მნიშვნელოვანი ინფორმაცია
12
ივლისიდღის ზოგადი ასტროლოგიური პროგნოზი
კვირა, მთვარის მეცხრამეტე დღე დაიწყება 23:31-ზე, მთვარე მერწყულშია – ფრთხილად იყავით სიტყვებთან და ქმედებებთან, იოლია კონფლიქტური სიტუაციის პროვოცირება. დღე მშვიდად გაატარე, მაგრამ არა მარტოობაში. ყურადღებით შეამოწმეთ ყველა ინფორმაცია. სერიოზული საქმეები გადადე. გაასუფთავეთ თქვენი სამუშაო ადგილი არასაჭირო ნივთებისგან. თანამშრომლებს ნაკლები შეხება უნდა ჰქონდეთ უფროსთან, მხოლოდ საჭიროების შემთხვევაში. დაიცავით ნეიტრალიტეტი კოლეგების მიმართ. არ არის რეკომენდებული შეხვედრების დანიშვნა. ხელშეკრულებების გაფორმება. ახალ სამსახურში გადასვლა. დაუფიქრებლად მოქმედება. ნუ აჰყვებით პროვოკაციებს და ნუ მოახდინეთ სხვების პროვოცირება. მოერიდეთ მთვრალ ადამიანებთან ურთიერთობა. უცნობ ადამიანებთან კონტაქტი.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"საძირკველიდან ამოღებულ ერთ-ერთ ქვაზე წმინდა ეკატერინე გამოისახა..." - რა ხდება ქარელში, ხარაზიშვილების ოჯახში, რომლებმაც საკუთარი სახლი დაანგრიეს
14:01 / 06-04-2019
ქარელის რაიონში, სოფელ საღოლაშენში, სადაც ხარაზიშვილების ოჯახმა ნატაძრალ ადგილზე აშენებული სახლი დაანგრია, საძირკველში ჩატანებული ეკლესიის ქვები და სვეტები იპოვნეს.
ხარაზიშვილების ოჯახში განვითარებული უჩვეულო მოვლენების შესახებ AMBEBI.GE ცოტა ხნის წინ წერდა. ყველაფერი ორი თვის წინ დაიწყო, როცა ოჯახის წევრებმა 18 წლის ლავრენტის უცნაური ქცევები შენიშნეს. მშობლები ამბობენ, რომ მოზარდი ხშირად საკუთარ თავს ელაპარაკებოდა, განმარტოებას ცდილობდა და ამ დროს ვიღაცას ეჩხუბებოდა, ბიჭი აგრესიული გახდა და მისი ქცევები არაადეკვატური იყო. ამის შემდეგ პრობლემები ლავრენტის დედას, ლალი მღებრიშვილსაც დაეწყო. ოჯახმა მოგვიანებით გაარკვია, რომ მათი სახლი ძველი ტაძრის ნანგრევებზე იყო აშენებული და უჩვეულო მოვლენებიც სწორედ ამას დაუკავშირა...
ოჯახის წევრების და სოფლის ეკლესიის მოძღვარის თქმით, სახლის მშენებლობისას გამოყენებული იყო დანგრეული ძველი ტაძრის ოთხკუთხა ქვები, სვეტები და თაღოვანი სარკმლის ფრაგმენტები.
"ორსართულიანი სახლის დანგრევა მთლიანად დავასრულეთ. კედლებსა და საძირკველში ძველი ეკლესიის არაერთი ქვა ვიპოვნეთ. ეს გახლავთ თლილი ქვები, სვეტები, ასევე, არის სარკმლის ოვალური თაღებიც. ერთ-ერთ თლილ ქვაზე, რომელიც საძირკვლიდან ამოვიღეთ, წმინდა ეკატერინე გამოისახა, ორი დღის განმავლობაში შესამჩნევი იყო წმინდანის გამოსახულება და შემდეგ გაფერმკრთალდა...
მადლობა უფალს, შევძელით და მივიღეთ ეს რთული გადაწყვეტილება, რომ სახლი დაგვენგრია... ამის შემდეგ უკეთაა ყველაფერი - ჩემი მეუღლეც გამოკეთდა და შვილიც" - ამბობს რაჯი ხარაზიშვილი.
აღნიშნულის გარდა, სოფლის მცხოვრებლები ამბობენ, რომ ძველი ეკლესიის ქვები გამოყენებულია ხარაზიშვილების უკვე დანგრეული სახლის მიმდებარედ არსებული ელექტრო კიოსკის მშენებლობისთვისაც (კიოსკის აგურის შენობის კუთხეები აღნიშნული ქვებითაა ნაშენი).
_2019-04-03_cgohnCDrMI.JPG)
საღოლაშენის ღვთისმშობლის მიძინების ეკლესიის წინამძღვრის, მამა იაკობის განცხადებით, ის ფაქტი რომ, ძველად სოფელში, სწორედ იმ ტერიტორიაზე, სადაც ხარაზიშვილების სახლი იდგა, ეკლესია ყოფილა, წერილობითი წყაროებითაც დასტურდება.
სასულიერო პირი "საქართველოს ისტორიისა და კულტურის ძეგლთა აღწერილობას“ ასახელებს (გამოც. 1990 წ.), სადაც აღნიშნულია, რომ ქართულ საისტორიო წყაროებში სოფელი (იმჟამად საღუალაშენის სახელით) პირველად მოხსენიებულია XV საუკუნის დასაწყისში, ამირეჯიბთა გვაროვნულ სიგელში.
წყაროს ცნობით, აღნიშნული ტერიტორია, იმჟამად ცნობილ სახელმწიფო და პოლიტიკურ მოღვაწეს, ქუცნა ამირეჯიბს თავისი შვილისთვის, რამინისთვის უყიდია. ისტორიული წყაროს თანახმად დასტურდება, რომ სოფელში ორი ეკლესია ყოფილა, ერთი - ღვთისმშობლის სახელობის, რომელიც ამჟამად მოქმედია და მეორე - შემაღლებულ ადგილზე, სოფლის სასაფლაოზე მდგარა, ანუ სწორედ იმ ადგილას, სადაც ხარაზიშვილების სახლი იყო აშენებული. ამ ეკლესიას გალავანიც ჰქონია შემოვლებული.
ქარელის რაიონში, სოფელ საღოლაშენში მცხოვრები ხარაზიშვილები სახლს, რომელიც თანასოფლელისგან 1991 წელს შეიძინეს, რამდენიმე დღის განმავლობაში ანგრევდნენ.
შესაბამისი კვლევების და ინფორმაციის მოძიების შემდგომ, ნატაძრალ და შემდგომ ნასახლარ ადგილას, სოფლის მაცხოვრებლები და ეპარქია, წმინდა ეკატერინეს სახელობის ეკლესიის მშენებლობას გეგმავს.
ვისაც ეკლესიის მშენებლობაში მონაწილეობის სურვილი გაუჩნდება, თანხა შეუძლია ჩარიცხოს "ლიბერთი ბანკში“ გახსნილ ანგარიშზე: GE49LB0711116417566000
ავტორი: ია თინიკაშვილი
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
საბავშვო ბაღში გარდაცვლილი 2 წლის დაჩის დედის პირველი კომენტარი - "ჩემზეც ბევრი ბრალდებები წამოვიდა"
კვირის კითხვადი სტატიები
მნიშვნელოვანი ინფორმაცია
მკითხველის რჩევით
