მნიშვნელოვანი ინფორმაცია
19
ივნისიდღის ზოგადი ასტროლოგიური პროგნოზი
ხუთშაბათი, მთვარის ოცდამესამე დღე დაიწყება 01:35-ზე, მთვარე ვერძში გადავა 03:07-ზე –
მოერიდეთ აჩქარებას და გაღიზიანებას. არ არის რეკომენდებული მოლაპარაკებების წარმოება. აზრებისა და იდეების სხვებისთვის გაზიარება. დღეს გაწყვეტილი კავშირები არასოდეს აღდგება და ადამიანები ძალიან სწრაფად ივიწყებენ ერთმანეთს. უარი თქვით ხორცზე, ყავასა და ალკოჰოლზე. ჭარბმა კვებამ შესაძლოა კუჭ-ნაწლავის დაავადებები გამოიწვიოს.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
პარიზში მთელი ღამე ეკლესიების ზარების რეკვა ისმოდა - რა გადარჩა ნოტრ-დამისგან
10:03 / 16-04-2019
საფრანგეთის პრეზიდენტი ემანუელ მაკრონი პირობას დებს, რომ შუა საუკუნეების ღვთისმშობლის ტაძარს აღადგენენ, ამის შესახებ BBC წერს.
მეხანძრეებმა შეძლეს 850 წლის წინ აშენებული შენობის ქვის მთავარი სტრუქტურა და ორი კოშკი ცეცხლისგან გადაერჩინათ, თუმცა ჭერი ჩამოიშალა.
ხანძრის კონტროლი მაშველებმა მხოლოდ დაწყებიდან 9 საათის შემდეგ შეძლეს. მიზეზი უცნობია, თუმცა სამართალდამცველები ვარაუდობენ, რომ ხანძარი ტაძარში მიმდინარე სარემონტო სამუშაოებს უკავშირდება. პროკურატურა მომხდარს იძიებს.
გუშინ ღამით ადგილზე მისულმა პრეზიდენტმა ემანუელ მაკრონმა განაცხადა, რომ „ყველაზე ცუდის თავიდან არიდება შეძლეს“ და ტაძრის მთავარი სტრუქტურა გადარჩა. პრეზიდენტი თანხის მოძიების კამპანიას საერთაშორისო მასშტაბით გეგმავს.
Washington Examiner წერს, რომ აშშ პრეზიდენტი დონალდ ტრამპი აპირებს კონსულტაციების გამართვას ემანუელ მაკრონთან, რის შემდეგაც ის თხოვნით მიმართავს კონგრესს, გაიღოს ტაძრის რეკონსტრუქციისთვის საჭირო სრული თანხის 17.83%. ეს ციფრი სპეციალურად არის შერჩეული - სწორედ 1783 წლის „პარიზის შეთანხმების“ შედეგად დიდმა ბრიტანეთმა აშშ-ის დამოუკიდებლობა აღიარა.
ცეცხლი ადგილობრივი დროით 18:30 საათზე გაჩნდა და ეკლესიის სახურავს სწრაფად მოედო.
სამაშველო სამსახურებმა შეძლეს, გადაერჩინათ ხელოვნების ძვირფასი ნიმუშები და რელიგიური სიწმინდეები, მათ შორის გვირგვინი, რომელიც, გადმოცემის მიხედვით, ქრისტეს ჯვარცმამდე ეკეთა. გადარჩა ლუი IX-ის შესამოსელიც.
მთელი ღამის განმავლობაში პარიზის ქუჩები ხალხით იყო სავსე, ისინი ცეცხლმოკიდებულ ტაძარს ადევნებდნენ თვალყურს. ხალხის ნაწილი ტიროდა, ნაწილი კი საგალობლებს მღეროდა. საფრანგეთის დედაქალაქში ღამის განმავლობაში ისმოდა ეკლესიების ზარების რეკვა.
„ნოტრ-დამი იწვის, საფრანგეთი ტირის და მასთან ერთად მთელი მსოფლიო. ეს უზომოდ ემოციურია,“ - განაცხადა პარიზის მთავარეპისკოპოსმა.
ვატიკანი მომხდარის გამო უზომო მწუხარებას გამოხატავს, დიდი ბრიტანეთის პრემიერ-მინისტრი კი მომხდარს „საშინელებად“ აფასებს.
იუნესკო აცხადებს, რომ „დგას საფრანგეთის მხარეს, რომ გადაარჩინოს და აღადგინოს შეუფასებელი მემკვიდრეობა“, რომელსაც წელიწადში თითქმის 13 მილიონი ადამიანი სტუმრობს.
გერმანიის კანცლერმა ანგელა მერკელმა ნოტრ-დამს „საფრანგეთისა და ევროპული კულტურის სიმბოლო“ უწოდა.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რა მიზეზით იბარებენ ხელმეორედ საგამოძიებო კომისიაზე ოპოზიციონერ პოლიტიკოსებს და როგორია მხარეთა პოზიციები
კვირის კითხვადი სტატიები
მნიშვნელოვანი ინფორმაცია
მკითხველის რჩევით
