მნიშვნელოვანი ინფორმაცია
16
ივლისიდღის ზოგადი ასტროლოგიური პროგნოზი
ოთხშაბათი, მთვარის ოცდამეორე დღე დაიწყება 23:52-ზე, მთვარე ვერძში გადავა 08:31-ზე – გაზარდეთ თქვენი ცოდნის დონე. შეისწავლეთ ახალი. იმუშავეთ მნიშვნელოვან დოკუმენტებთან. ხელი მოაწერე კონტრაქტებს. დაალაგეთ არქივი. დაუთმეთ დღე განათლებას და სწავლას. მოაგვარეთ მარტივი საკითხები და არ მიიღოთ სერიოზული გადაწყვეტილებები. არ არის რეკომენდებული: ახალი და სერიოზული საქმეების დაწყება. ბევრი მუშაობა. ვაჭრობა. სიზარმაცე. იყავით ყურადღებიანი ბარძაყების, ქვედა ხერხემლის მიმართ. არ არის რეკომენდებული მარხვა ან შიმშილი. კარგია ტანსაცმლის გაუთოება და შენახვა; ზამთრისთვის ხილის გაყინვა და კონსერვაცია.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ქვებით ჩაქოლვა, ხელების და ფეხების ამპუტაცია - ბრუნეიში ჰომოსექსუალების წინააღმდეგ "ბარბაროსული კანონი" ამოქმედდა
10:53 / 03-04-2019
ბრუნეიში ძალაში შევიდა კანონი, რომლის მიხედვითაც ჰომოსექსუალები და პირები, ვისაც სექსი ქორწინების გარეშე ექნებათ, სიკვდილით დაისჯებიან. CNN-ის ინფორმაციით, „დამნაშავეებს“ ქვებით ჩაქოლავენ.
ორ მამაკაცს შორის სექსი სიკვდილით, ხოლო ორ ქალს შორის სქესობრივი კავშირი - გაროზგვით ისჯება. ქურდობისთვის სასჯელის ფორმად კიდურების ამპუტაციაა, საწინააღმდეგო სქესის სამოსის ჩაცმისთვის კი ბრუნეის მოქალაქეებს პატიმრობა ელით.
ნავთობით მდიდარ ბრუნეის სულთანი, ჰასანალ ბოლკიაჰი მართავს, ის ქვეყნის პრემიერ-მინისტრიც არის.
მის გადაწყვეტილებას საერთაშორისო აღშფოთება მოჰყვა, უამრავი ქვეყნის ხელისუფლებამ, გაერომ, ადამიანის უფლებების დამცველმა ორგანიზაციებმა და ცნობილმა ადამიანებმა სულთნის გადაწყვეტილება სასტიკად დაგმეს, კანონს კი ბარბაროსული უწოდეს.
ორგანიზაციამ Human Rights Watch მოუწოდა სულთანს, სასწრაფოდ შეაჩეროს ამპუტაციის, ჩაქოლვის და დასჯის სხვა უფლებაშემლახავი სასჯელების ძალაში შესვლა.
ბრუნეის ნავთობინდუსტრიის წყალობით 72 წლის სულთანი რეგიონის ერთ-ერთი უმდიდრესი ადამიანია. ახალი კანონების წარდგენისას, სამთავრობო ვებგვერდზე მისი განცხადებაც გავრცელდა, რომ მთავრობა „არ მოელის სხვებისგან დადებით შეფასებებს, თუმცა საკმარისი იქნება, თუ პატივს სცემენ ერს ისევე, როგორც ბრუნეი სცემს პატივს სხვა ქვეყნებს“.
ბრუნეის ლგბტ თემს ახალი კანონის ძალაში შესვლის გამო მუდმივად შიშის ქვეშ მოუხდება ცხოვრება. ახალგაზრდა გეი მამაკაცი, ხაირული CNN-თან ამბობს, რომ კანონი „არაადამიანურია“.
„ძალიან სასტიკი სასჯელია, ამისი გადატანა ადამიანს არ უნდა უწევდეს მხოლოდ იმიტომ, რომ ის ჰომოსექსუალია,“ - ამბობს ხაირული.
კანონებით აღშფოთებულები არიან ცნობილი ადამიანებიც, მათ შორის ელტონ ჯონი, ჯორჯ კლუნი და ელენ დეჯენერესი - ისინი მოუწოდებენ საზოგადოებას, ბოიკოტი გამოუცხადონ 9 სასტუმროს, რომელთა მფლობელიც ბრუნეის სულთანია.
საერთაშორისო გამოხმაურების მიუხედავად, ბრუნეის პრემიერ-მინისტრი კურსის შეცვლას არ აპირებს.
„ბრუნეი არის სუვერენული ისლამური და სრულიად დამოუკიდებელი ქვეყანა, როგორც სხვა ყველა დამოუკიდებელი ქვეყანა, თავად იღებს კანონებს,“ - აღნიშნულია განცხადებაში, რომელიც მთავრობამ გაავრცელა.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ხელოვნური ინტელექტი - მინუსები და პლუსები
კვირის კითხვადი სტატიები
მნიშვნელოვანი ინფორმაცია
მკითხველის რჩევით
