მნიშვნელოვანი ინფორმაცია
22
მარტიდღის ზოგადი ასტროლოგიური პროგნოზი
შაბათი, მთვარის ოცდამესამე დღე დაიწყება 04:51-ზე, მთვარე მშვილდოსანშია
კარგი დღეა ძველი საქმეების დასასრულებლად. ახლებს ნუ წამოიწყებთ. ნუ განახორციელებთ სერიოზულ ფინანსურ ოპერაციებს. სწავლისთვის ნეიტრალური დღეა, მაგრამ გამოცდა სხვა დროისთვის გადადეთ. უმჯობესია ეს დღე განმარტოებით, ბუნებაში გაატაროთ. მაქსიმალურად შეამცირეთ კონტაქტები, გულითადი საუბრები. მოერიდეთ ხელმძღვანელობასთან კონფლიქტს. სამსახურის, საქმიანობის შეცვლას. გათავისუფლდით უსარგებლო ნივთებისგან. არასასურველი დღეა ქორწინებისა და ნიშნობისთვის. მოერიდეთ ხორციან კერძებს. გაუფრთხილდით ღვიძლს. მოერიდეთ ღვიძლისა და ნაღვლის ბუშტის ოპერაციას.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ვინ იბრძვის აფხაზეთში "მთავარი კანონიერი ქურდის" სტატუსისთვის?
15:35 / 17-04-2019
ტარიელ ონიანის ციხიდან გამოშვებამ რუსეთსა და სამხრეთ კავკასიაში გავლენების შენარჩუნების თემა ისევ წამოწია. როგორც აფხაზური მოსახლეობა სოციალურ ქსელებში წერს - რეგიონში არსებული დროებითი სიმშვიდე ისევ დაირღვა.
უკვე რამდენიმე თვეა, "კანონიერი ქურდების" გუდაუთის დაჯგუფებამ, რომელსაც რაულ ბარცბა, იგივე “პიზა” მეთაურობს, თავის ნათლულებთან - ასტამურ შამბასთან, იგივე "ასტიკთან" და ალხაზ ავიძბასთან ანუ "ხასიკთან" ერთად, გალის რაიონზე კონტროლი გადაიბარეს.
ადგილობრივების ინფორმაციით, ცოტა ხნის წინ, გალში გუდაუთელი “კანონიერი ქურდები” რამდენიმე ათეული მანქანითა და დიდი ოდენობით მხარდამჭერთან ერთად ჩავიდნენ, რა დროსაც "პიზამ" გალის რაიონის "ობშიაკის" მათი კლანისთვის გადაბარება მოითხოვა. ბოლო დრომდე გალს ქართველი ე.წ. კანონიერი ქურდი "ჩირო გალსკის" ნათესავი, გია შონია აკონტროლებდა. თავად "ჩირო" ამჟამად რუსეთშია და მას იქედან უჭერდა მხარს.
საქმე ის არის, რომ ბოლო დროს "პიზას" გავლენები პოლიტიკურ წრეებში გაძლიერდა, რამაც ის ერთგვარად წააქეზა. არც ისე დიდი ხნის წინ, მას ქართველ ქურდებთან კარგი ურთიერთობა ჰქონდა, თუნდაც იმიტომ, რომ მისი "კორონაცია", ანუ "ქურდულ ოჯახში" შეყვანა, სწორედ სოხუმელი მერაბ ჯანგველაძისა და ხაჯიშვილის ინიციატივით მოხდა და მათვე "მონათლეს". ჯანგველაძე კი, თუ საიტ ПРАЙМ КРАЙМ-ის ინფორმაციას დავეყრდნობით, ციხიდან ახლად გამოსული ტარიელ ონიანის კლანშია.
აფხაზური მოსახლეობა სოციალურ ქსელებში წერს, რომ "პიზამ" წარსული დაივიწყა და პოლიტიკაში გადაიჭრა, გავლენების გასაძლიერებლად. ამის დასტურია, გალში განვითარებული მოვლენები და რამდენიმე თვის წინ, კიდევ ერთ კრიმინალთან, გაგრელ ნიკო დგებუაძესთან, იგივე "ნიკა გაგრინსკისთან" სისხლიანი შეტაკება. გუდაუთაში ორი წლის წინ, აზერბაიჯანელი "კრიმინალური ავტორიტეტი" რაშიდ ისმაილოვი და გაგრელი ნიკა დგებუაძე ჩაცხრილეს, თუმცა, ორივე გადარჩა.
მედიის ცნობით, "პიზას" "ზღვარგადასულობის" გამო, ისმაილოვი გასული წლის ნოემბერში რუსეთში დააკავეს, თუმცა როგორც მან "პიზასთვის" გაგზავნილ ვიდეომიმართვაში აღნიშნა, ეს სულაც არ უშლის ხელს მას იმაზე პასუხი მოსთხოვოს, რაც გუდაუთაში მოხდა.
რაულ ბარცბას, იგივე “პიზას” აფხაზეთში "მთავარი კანონიერი ქურდის” სტატუსზე აქვს პრეტენზია. მოსახლეობის ცნობით, ის იმდენად ღრმად არის პოლიტიკურ წრეებში გათქვეფილი, რომ ე.წ. პრეზიდენტის რაულ ხაჯიმბას ბოლო ინიციატივა, რომ აფხაზეთიდან "ქურდები" გაყარონ, მას არც კი შეეხება, რადგან სწორედ ხაჯიმბას მხარდამჭერი გავლენიანი პოლიტიკოსების, მათი ოჯახების, ბიზნესწილებისა და ზოგადად უსაფრთხოების უკან, "პიზას" გავლენები დგას.
რაულ ბარცბა თავის “ნათლულებთან” ერთად, თანმიმდევრობით ახორციელებს რეგიონულ დონეზე “ქურდული” გავლენების საკუთარ ხელში ცენტრალიზებას. ამჟამად, იმ ათი “კანონიერი ქურდიდან”, რომლებიც ჯერ კიდევ ერთი წლის წინ აფხაზეთში ცხოვრობდნენ, ექვსია დარჩენილი და მათგან 4 ეროვნებით აფხაზია. აფხაზეთის ფარგლებს გარეთ "პიზას", ისმაილოვის და ჯანგველაძე-ონიანის კლანის გარდა, უამრავი მტერი ჰყავს, - მათ შორის, ნადირ სალიფოვი - იგივე "გული".
ცნობისთვის, 6 მაისს, რაულ ბარცბას დაბადების დღე აქვს, რომლის აღნიშვნასაც ტრადიციულად გრანდიოზულად აპირებს...
00:00 / 00:00
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
შსს ფარულ ჩანაწერებს აქვეყნებს - დაკავებულია 3 პირი: კადრებში ჩანს, როგორ ყიდიან ნარკოტიკს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
