მნიშვნელოვანი ინფორმაცია
25
მაისიდღის ზოგადი ასტროლოგიური პროგნოზი
კვირა, მთვარის ოცდამერვე დღე დაიწყება 03:43-ზე, მთვარე კუროშია – დღეს დაწყებული საქმეები წარმატებულად სრულდება. კარგი დღეა ფინანსური საკითხის მოსაგვარებლად; საყიდლებისთვის. შემოქმედებითი საქმიანობა წარმატებას მოგიტანთ. მოერიდეთ ურთიერთობის გარჩევას გარშემო მყოფებთან. კარგი დღეა სამსახურის, საქმიანობის შესაცვლელად. სასიამოვნო ემოციებს შეგძენთ ხანმოკლე მგზავრობა, ხანგრძლივი მოგზაურობა სხვა დღისთვის გადადეთ. კარგი დღეა ფიზიკური ვარჯიშებისთვის, საოჯახო საქმეების შესასრულებლად. მოერიდეთ ჭარბი საკვების მიღებას. აგრეთვე, არასასურველია სმა და მოწევა. მოერიდეთ ხის მოჭრას, ყვავილების მოწყვეტას. ყურადღება მიაქციეთ არტერიულ წნევას. გაუფრთხილდით თავს, არ გადაღალოთ ტვინი. კარგი დღეა ბუნებაში სასეირნოდ, მიწაზე სამუშაოდ. რაციონიდან გამორიცხეთ პროდუქტები, რომლებიც სახამებელსა და ნახშირწყლებს შეიცავს.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
პეტერბურგელი ქალი 10 წლის ქალიშვილს უცნობ მამაკაცებზე "აქირავებდა"
16:14 / 13-04-2019
რუსი სამართალდამცველები იძიებენ პეტერბურგელი ქალის საქმეს, რომელსაც 10 წლის ქალიშვილის “გაქირავებაში" ედება ბრალი. დანაშაულებრივ საქმეში ქალს ყოფილი ქმარი ამხელს, რომლის თქმითაც - მან ბრალდებულის "კლიენტებთან” მიმოწერის ამსახველი “სქრინშოტები” პოლიციას გადასცა. მიმოწერაში ქალი სკოლის მოსწავლე შვილის უცხო მამაკაცთან რამდენიმე დღით დარჩენის დეტალებს აზუსტებდა. ამის შესახებ ინტერნეტგამოცემა Газета.Ru წერს.
ადგილობრივი პოლიციის ცნობით, ბავშვის მამის საუბრის მიხედვით, მისი ყოფილი ცოლი, მამაკაცებისგან ნარკოტიკებისთვის საჭირო თანხისთვის, 5-დან 10 ათასამდე რუბლს იღებდა. “კლიენტები" ძირითადად მისი საყვარლები იყვნენ.
ტელეკომპანია РЕН ТВ-ს ცნობით, არსებობს მიმოწერაც: “ჩვენ უკვე მოვილაპარაკეთ - მე გაძლევ შენ ფულს, შენ მაძლევ ტანიას (გამოცემა წერს, რომ ბავშვის სახელი შეცვლილია) თუმცა, რატომღაც ბავშვი არ ჩანს და რატომ?" - კითხულობს უცნობი მამაკაცი სატელეფონი მიმოწერაში. ქალი პასუხობს რომ ეს “მესინჯერში” განსახილველი თემა არ არის და სთხოვს დააკონკრეტოს, რისთვის სჭირდება მისი შვილი. რაზეც იღებს პასუხს: “პირადი საქმისთვის, ხომ მოვილაპარაკეთ ამის შესახებ?!”. ამის შემდეგ, ქალი მას უთანხმდება და სთავაზობს, რომ შეუძლია მივიდეს და გოგონა წაიყვანოს...
“ვცდილობდი, მეპოვნა რა ხდებოდა ამ მიმოწერების მიღმა და მივხვდი, რომ ეს პედოფილიაა” - ამბობს გოგონას მამა, რომლის თქმითაც, მისი ყოფილი მეუღლე ცხოვრობს მამაკაცთან, რომელიც არასრულწლოვან გოგონას უფრო მეტ ყურადღებას აქცევს, ვიდრე დედა.
სწორედ ყოფილმა მეუღლემ მოიპოვა გოგონას დედის მიმოწერებები უცხო მამაკაცებთან და გაარკვია, რომ ქალი ბავშვს მათთან დასვენების დღეებში გზავნიდა. იურისტ მილენა იზმაილოვას თქმით, მისი კლიენტი, რომელიც ბავშვის მდგომარეობის შესახებ პირველად ალაპარაკდა, ამბობს, რომ ბავშვს ფსიქოლოგი სჭირდება.
ბავშვის მამის თქმით, გოგონა თავადაც შესწრებია როგორ მოიხმარდა დედამისი ნარკოტიკს. მამაკაცმა პეტერბურგის პოლიციას დახმარებისთვის ადრეც მიმართა და განაცხადა, რომ მის შვილს ყოფილი ცოლი “მამაკაცებზე აქირავებდა”. საქმეში ორი მამაკაცი დაადანაშაულა, რის შემდეგაც ის დანით დაჭრეს... თუმცა, ბავშვზე ძალადობის ფაქტზე გამოძიება მხოლოდ ახლა დაიწყო.
რუსული მედიის ცნობით, ბოლო წლებში, რუსეთში, არასრულწლოვნებით ე.წ ვაჭრობა სხვადასხვანაირი ფორმით ხდება. გახშირდა ფაქტები, როდესაც დედები ჩვილების გაყიდვას პირდაპირ სოციალური ქსელით ცდილობენ.
მაგალითად, გასულ წელს, ჩელიაბინსკში 35 წლის ქალი დააკავეს, რომელიც თავისი 13 წლის გოგონას გაყიდვას ცდილობდა. ადგილობრივი სამართალდამცველების ცნობით, “ორი ქალი ერთ-ერთ რესტორანში მაშინ დააკავეს, როდესაც ისინი გაყიდული გოგონას “საფასურს”, დაახლოებით, 1,5 მილიონ რუბლს იღებდნენ..."
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ჩრდილოეთ კორეის ახალმა სამხედრო ხომალდმა კატასტროფა განიცადა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
