მნიშვნელოვანი ინფორმაცია
29
მარტიდღის ზოგადი ასტროლოგიური პროგნოზი
შაბათი, მთვარის ოცდამეათე დღე დაიწყება 07:05-ზე მთვარის პირველი დღე დადგება 14:57-ზე, მთვარე ვერძშია
შუადღემდე დაასრულეთ ძველი საქმეები. გათავისუფლდით უსარგებლო ნივთებისაგან. კარგია შემოქმედებითი საქმიანობა, სწავლა. აკონტროლეთ ემოციები. კარგი დღეა დასვენებისთვის. ბუნებაში, ქალაქგარეთ სასეირნოდ.
საღამოს დაგეგმეთ ახალი საქმეები, მაგრამ მათი დაწყებისგან თავი შეიკავეთ. მოერიდეთ ყველა მნიშვნელოვან საქმეს, გადაწყვეტილებას. კონფლიქტისგან თავი შეიკავეთ. მოერიდეთ ფიზიკურ გადაღლას, მოსალოდნელია ტრავმები. არ გადატვირთოთ კუჭი. მოერიდეთ ცხელ და ცხარე საკვებს. არ მიიღოთ ალკოჰოლი. თავის ტკივილი რომ აირიდოთ, არ გადაიღალოთ გონებრივი სამუშაოთი.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ე.წ. კანონიერი ქურდის მინდია ლავასოღლის განაჩენი ცნობილია - რა გადაწყვეტილება მიიღო ბათუმის სასამართლომ
19:49 / 12-04-2019
ბათუმის საქალაქო სასამართლომ ე.წ. კანონიერი ქურდი მინდია გორაძე ლავასოღლი (გორაძე) დამნაშავედ ცნო სისხლის სამართლის კოდექსის „კანონიერი ქურდობისა“ და „ქურდულ შეკრებაში“ მონაწილეობის მუხლებით და 10 წლით თავისუფლების აღკვეთა განუსაზღვრა. ასევე, სასამართლომ ბრალდების მხარის მიერ წარდგენილი მტკიცებულებების საფუძველზე, “ქურდული სამყაროს“ საქმიანობის მხარდაჭერისთვის სამი პირი დამნაშავედ სცნო. ამის შესახებ „ინტერპრესნიუსს“ პროკურატურიდან აცნობეს.
მათი ინფორმაციით, სასამართლო პროცესზე გამოკვლეული მტკიცებულებებით დადასტურდა, რომ „კანონიერი ქურდი“ მ.ლ. “ქურდული შეკრებით“, დანაშაულის ჩადენით, დანაშაულის ჩადენისკენ წაქეზებით, საკუთარი კრიმინალური გავლენის გამოყენებით და სხვა უკანონო ქმედებით, თავისთვის და სხვისთვის სარგებლის და უპირატესობის მიღების, ძალაუფლების და გავლენის მოპოვება-მინიჭების მიზნით, ელექტრონული კომუნიკაციის საშუალებით, საქართველოს სხვადასხვა რეგიონებში და მათ შორის ქალაქ ბათუმში, მართავდა ქურდული სამყაროს წევრების ერთობას, რომლის მხარდაჭერას 2018 წლის აპრილ-ივნისში ახორციელებდნენ ი.გ., შ.კ. და ზ.ა., რაც „ქურდული სამყაროს“ საქმიანობის განხორციელების აშკარა, პირდაპირ და არსებით საფრთხეს ქმნიდა.
„სამართალდამცველებმა ი.გ. 2018 წლის 17 ივლისს, ხოლო შ.კ. და ზ.ა. 2018 წლის 18 ივლისს დააკავეს. მათ ბრალდება სისხლის სამართლის კოდექსის 2231 მუხლის პირველი ნაწილით (ქურდული სამყაროს წევრობა) და 2232 მუხლით (ქურდულ შეკრებაში მონაწილეობა) წარედგინა. ვინაიდან მ.ლ. მიმალვაში იმყოფება, მას ბრალდება დაუსწრებლად 2231 მუხლის მეორე ნაწილით („კანონიერი ქურდობა“) და 2232 მუხლით („ქურდულ შეკრებაში“ მონაწილეობა) წარედგინა. ოთხივე პირს აღკვეთის ღონისძიების სახით პატიმრობა შეეფარდა, ხოლო მ.ლ.-ს მიმართ გამოცხადდა ძებნა.
ბათუმის საქალაქო სასამართლომ ი.გ, შ.კ და ზ.ა დამნაშავედ ცნო საქართველოს სისხლის სამართლის კოდექსის 2233-ე მუხლის პირველი ნაწილით (ქურდული სამყაროს საქმიანობაში მხარდაჭერა), ხოლო მ.ლ. 2231 მუხლის მეორე ნაწილით („კანონიერი ქურდობა“) და 2232 მუხლით („ქურდულ შეკრებაში“ მონაწილეობა).
სასამართლოს გადაწყვეტილებით, ი.გ-ს 2 წლით და 6 თვით თავისუფლების აღკვეთა, შ.კ-ს და ზ.ა-ს 2-2 წლით, ხოლო მ.ლ-ს 10 წლით თავისუფლების აღკვეთა განესაზღვრა. დასაბუთებული განაჩენის მიღების შემდგომ, ბრალდების მხარე კვალიფიკაციის შეცვლის ნაწილში განაჩენის გასაჩივრების საკითხზე იმსჯელებს“, - აღნიშნულია პროკურატურის მიერ გავრცელებულ ინფორმაციაში.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
16 ხიდი და 3 კვანძი, ვნახოთ სად გაივლის და რა დაჯდება თბილისის შემოვლითი გზის 11 კმ-იანი მონაკვეთი
კვირის კითხვადი სტატიები
მნიშვნელოვანი ინფორმაცია
მკითხველის რჩევით
