რომელი უნივერსიტეტი იყო აბიტურიენტების უმეტესობისთვის პირველი არჩევანი

2019 წელს ერთიან ეროვნულ გამოცდებზე აბიტურიენტების უმეტესობის პირველი არჩევანი ივანე ჯავახიშვილის სახელობის თბილისის სახელმწიფო უნივერსიტეტია.

შეფასებისა და გამოცდების ეროვნული ცენტრის მონაცემებით, თბილისის სახელმწიფო უნივერსიტეტი 2019 წლის ერთიან ეროვნულ გამოცდებზე 10260 აბიტურიენტის პირველი არჩევანია, მეორე ადგილზე არჩევანის მიხედვით ილიას სახელმწიფო უნივერსიტეტია, მესამეზე კი საქართველოს ტექნიკური უნივერსიტეტი.

თსუ-მ წელს 67 საბაკალავრო საგანმანათლებლო პროგრამაზე 5308 ვაკანტური ადგილი გამოაცხადა.

ერთიანი ეროვნული გამოცდების რეგისტრაცია 12 მარტიდან 3 აპრილის 18:00 საათამდე გრძელდებოდა. 2019 წელს სულ 37052 აბიტურიენტი დარეგისტრირდა.