეზიდენტი - რატომ შევიდა სალომე ზურაბიშვილი დაწუნებულ რეზიდენციაში
10:37 / 19-04-2019
ორმაგი ხარჯი და ორი სასახლე ერთი უფლებაშეზღუდული პრეზიდენტისთვის - საქართველოს მეხუთე პრეზიდენტი სალომე ზურაბიშვილი უკვე 1 თვეა პრაქტიკულად, ორ სასახლეში მოღვაწეობას. ზურაბიშვილმა ავლაბრის რეზიდენციაში, რომელიც იმის გამო დაიწუნა, რომ "იქაური აურა არ უხდება", უკვე ორი ოფიციალური მიღება გამართა, რაც ნიშნავს, რომ საქართველოს ბიუჯეტს ათონელისა და ავლაბრის რეზიდენციების შენახვა ერთდროულად მოუწევს.
ორმაგი ხარჯის შედეგი უკვე გამოჩნდა - „ინტერპრესნიუსმა“ სახელმწიფო დაცვის სპეციალური სამსახურიდან გამოითხოვა საჯარო ინფორმაცია, თუ რამდენი დაიხარჯა რეზიდენციების შენახვაზე 2018 წლის დეკემბრიდან 2019 წლის მარტის ჩათვლით. როგორც აღმოჩნდა, ბოლო 4 თვეში, ავლაბრის სასახლესა და ათონელზე მდებარე რეზიდენციაზე ჯამურად, 3 478 795 ლარი დაიხარჯა.
ყველაზე დიდი ხარჯი ამ პერიოდში ათონელის რეზიდენციაზე 2018 წლის დეკემბერში გაიწია და მან 2 673 940 ლარი შეადგინა. ამ თანხის უმეტესობა შენობა-ნაგებობის სარეკონსტრუქციო-სარემონტო სამუშაოებს მოხმარდა. საერთო ჯამში კი, 4 თვეში ათონელის რეზიდენციაზე 2 733 720 ლარი დაიხარჯა.
დოკუმენტის თანახმად, ათონელზე მდებარე ორბელიანის სასახლის კომუნალურმა ხარჯმა 34 642 ლარი შეადგინა. გარდა ამისა, შენობა-ნაგებობის ტექნიკურ მომსახურებაზე ყოველთვიურად 10 000 ლარი იხარჯება.
რაც შეეხება ავლაბრის რეზიდენციას, რომელსაც აპრილიდან სახელმწიფო ცერემონიების სასახლე დაერქვა, 4 თვეში მასზე გაწეულმა ხარჯმა 263 616 ლარი შეადგინა. თანხის ძირითადი ნაწილი, შენობის კომუნალურ ხარჯებს მოხმარდა. უფრო კონკრეტულად - ავლაბრის რეზიდენციაში 4 თვეში მოხმარებული ელექტროენერგიის ხარჯმა 154 795 ლარი, ბუნებრივი აირის მოხმარების ხარჯმა 80 804 ლარი, წყლის მოხმარების ხარჯმა კი 25 801 ლარი შეადგინა. შენობა-ნაგებობებისა და მიმდებარე ტერიტორიების მოვლა/დასუფთავებასა და სამეურნეო საქონელზე კი, 2 216 ლარი დაიხარჯა.
ორივე შენობაში სხვადასხვა სახის ტექნიკურ სამუშაოებს სდსს-ს ერთ-ერთი სსიპ აწარმოებს და აღნიშნულ სამსახურში გაცემული შრომის ანაზღაურების ოდენობამ 4 თვეში 113 250 ლარი შეადგინა. ხოლო, ავლაბრის და ათონელის რეზიდენციების დაცვაზე განაწილებული შემადგენლობის ანაზღაურებამ და დანამატმა 360 000 ლარი.
რაც შეეხება ოფიციალურ ღონისძიებებს, რომელთაც მოქმედი პრეზიდენტი წინამორბედი პრეზიდენტების სასახლეში მართავს - 17 აპრილს სალომე ზურაბიშვილმა ავლაბრის სასახლეში კვიპროსის რესპუბლიკის პრეზიდენტს ნიკოს ანასტასიადისის უმასპინძლა.
ცერემონია ყველა შესაბამისი წესის მიხედვით წარიმართა - ქვეყნების სახელმწიფო ჰიმნების გაჟღერების შემდეგ, პრეზიდენტებმა საქართველოს სახელმწიფო დროშას მიაგეს პატივი, ერთმანეთს სახელმწიფო დელეგაციები წარუდგინეს და ხელშეკრულებების საზეიმოდ გაფორმებამდე, გაფართოებული სხდომაც გამართეს.
მანამდე კი როგორც ცნობილია, სალომე ზურაბიშვილმა ავლაბრის რეზიდენციაში 9 აპრილთან დაკავშირებითაც გამართა მიღება.
უფლებაშეზღუდული პრეზიდენტისთვის ორი სასახლის არსებობას უარყოფით ფაქტად მიიჩნევენ არასამთავრობო ორგანიზაციები. "ინფორმაციის თავისუფლების განვითარების ინსტიტუტის" (IDFI) სოციალურ-ეკონომიკური მიმართულების ხელმძღვანელი გოგა თუშურაშვილის თქმით, ორშენობიანი ადმინისტრაცია, მთავრობის და პრეზიდენტის შეუთანხმებლობამ გამოიწვია:
"ერთი მაღალჩინინოსთვის, რომ ხდება დამატებით მეორე შენობის აშენება, ეს უკვე ტენდენციაა, რაც შეიძლება ძალიან უარყოფითად შეფასდეს. რაც შეეხება უშუალოდ პრეზიდენტის ახალ სასახლეს, ეს მშენებლობა თავიდანვე კითხვის ნიშნის ქვეშ იყო. მთავრობისა და პრეზიდენტის შეუთანხმებლობის შედეგად მივიღეთ სასახლე, რომელიც აშენდა და მერე არც იცოდნენ, რაში უნდა გამოეყენებინათ.
ათონელის სასახლე დაახლოებით სამი წელი იყო გამოუყენებელი. ექსპლუატაციაშიც არ იყო შესული. ეს კი საქართველოს ეკონომიკის მდგომარეობის ფონზე, არარაციონალურად გამოყენებული რესურსებია.
ასე მოხდა პარლამენტის შემთხვევაშიც, როდესაც ასობით მილიონი ლარი დაიხარჯა, შემდეგ უკვე პოლიტიკური ნიშნით მოხდა გადაწყვეტილების მიღება და არ მოხდა რაციონალური განკარგვა.
თავის დროზე IDFI მოითხოვდა ინფორმაციას, რა დაჯდა მშენებლობა და რა ჯდებოდა ავლაბრის სასახლის შენახვა. გვეუბნებოდნენ, რომ საიდუმლო ინფორმაცია არისო და არ გვაწვდიდნენ. გვინდოდა საზოგადოებას დაენახა, რა უჯდება ბიუჯეტს ახალი პრეზიდენტის სასახლის მშენებლობა და რატომ გახდა საჭირო ახლის აშენება, ეს იყო ეკონომიის თვალსაზრისით, ან ღირდა თუ არა მისი გაკეთება.
სამწუხაროდ, ეს ინფორმაცია არ საჯაროდვებოდა, ამიტომ დასკვნების გამოტანა ამ მხრივ იყო ძალიან ძნელი“, - უთხრა AMBEBI.GE-ს გოგა თუშურაშვილმა.
ცნობისთვის, სახელმწიფო სტრუქტურებიდან ცერემონიების სასახლეს ანუ ყოფილ ავლაბრის რეზიდენციას, ჯერჯერობით მხოლოდ პრეზიდენტის ადმინისტრაცია იყენებს. არადა ის, რომ სალომე ზურაბიშვილი ოფიციალურ მიღებებს ავლაბრის რეზიდენციაში გამართავდა და ერთის ნაცვლად, პრაქტიკულად ორ სასახლეში იმუშავებდა, საპრეზიდენტო არჩევნების წინ ძნელად წარმოსადგენი იყო.
"მე ვთვლი, რომ აურა, რომელიც არის პრეზიდენტის ავლაბრის რეზიდენციაში, მე არ მიხდება, არც აურა და არც ჰავა. ორბელიანების სასახლე ბევრად უფრო უხდება ქვეყანას, ვიდრე ფსევდო რაიხსტაგი, მიშას მიერ მოფიქრებული" - განაცხადა პრეზიდენტად არჩევამდე სალომე ზურაბიშვილმა.
ცნობისთვის ავლაბარში, აბდუშელიშვილის ქუჩის პირველ ნომერში მდებარე რეზიდენცია, 5 წლის მანძილზე შენდებოდა და ის 2009 წელს პომპეზურად გაიხსნა. ზუსტად რა თანხა დაუჯდა საქართველოს ბიუჯეტს უზარმაზარი კომპლექსი, უცნობია. პრეზიდენტმა სააკაშვილმა 2009 წელს ბრძანა, რომ „სასახლის აშენება დაჯდა, დაახლოებით, პროცენტის მეხუთედზე ნაკლები მთელი საბიუჯეტო ხარჯების, რომელიც გაწია ქვეყანამ ბოლო 5 წლის განმავლობაში“.
რაც შეეხება ათონელის რეზიდენციას, იგი 2013 წელს, მეოთხე პრეზიდენტისთვის აშენდა. მის მშენელობაში 26 მილიონი დაიხარჯა. თუმცა, გიორგი მარგველაშვილმა იქ შესვლაზე უარი განაცხადა და წინამორბედის აშენებულ სასახლეში შევიდა, რაც „ქართული ოცნების“ ლიდერის და გიორგი მარგველაშვილის, პირველი და მთავარი დაპირისპირების მიზეზიც გახდა...
ბოლო 6 წლის განმავლობაში ათონელის რეზიდენცია პრაქტიკულად უფუნქციოდ იყო, იქამდე, სანამ სალომე ზურაბიშვილი არ შევიდა სასახლეში.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
გიორგი ბაჩიაშვილი - საქართველოს წარმომადგენლებმა, ივანიშვილის დავალებით, მიმართეს ბანდიტურ გზას და მოტაცებით ჩამომიყვანეს საქართველოში
კვირის კითხვადი სტატიები
მნიშვნელოვანი ინფორმაცია
მკითხველის რჩევით
