Le Figaro - პარიზის ღვთისმშობლის ტაძარში ცეცხლი სწრაფად ვრცელდება, მისი ლოკალიზება რთულია

პარიზის ღვთისმშობლის ტაძართან 400-მდე მეხანძრეა მობილიზებული. როგირც ფრანგული მედია იუწყება, ამ ეტაპზე მეხანძრეები მხოლოდ ტაძრის გარე პერიმეტრიდან ახერხებენ მუშაობას.

როგორც ფრანგული გამოცემა Le Figaro ერთ-ერთ მეხანძრეზე დაყრდნობით იყწყება, ხანძარი სწრაფად ვრცელდება და მისი ლოკალიზება რთულია.

ხანძართან დაკავშირებით კომენტარი გააკეთა პარიზის პროკურორმა რემი ჰეიცმა. მისი თქმით, ჯერ ნაადრევია ხანძრის გამოწვევის მიზეზებზე საუბარი. შეგახსენებთ, რომ ამ ეტაპზე ნოტრ-დამში გაჩენილი ხანძრის შესაძლო მიზეზად სარესტავრაციო სამუშაოები სახელდება, რომელიც ტაძარში მიმდინარეობდა.

• ნახეთ: ცეცხლში გახვეული პარიზის ღვთისმშობლის ტაძარი - ემოციური ფოტოები საფრანგეთიდან