ქმარი, ყოფილი ქმარი, შვილები და შვილიშვილები - ალა პუგაჩოვამ 70 წლის იუბილე კრემლში კონცერტით აღნიშნა
ალა პუგაჩოვამ 70 წლის იუბილე კონცერტით აღნიშნა - რუსული ესტრადის ვარსკვლავი ბოლო წლების განმავლობაში პირველად გამოჩნდა სცენაზე. კონცერტი კრემლში გაიმართა.
რუსული მედიის ინფორმაციით, ღონისძიებას მისი ოჯახი სრული შემადგენლობით დაესწრო, მათ შორის - უფროსი შვილი კრისტინა ორბაკაიტე და შვილიშვილები. ერთ-ერთი სიმღერის შესრულების დროს კი სცენაზე მისი ქმარი, მაქსიმ გალკინი ტყუპებთან ერთად ავიდა. ოჯახს ორბაკაიტეც შეუერთდა სამ შვილთან ერთად.
კონცერტს მომღერლის ყოფილი ქმარი, ფილიპ კირკოროვიც ესწრებოდა. ღონისძიების დასრულების შემდეგ მან პუგაჩოვას „არაჩვეულებრივი კონცერტისთვის“ მადლობა გადაუხადა და აღნიშნა, რომ სცენაზე მის გამოჩენას 10 წლის განმავლობაში „მთელი ქვეყანა ელოდა“.
„მადლობა, რომ არსებობ! მადლობა, რომ ჩვენთან ხარ - იყავი და იქნები!“ - აღნიშნა კირკოროვმა.
