მნიშვნელოვანი ინფორმაცია
7
ივნისიდღის ზოგადი ასტროლოგიური პროგნოზი
შაბათი, მთვარის მეთორმეტე დღე დაიწყება 18:20-ზე, მთვარე მორიელში იქნება 06:22-დან –რეკომენდებულია მოლაპარაკებების წარმოება. დახმარების თხოვნა. გამოიჩინეთ ნებისყოფა, გამძლეობა, სიმტკიცე და პატიოსნება სამსახურში. გამოავლინეთ საკამათო საკითხების გადაჭრის, კონფლიქტების მოგვარების და კომპრომისებზე წასვლის უნარი. არ არის რეკომენდებული გადაჭარბებული ზრუნვა. ახალი წამოწყებები. აჩქარების და აურზაურის გამოვლინება. საუკეთესო დღეა ოჯახის შესაქმნელად. დღეს მაქსიმალური სიყვარული და მზრუნველობა გამოიჩინეთ პარტნიორის მიმართ და ეცადეთ, არ გაანაწყენოთ.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ვატო შაქარიშვილმა და ჯაბა ჯიშკარიანმა საკრებულოს უმრავლესობა და პარტია „ქართული ოცნება“ დატოვეს
11:07 / 11-04-2019
თბილისის საკრებულოს უმრავლესობის დეპუტატებმა - ვატო შაქარიშვილმა და ჯაბა ჯიშკარიანმა პარტია „ქართული ოცნება“ დატოვეს.
ამის შესახებ საკრებულოს წევრებმა პრესკონფერენციაზე განაცხადეს.
შაქარიშვილმა იმ მიზეზებზე ისაუბრა, რის გამოც აღნიშნული გადაწყვეტილება მიიღო.
„სამწუხაროდ, უკანასკნელ პერიოდში ჩვენ თვალს ვადევნებთ მორალური ფასეულობების გადახედვის უხეშ მცდელობას. ჩვენთვის კატეგორიულად მიუღებელია შავის თეთრად წარმოჩენა. ჩვენთვის მიღებელია მურუსიძე- ჩინჩალაძე-ზარდიაშვილის სამართლიანობის მაგალითად გასაღება.
ჩვენთვის პრინციპულად მიუღებელია ღირსეული ადამიანების მრავალწლიანი ბრძოლის უშედეგოდ გამოცხადება, მათი დაკნინების და „ნაცებად“ სახელდების მცდელობა. ჩვენთვის მიუღებელია სააკაშვილ-ადეიშვილის, ჯალათების უხეში „გაპრავება“. ეს ყველაფერი კრიტიკულ წინააღმდეგობაშია 2012 წლის იდეალებთან და იმ დაპირებასთან, რომელიც სულ ახლახანს, საპრეზიდენტო არჩევნების მეორე ტურის წინ გაიცა.
სწორედ ამიტომ მე ვტოვებ „ქართული ოცნების“ უმრავლესობას და 13 აპრილს, 14:00 საათზე, ფილარმონიაში ვუერთდები „დაიცავი საქართველოს“ საგანგებო შეკრებას. მოვუწოდებ ყველას, განსაკუთრებით ახალგაზრდებს, ვინც თვლის, რომ ეს უპერსპექტივო წრე გასარღვევია. შემოგვიერთდით და ერთად შევქმნათ ახალი პოლიტიკური ასპარეზი, სადაც მოძალადე და მედროვე კი არ ფასდება, არამედ ღირსეული, სამართლიანი და პრინციპული ადამიანი.
შემოგვიერთდით 13 აპრილს, 14:00 საათზე ფილარმონიაში - დაიცავი საქართველო,“ - განაცხადა ვახტანგ შაქარიშვილმა.
როგორც ჯაბა ჯიშკარიანმა აღნიშნა, მიმდინარეობს ისტორიის წაშლა, თითქოს ისტორია დაიწყო 2012 წლიდან და მანამდე არაფერი მომხდარა.
„ჩვენ დიდი ხნის განმავლობაში ვადევნებდით თვალს ბოლო პერიოდში განვითარებულ მოვლენებს პარლამენტში, მოსამართლეების არჩევის წესთან დაკავშირებით. ჩვენ ძალიან კარგად ვნახეთ, რომ მიმდინარეობს ზეწოლა საზოგადოებაზე და აზრის მოხვევა, რომ თითქოს ლევან მურუსიძე არის გმირი და ლევან გოგიჩაიშვილი, ყველა ჩვენი თანამებრძოლი და ის ბრძოლა საერთოდ, რაც ვაწარმოეთ 2012 წლამდე, იყო „ნაცების“ წისქვილზე წყლის დასხმა და ჩვენ ვართ ყველანი „ნაციონალები“, ვინც ამას ვიზიარებთ, რაც რა თქმა უნდა, ჩვენთვის შეურაცხყოფა და მიუღებელია.
ჩვენთვის ძალიან ძვირფასია ის წლები, რომელიც გამოვიარეთ ქართულ საზოგადოებასთან ერთად. ეს ხელისუფლება ხელისუფლებაში 26 მაისის, 7 ნოემბრის, სანდრო გირგვლიანის თემით მოვიდა და ეს ფონი თითოეულმა ჩვენთაგანმა შევქმენით საზოგადოებასთან ერთად. ახლა ამ ისტორიის წაშლა მიმდინარეობს, თითქოს ისტორია დაიწყო 2012 წლიდან.
გუნდში ყოველთვის იყო კომპლექსი, ადამიანებს ჰქონდათ კომპლექსი, რომ ისინი არ არსებობდნენ 2012 წლამდე. ისინი იშვნენ 2012-ში, 2014-ში, მაგალითად პარლამენტის თავმჯდომარე და მათი ისტორია სწორედ აქედან დაიწყო. ისინი ჩვენზე უფროსებიც არიან ასაკით, მაგრამ მათ არასდროს ჰქონიათ პროტესტი სანდრო გირგვლიანზე“, - განაცხადა ჯაბა ჯიშკარიანმა.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები კიევიდან - რუსებმა ქალაქს დრონებით და რაკეტებით დაარტყეს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
