მნიშვნელოვანი ინფორმაცია
12
ივნისიდღის ზოგადი ასტროლოგიური პროგნოზი
ხუთშაბათი, მთვარის მეჩვიდმეტე დღე დაიწყება 23:57-ზე, მთვარე თხის რქაში გადავა 05:54 –
კარგად შეძლებთ მნიშვნელოვანი ამოცანების დაგეგმვასა. იმ სამუშაოს შესრულებას, რომელიც მოითხოვს სიზუსტეს, მათემატიკურ გამოთვლებს და ინსტრუქციების მკაფიო დაცვას. ადამიანი ავლენს პასუხისმგებლობას, პრაქტიკულობას და მოვალეობის გრძნობას. რეკომენდებულია კომუნიკაცია, შეხვედრები მეგობრებთან; შემოქმედებითი საქმიანობა; პრეზენტაციებისა და სარეკლამო კამპანიების ჩატარება. გუნდური მუშაობა. წარუდგინეთ პროექტები თქვენს უფროსებს განსახილველად. აქტიური ორგანოებია: მუხლები, ძვლები, სახსრები, კანი, სისხლის მიმოქცევის სისტემა. დაიცავით უმარილო დიეტა.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ნიგვზიანი ბადრიჯანი ამერიკული ტელევიზიის ეთერში და "ხინკლის ლანჩი" ელჩთან - შეიხედეთ აშშ-ში საქართველოს საელჩოს შიდა სამზარეულოში
10:37 / 05-04-2019
აშშ-ს ერთ-ერთი უმსხვილესი ტელეკომპანიის FOX-ის ეთერში ცოტა ხნის წინ ქართული კერძები მოამზადეს. ნიგვზიანი ბადრიჯანისა და ხაჭაპურის მომზადება ამერიკელ ტელეწამყვანებსა და მილიონობით მაყურებელს, ვაშინგტონის ქართული რესტორნის და საქართველოს საელჩოს შეფ-მზარეულმა მალხაზ მაისაშვილმა ასწავლა, რომელიც გადაცემაში აშშ-ში საქართველოს საელჩოს საზოგადოებრივ საქმეთა მრჩეველთან, სოფიო გეგეჭკორთან ერთად იმყოფებოდა.
AMBEBI.GE სწორედ სოფიო გეგეჭკორს დაუკავშირდა და დაინტერესდა, როგორ მოხვდა ქართული კერძები ამერიკულ ეთერში და როგორი გამოხმაურება მოჰყვა ეგზოტიკურ სამზარეულოს ამერიკელ მაყურებელში:
"საელჩომ შარშან მონაწილეობა მიიღო ვაშინგტონში შეფების პრესტიჟულ კონკურსში DC Embassy Chef Challenge, სადაც სხვადასხვა საელჩოები თავიანთ შეფებთან ერთად წარადგენენ საკუთარი ქვეყნის კულინარიის ნიმუშებს. შარშან ამ კონკურსში მონაწილეობა მივიღეთ ვაშინგტონში პირველი ქართული რესტორნის „სუფრას“ შეფთან მალხაზ მაისაშვილთან ერთად.
წელსაც რამდენიმე დღის წინ ჩატარდა ეს კონკურსი რონალდ რეიგანის შენობაში. ამ კონკურსში, ყოველთვის ჩართულია მედია, შესაბამისად, ის მედიაორგანიზაციები, რომლებიც აშუქებენ კონკურსს, დაინტერესდნენ ქართული სამზარეულოთი და Fox-ისგან მოგვივიდა თხოვნა, რომ წარგვედგინა ჩვენი კერძები. ჩვენს შეფთან ერთად ქართული სამზარეულოს ნიმუშები - ხაჭაპური და ნიგვზიანი ბადრიჯანი წარვადგინეთ ეთერში" - გვითხრა გეგეჭკორმა.
თუმცა, ეს ერთადერთი ღონისძიება არ არის საელჩოსგან, რაც საქართველოს კულინარიისა და კულტურის პოპულარიზაციას ემსახურება. "ხინკლის ლანჩი" ელჩთან, ქართული ღვინის დეგუსტაციები კონგრესში და კინოჩვენებები ფართო საზოგადოებისთვის - ეს ის მცირე ქართული ხრიკებია, რომლითაც საერთაშორისო დონეზე მეგობრების შეძენას, მათთან ურთიერთობის გამყარებასა და გავლენიან წრეებში ჩვენი ქვეყნის წარმოჩენას ახერხებს საელჩო.
„მეორე წელია, ყოველი თვის ბოლო შაბათს ვაკეთებთ ელჩთან "ხინკლის ლანჩს". ვაწყობთ ვიწრო ჯგუფებისთვის და პარტნიორებს ვიწვევთ სხვადასხვა სფეროდან, თავად ელჩი (დავით ბაქრაძე, ავტ.) ამზადებს ხინკალს, თან მოწვეულ სტუმრებს მასტერკლასს უტარებს, შემდეგ კი ნახელავს ერთად აგემოვნებენ.
ეს პირველ რიგში, ქართული სამზარეულოს გაცნობის კარგი საშუალებაა, ასევე პარტნიორებთან პირადი ურთიერთობების ჩამოყალიბების და უფრო მეგობრულ დონეზე აყვანის საშუალებას იძლევა.
ქართული სამზარეულო და ქართული ღვინო, ზოგადად Food diplomacy, როგორც ამას უწოდებენ, ძალიან გვადგება უცხოეთში ჩვენი ქვეყნის წარმოსაჩენად და მეტი მეგობრების შესაძენად“ - გაგვიმხილა საელჩოს შიდა სამზარეულო სოფიო გეგეჭკორმა.
გარდა ამისა, ხშირად ეწყობა თემატური კონფერენციები, მრგვალი მაგიდები, პრეზენტაციები, რომლებიც ეხება საქართველოს ან რეგიონალურ უსაფრთხოებას, საქართველოს სამხედრო ძალების კონტრიბუციას საერთაშორისო უსაფრთხოების მიმართულებით, ასევე ჩვენი ქვეყნის, როგორც ეკონომიკურად და საინვესტიციოდ წარმატებულ ქვეყანას. შეხვედრებს ხშირ შემთხვევაში თავად ელჩი უძღვება, დამსწრეებს შორის კი მაღალი პოლიტიკური წრეების წარმომადგენლები არიან.
„საელჩოში მუდმივად ტარდება ქართული კულტურის საღამოები, რომლებსაც ხშირად ჩვენს პარტნიორ ორგანიზაციებთან და დიასპორებთან ერთად ვახორციელებთ. ეწყობა აშშ-ში მოღვაწე ქართველ ხელოვანთა გამოფენები, მუსიკალური საღამოები, რომელთაც, რა თქმა უნდა, ესწრება ფართო საზოგადოება.
ღონისძიებებს, რომელსაც პოლიტიკური ფოკუსი აქვს და ემსახურება საქართველოს, როგორც წარმატებული დემოკრატიული ქვეყნის წარმოჩენას, ესწრებიან ჩვენი რეგიონის მცოდნე ექსპერტები, ასევე აშშ-ს მთავრობისა და სხვა არასამთავრობო სექტორის წარმომადგენლები. საჯარო ღონისძიებები კი ფართო აუდიტორიისთვის არის ღია. ჩვენი მიზანია, მაქსიმალურად ფართო საზოგადოება მოვიცვათ" - გვეუბნება საელჩოს საზოგადოებრივ საქმეთა მრჩეველი.
ღვინო, როგორც ქართული კულტურის, ასევე Food diplomacy-ს განუყოფელი ნაწილია, ამიტომ საელჩოს წარმომადგენლები მის წარმოსაჩენად სხვადასხვა ღონისძიებებში მონაწილეობენ:
"შარშან ნოემბერში პირველად ჩატარდა ღვინის ფორუმი, რომელიც სამ დღეს გაგრძელდა და ასეულობით სტუმარი დაესწრო. ვაშინგტონში არ არსებობს პრეცედენტი, როდესაც საელჩო ღვინის მიღებებს აკეთებს კონგრესის შენობაში - ჩვენი საელჩო კი ფაქტობრივად 2 თვეში ერთხელ აკეთებს კონგრესმენებისა და კონგრესის თანამშრომლებისთვის ღვინის დეგუსტაციას კონგრესში. რაც ასევე ძალიან გამოგვარჩევს" - გვეუბნება გეგეჭკორი.
მისივე თქმით, სწორედ ამ და სხვა მრავალი მიზეზის გამო, ამერიკაში საქართველოზე საუბარი არ წყდება. თუმცა, კულტურული ღონისძიებების პარალელურად შტატების პოლიტიკურ წრეებში საქართველოში მიმდინარე პოლიტიკურ პროცესებსა და მცოცავ ოკუპაციასთან დაკავშირებულ პრობლემებსაც ყურადღებით ადევნებენ თვალს.
"გუშინ იმავე კონგრესსა და სენატში, ნატო-ს საიუბილეო მოსმენებზე პირდაპირ რუსეთის მიერ საქართველოს ოკუპაციასა და საქართველოს ნატო-ს წევრობის პერსპექტივებზე დაისვა კითხვები და პასუხებიც გაეცა. ძალიან დიდი ფოკუსია საქართველოზე და აშშ-ში განსაკუთრებული მუშაობა მიდის ამ მიმართულებით. ძალიან დიდი მხარდაჭერა აქვს ჩვენს ქვეყანას და ეს ჩვენს სტრატეგიულ პარტნიორობაშიც კარგად ჩანს.
როდესაც ვაშინგტონში ხარ, ხედავ სხვა რეალობას და იმ დიდ ყურადღებას, რომელსაც ჩვენს მიმართ იჩენენ მიუხედავად იმ ფონისა, რაც მსოფლიოში არსებობს და იმ დიდი პრობლემებისა, რომლებიც ზოგადად მსოფლიოშია დღეს“ - ამბობს საელჩოს წარმომადგენელი.
საქართველოს ცნობადობა პერმანენტულად იზრდება და თუ აქამდე ამერიკაში ჩასულ სოფიო გეგეჭკორსაც და ჩვენი ქვეყნის წარმომადგენლებსაც უხდებოდათ იმის განმარტება, თუ რომელი Georgia-ს წარმომადგენლები იყვნენ, ახლა შტატებშიც კი ხვდებიან, რომ საუბარი ორ ზღვას შუა მდებარე პატარა, თუმცა დიდი კულტურის მქონე ქვეყანაზეა...
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
უკონტროლო ვითარება ლოს-ანჯელესის ქუჩებში - პოლიციასა და მომიტინგეებს შორის შეტაკებები გრძელდება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
