მნიშვნელოვანი ინფორმაცია
9
ივნისიდღის ზოგადი ასტროლოგიური პროგნოზი
ორშაბათი, მთვარის მეთოთხმეტე დღე დაიწყება 21:02-ზე, მთვარე მშვილდოსანში იქნება 18:53-დან, უკურსო მთვარის პერიოდი იქნება 16:06-დან 18:55-მდე – მიიღეთ აქტიური და გადამწყვეტი მოქმედება. დაიწყე მნიშვნელოვანი და სერიოზული საქმეები. მომავალ წარმატებაში ეჭვი არ შეგეპაროთ. ფრთხილად და კარგად დაფიქრდი თქვენს ნაბიჯებზე. კომუნიკაცია სხვადასხვა ადამიანებთან. გააძლიერეთ ოჯახური კავშირები და დაამყარეთ ურთიერთობა საყვარელ ადამიანებთან, განსაკუთრებით უფროს თაობასთან. თუ შესაძლებელია, გადადეთ ყველაფერი, დაისვენეთ და ისიამოვნეთ ცხოვრებით. ფიზიკური აქტივობა სასარგებლოა. გაუფრთხილდით მხედველობას.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ზელენსკი უკრაინის შემდეგი პრეზიდენტია... როგორც კი პოროშენკო ძალაუფლებას დაკარგავს, უკრაინაში დავბრუნდები - სააკაშვილი
11:26 / 01-04-2019
საქართველოს ყოფილმა პრეზიდენტმა მიხეილ სააკაშვილმა 1-ელ აპრილს უკრაინაში დაბრუნება გადაიფიქრა.
„მე განვაცხადე, რომ უკრაინაში 1-ელ აპრილს ჩავფრინდებოდი თუ პეტრო პოროშენკო მეორე ტურში ვერ გავიდოდა. ჯერჯერობით მე ამას ვერ ვხედავ“, - განაცხადა მიხეილ სააკაშვილმა.
მისივე თქმით, როგორც კი პოროშენკო ძალაუფლებას დაკარგავს და უკრაინაში მის არშეშვებაზე ბრძანება ძალას დაკარგავს, ის უკრაინაში დაბრუნების კანონიერი უფლებით ისარგებლებს.
ერთ-ერთ უკრაინულ ტელეარხთან საუბრისას მიხეილ სააკაშვილმა ელექტრონული ბილეთი წარადგინა და აღნიშნა, რომ 1-ელ აპრილს უკრაინაში ჩასვლას აპირებს.
„ელექტრონული ბილეთი მაქვს. ვარშავიდან კიევში მივფრინავ. ეს ბილეთი ავიღე, ვინაიდან დარწმუნებული ვარ, რომ პოროშენკო მეორე ტურში ვერ გავა და არც ერთი მესაზღვრე არ შეასრულებს მის ბრძანებას, რომელიც უკრაინაში ჩასვლას მიკრძალავს“, - განაცხადა მაშინ სააკაშვილმა.
სააკაშვილი უკრაინაში „ყველა დემოკრატიულ ძალას“ მოუწოდებს, საპრეზიდენტო არჩევნების მეორე ტურში ყოველგვარი პირობების გარეშე მხარი ვლადიმერ ზელენსკის დაუჭირონ.
„ვლადიმერ ზელენსკი უკრაინის შემდეგი პრეზიდენტია! მოვუწოდებ ყველა დემოკრატიულ ძალებს, მას მხარი დაუჭირონ ყოველგვარი პირობების წაყენების გარეშე. ახლა პოროშენკოსა და მისი გარემოცვის დამარცხება შესანიშნავ შანსს წარმოადგენს უკრაინისთვის. „ახალი ძალების მოძრაობა“ იბრძოლებს ფალსიფიცირების წინააღმდეგ და პრეზიდენტი ზელენსკის გამარჯვებისთვის!“, - დაწერა მიხეილ სააკაშვილმა „ფეისბუქის“ პირად გვერდზე.
შეგახსენებთ, რომ უკრაინაში ამომრჩეველთა ხმების 40%-ის დათვლის შედეგად, ცნობილი მსახიობი და შოუმენი ვლადიმერ ზელინსკი ხმათა 30.23%-ით ლიდერობს. მოქმედი პრეზიდენტი პეტრო პოროშენკო მეორე ადგილზეა. მან ამომრჩეველთა ხმების 16.65% მიიღო.
საპრეზიდენტო არჩევნების კიდევ ერთი ფავორიტი, პარტია „ბატკივშინას“ ლიდერი იულია ტიმოშენკო კი მესამე ადგილს იკავებს ამომრჩეველთა ხმების 13.14%-ით.
იქედან გამომდინარე, რომ არც ერთ კანდიდატს 50%-ს პლუს 1 ხმა არ მიუღია, ორ კვირაში არჩევნების მეორე ტური გაიმართება.
უკრაინაში საპრეზიდენტო არჩევნები გუშინ ჩატარდა.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
უკონტროლო ვითარება ლოს-ანჯელესის ქუჩებში - პოლიციასა და მომიტინგეებს შორის შეტაკებები გრძელდება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
