რუსმა ქალმა ძვირფასი მანქანა სვაროვსკის 2 მილიონი კრისტალით მორთო

„ინსტაგრამის“ რუსმა ვარსკვლავმა 270,000 ფუნტად ღირებული ლამბორგინი 2 მლნ სვაროვსკის კრისტალით დაფარა, ინფორმაციას „დეილი მეილი“ ავრცელებს.

შავი ავტომობილი, რომლის სიჩქარე 217 მილია საათში, დარია რადიონოვას ეკუთვნის. მანქანა მან საზოგადოებას ლონდონში წარუდგინა. ძვირფასი თვლებით მორთვისთვის რუსი ქალის მიერ დაქირავებულ გუნდს 700 საათიანი მუშაობა დასჭირდა.

რადიონოვამ მანამდე სვაროვსკის თვლებით დაფარა Lambourghini Huracan და Mercedes CLS. "ინსტაგრამის" საკუთარ გვერდზე ის ხშირად აზიარებს ფოტოებს, სადაც ძვირფასი სამკაულით, მანქანებით, ბეწვეულით პოზირებს.