მნიშვნელოვანი ინფორმაცია
8
ივნისიდღის ზოგადი ასტროლოგიური პროგნოზი
კვირა, მთვარის მეცამეტე დღე დაიწყება 19:40-ზე, მთვარე მორიელშია – კარგია ჯგუფური მუშაობისთვის, ახალი ინფორმაციის მოსაპოვებლად, სწავლის დასაწყებად. საყოფაცხოვრებო ნივთების დაგროვების, შეძენისა და წარმოებისთვის. კარგია პურის გამოცხობა. არ არის რეკომენდებული სერიოზული საქმეების და ვალდებულებების შესრულება, განსაკუთრებით მარტო. ადრე დაწყებული პროექტების მიტოვება. სიზარმაცე. ხელსაყრელი დღეა მოგზაურობისთვის, მივლინების ან მომლოცველებისთვის. აგრეთვე ოჯახის შესაქმნელად.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
რატომ მოხსნეს დიმიტრი ლორთქიფანიძის ძალოსანი ქალიშვილი ჩემპიონატიდან - "დაასრულებინეს ბავშვს სპორტული კარიერა"
16:34 / 06-04-2019
ქალთა რიცხვში საერთაშორისო სპორტის ოსტატი, ძალოსანი თათია ლორთქიფანიძე სტატუსში აღდგენას და ძალოსანთა ევროპის ჩემპიონატში მონაწილობის მიღებას მოითხოვს. როგორც „ინტერპრესნიუსს“ თათია ლორთქიფანიძის მამამ, ყოფილმა დეპუტატმა დიმიტრი ლორთქიფანიძემ განუცხადა, ბათუმში ძალოსანთა ევროპის ჩემპიონატზე, რომელმაც დღეს აიღო სტარტი, მონაწილეობა უნდა მიეღო გუნდის კაპიტანს, ძალოსან თათია ლორთქიფანიძეს, თუმცა ის შეჯიბრიდან ჩუმად მოხსნეს.
დიმიტრი ლორთქიფანიძე მომხდარს „ნაციონალური მოძრაობის“ რევანშს უწოდებს და ამბობს, რომ ეს ყველაფერი მათ ოჯახს შეგნებულად მოუწყვეს იმ მიზეზით, რომ პოლიტიკური თავშესაფარი მოითხოვონ. ამასთან, ლორთქიფანიძემ ძალოსნობის ფედერაციის ყოფილ ხელმძღვანელ თემურ ჯანჯაღავასა და თათია ლორთქიფანიძეს შორის არსებულ დაპირისპირებაზეც ისაუბრა.
„თემურ ჯანჯაღავა არ არის ძალოსანი და შესაბამისად, უფლება არ აქვს ავარჯიშოს სპორტსმენი. მოვითხოვთ, თათიას სტატუსში აღდგენას, იმიტომ, რომ 10 აპრილს გამოსვლა აქვს ბათუმში და ვერიფიკაციიდან ჩუმად მოხსნეს. ეს არის პოლიტიკური და ყველანაირი ნიშნით დისკრიმინაცია, მაგრამ ამ შემთხვევაში მე ხელისუფლებას არ ვადანაშაულებ. ხელისუფლებამ ეს არ იცოდა. ეს არის ფედერაციაში შიგნით მოხარშული ამბავი, სადაც არიან „ნაციონალური მოძრაობის“ ყოფილი ზონდერები: კახი კახიაშვილი, გია ასანიძე, თემურ ჯანჯღავა და მათთან დაკავშირებული პირები, რომლებმაც ჩვენ, რეალურად, შეთქმულება მოგვიწყვეს. ეს არის ჩვენი ოჯახის წინააღმდეგ შეთქმულება, იმ კუთხით, რომ ჩვენ ხელისუფლებასთან პრეტენზია ვიქონიოთ.
ახლა ბათუმში გაიხსნა ევროპის ჩემპიონატი ძალოსნობაში. სპორტის ამ სახეობაში საქართველოს ჰყავს ქალი წარმომადგენელი, 25 წლის თათია ლორთქიფანიძე. ის საერთაშორისო სპორტის ოსტატი, საქართველოს მრავალგზის რეკორდსმენი და არაერთი საერთაშორისო ტურნირის გამარჯვებულია. თათია ლორთქიფანიძე გადიოდა ინდივიდუალურ ვარჯიშს თავის მწვრთნელთან, გელა მახარაშვილთან ერთად. აღნიშნული საკითხი შეთანხმებული იყო ფედერაციასთან, იმიტომ, რომ თათია უარს ამბობდა თემურ ჯანჯღავასთან ვარჯიშზე.
თემურ ჯანჯღავა იყო ქალთა ნაკრების მთავარი მწვრთნელი. თათია მასთან ვარჯიშზე უარს ამბობდა ორი მიზეზის გამო: პირველი, რომ ის იყო არაკვალიფიციური და აყენებდა ტრავმებს და მეორე, ადანაშაულებდა მას შევიწროვებაში, აყენებდა შეურაცხყოფას და ეს ყველაფერი ფიქსირდებოდა ფედერაციის პრეზიდენტ კახა კახიაშვილთან, როგორც ახსნა-განმარტების, ისე ზეპირსტყვიერების სახით, რათა მას ამ საკითხზე რეაგირება ჰქონოდა.
ფედერაციაში ყველამ ყველაფერი იცის, მათ შორის, ლაშა ტალახაძემ და მისმა მწვრთნელმა. ეს კონფლიქტი დიდი ხანია გრძელდება, მაგრამ ვერავინ იფიქრებდა იმას, რომ ესენი თათია ლორთქიფანიძეს სიიდან საერთოდ ამოიღებდნენ. ფაქტობრივად, დაასრულებინეს ბავშვს სპორტული კარიერა და ჩაიდინეს მორალური მკვლელობა“, - განაცხადა დიმიტრი ლორთქიფანიძემ.
ძალოსან თათია ლორთქიფანიძის ევროპის ჩემპიონატში არმონაწილეობას საქართველოს პრეზიდენტი სალომე ზურაბიშვილი გამოეხმაურა. პრეზიდენტის განცხადებთ, გაუგებარია, რატომ არ მონაწილეობს სპორტსმენი ბათუმში მიმდინარე ძალოსანთა ევროპის ჩემპიონატში.
მისივე თქმით, თათია ლორთქიფანიძეზე დიდი იმედები იყო დამყარებული. „მე მინდა ერთი საკითხი გავაჟღერო. ეს არის ის უსამართლობა და საერთოდ გაუგებარია, არ მესმის ასეთი გადაწყვეტილება, როცა ადამიანს ბრინჯაოს მედალი აქვს და მასზე დიდი იმედები იყო“, - განაცხადა სალომე ზურაბიშვილმა.
აღნიშნულ საკითხს ასევე გამოეხმაურა საქართველოს ძალოსანთა ეროვნული ნაკრების მთავარი მწვრთნელი გიორგი ასანიძე. მისი განმარტებით, სპორტსმენი მწვრთნელების მითითებას არ ითვალისწინებდა და შეკრებებს არ ესწრებოდა, რის გამოც ევროპის ჩემპიონატში ვერ მიიღებს მონაწილეობას.
„ყველას ვალდებულებაა, რომ დაემორჩილოს წესს, რაც ფედერაციას გააჩნია. იყო ვარჯიშების სისტემატური გაცდენა. უფროსი მწვრთნელი ვალდებულია მიიღოს შესაბამისი გადაწყვეტილება. მას აქვს შანსი გაიაზროს შენიშვნები და ამის შემდეგ ექნება შესაძლებლობა, რომ შემდეგ ჩემპიონატებში მონაწილეობა მიიღოს. თათია ლორთქიფანიძე ევროპის ჩენპიონატზე ვერ გამოვა. ეს მისთვის ცნობილი იყო 14 მარტს, როდესაც დასკვნით შეკრებაზე არ გამოცხადდა“, - განაცხადა გიორგი ასანიძემ.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები კიევიდან - რუსებმა ქალაქს დრონებით და რაკეტებით დაარტყეს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
