"ასე ეზიარება იაპონელი ბავშვი ქვევრის კულტურას" - დღის ფოტო ტოკიოდან

"ასე ეზიარება იაპონელი ბავშვი ქვევრის კულტურას", - აღნიშნულია "ფეისბუქ-გვერდზე" "საქართველო ღვინის სამშობლო", რომელიც იაპონელი ბავშვის სახალისო ფოტოს აქვეყნებს.

პროექტი "საქართველო - ღვინის სამშობლო", რომლის ორგანიზატორები ღვინის ეროვნული სააგენტო და ასოციაცია "ქართული ღვინო" არიან, ხორციელდება მსოფლიოში უმსხვილესი კომპანიის Sony music communication და კომპანია TOPPAN-ის პარტნიორობით. ექსპოზიცია აერთიანებს უნიკალურ არქეოლოგიურ ექსპონატებსა და თანამედროვე ტექნოლოგიებს, რომლის კონცეფცია დაფუძნებულია ქართული ღვინის კულტურის უნიკალურობის წარმოჩენაზე. საგამოფენო ცენტრში "Terrada Warehouse" გამოფენა "საქართველო - ღვინის სამშობლო" 10 მარტს გაიხსნა და 7 მაისამდე გაგრძელდება.