1
ივნისიდღის ზოგადი ასტროლოგიური პროგნოზი
გურიაში, ლანჩხუთის რაიონის სოფელ ხაჯალიაში უბედური შემთხვევა მოხდა - 9 წლის ბავშვი თამაშის დროს გარდაიცვალა. არსებული ინფორმაციით, ბიჭი საქანელიდან გადმოვარდა და დაიღუპა.
როგორც ბავშვის მასწავლებელი ხათუნა აფხაზავა "ფეისბუქზე" წერს, გარდაცვლილი ბიჭუნა მეოთხე კლასის მოსწავლე გიორგი ბოლქვაძეა. მისივე ინფორმაციით, შემთხვევა 7 აპრილს მოხდა.
"თავზარდამცემი ამბავი გავიგე... სიტყვები, ემოციები, ცრემლებიც კი უძლურია ამ ტრაგედიის გამოსახატავად... ტრაგიკულად გარდამეცვალა მე-4 კლასის მოსწავლე გიორგი ბოლქვაძე... გაუფრთხილდით შვილებს, გაუფრთხილდით მოსწავლეებს, გაუფრთხილდეთ ერთმანეთს..." - წერს პედაგოგი. აფხაზავას ინფორმაციით ბავშვს ბებია ზრდიდა.
როგორც ცნობილია ტრაგიკულ შემთხვევას, რომელიც ეზოში მოხდა, ბიჭუნას ბებია შეესწრო.
"ბავშვი ძმასთან ერთად ეზოში თამაშობდა, საქანელადან გადმოვარდა და ადგილზე დაიღუპა. შემთხვევას ბებია შეესწრო. მთელი სოფელი შეძრულია მომხდარით" - განაცხადა ლანჩხუთის მერიის წარმომადგენელმა ირაკლი გუჯაბიძემ AMBEBI.GE-სთან საუბარში.
ფაქტზე საქართველოს შინაგან საქმეთა სამინისტრომ გამოძიება სისხლის სამართლის კოდექსის 116-ე მუხლით დაიწყო, რაც სიცოცხლის მოსპობას გაუფრთხილებლობით გულისხმობს.
