მნიშვნელოვანი ინფორმაცია
9
ივლისიდღის ზოგადი ასტროლოგიური პროგნოზი
ოთხშაბათი, მთვარის მეთხუთმეტე დღე დაიწყება 22:10-ზე, მთვარე თხის რქაში გადავა 12:52-ზე –
ენერგიული დღეა. ჯობია ემოციების მოთვინიერება, ვნებების აღკვეთა და თვითდისციპლინის გაძლიერება დაიწყება. მოიქეცით მშვიდად. მნიშვნელოვანი არაფერი გააკეთო. დაიწყეთ მარტივი ამოცანები, რომლებიც არ საჭიროებს ზედმეტ ძალისხმევას. ყურადღება მიაქციეთ საინტერესო იდეებს, ეს შესაძლოა სამომავლოდ გამოგადგებათ. იზრდება ტრავმებისა და ძლიერი ნერვული დაძაბულობის ალბათობა. უმჯობესია უარი თქვათ ძლიერ ჩაის, ყავასა და ალკოჰოლურ სასმელებზე. დღეს მოხმარებული პროდუქტები უნდა იყოს მაღალი ხარისხის და ახალი.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"სიმღერას როცა დავწერ, ვისაც მინდა იმას ვამღერებ" - "ვაჩუქოთ ერთმანეთს ტიტების" ავტორი, ჯემალ სეფიაშვილი სკანდალში გაეხვა
17:12 / 29-03-2019
_2019-03-29_h0lMwOojFKOK.jpg)
9 აპრილის ტრაგედიიდან 30 წლისთავზე სიმღერის „ვაჩუქოთ ერთმანეთს ტიტები“ ავტორმა გადაწყვიტა, კომპოზიცია კიდევ ერთხელ ჩაეწერა. ჯემალ სეფიაშვილის გადაწყვეტილებით, სიმღერის ახალ ვერსიას 25 მამაკაცი შეასრულებს.
„ვთვლი, რომ ოჯახის სიძლიერე არის მამაკაცი. ქვეყნის სიძლიერე არის მამაკაცი, ქვეყნის დამცველი არის მამაკაცი და სწორედ ამიტომ, აი ეს 25 მამაკაცი იმღერებს ამ სიმღერას“, - თქვა სეფიაშვილმა საზოგადოებრივი მაუწყებლის სიუჟეტში.
სიმღერა „ბრავო რექორდსში“ იწერება, ახალ ვერსიას კი მსმენელი პირველი არხის ეთერით მოისმენს.
ჯემალ სეფიაშვილის განცხადებას საზოგადოების ნაწილის აღშფოთება მოჰყვა და სოციალურ ქსელში საპროტესტო აქციაც დაიგეგმა.
_2019-03-29_e99bJxPPen7.jpg)
„მხოლოდ კაცები ჩაწერეს იმიტომ რომ მისი განცხადებით მხოლოდ მამაკაცი არის ოჯახის და ქვეყნის დაცვის სიმბოლო! 1989 წლის, 9 აპრლის, რუსეთის საჯარისო ნაწილებმა დაარბიეს დამოუკიდებლობის მოთხოვნით შეკრებილი ჩვენი მოქალაქეები, რა დროსაც მოკლეს 21 ადამიანი. ამ 21 ადამიანიდან 17 იყო ქალი!!!! მოვუწოდებთ პირველ არხს, არ გაუშვათ 30 წლის თავზე, 9 აპრილს პირველი არხის პირდაპირ ეთერში ამ სიმღერის უნამუსო პრეზენტაცია! მოვუწოდებთ იმ 25 მომღერალ კაცს, არ მიიღონ ამ სამარცხვინო ჩანაწერში მონაწილეობა!! მოვუწოდებთ ყველა ადამიანს, ვისთვისაც ის 17 ქალი, ქვეყნის დაცვის სიმბოლოა, ნუ მიიღებთ ამ სამარცხვინო აბსურდის თეატრში მონაწილეობას, რადგან ეს არის იმ 17 ქალის და კიდევ უამრავი სხვა ქალის შეურაცხყოფა, რომლებმაც საკუთარი სამშობლოსთვის გაწირეს თავი! ამიტომ, 9 აპრილს 15:00 საათზე, პირველ არხთან, ერთად მოვთხოვოთ ამ სამარცხვინო ფაქტის შეჩერება!“ - ნათქვამია „ფეისბუქზე“ შექმნილი ღონისძიების გვერდზე გავრცელებულ განცხადებაში.
Reitingi.ge ჯემალ სეფიაშვილს დაუკავშირდა, თუმცა სატელეფონო კომენტარზე მან უარი განაცხადა და მხოლოდ მცირე კომენტარი გააკეთა :
„მე ტელეფონით არ ვიძლევი ინტერვიუს. მე ქვეყანას ვემსახურები, ამ სიმღერით ხალხს ვეუბნები ერთმანეთი გვიყვარდეს. ის მაინც დაწერეთ, რომ სიმღერას როცა დავწერ, ვისაც მინდა იმას ვამღერებ".
რამდენიმე წუთის წინ განცხადება გაავრცელა პირველმა არხმაც.
„21 მარტს პირველი არხის ეთერში ჯემალ სეფიაშვილმა სიმღერის ახალი ვერსიის შესახებ, რომელსაც მხოლოდ მამაკაცი მომღერლები ასრულებენ, განაცხადა: „ვთვლი, რომ ოჯახის სიძლიერე არის მამაკაცი. ქვეყნის სიძლიერე არის მამაკაცი, ქვეყნის დამცველი არის მამაკაცი და სწორედ ამიტომ აი, ეს 25 მამაკაცი იმღერებს ამ სიმღერას“.
ავტორის კომენტარი გამოხატავს მხოლოდ მის მოსაზრებას და არა არხის პოზიციას. საზოგადოებას ვაცნობებთ, რომ საქართველოს პირველ არხზე არ იგეგმება აღნიშნული სიმღერის ან კლიპის პრემიერა, არამედ 9 აპრილის ტრაგედიის 30 წლისადმი მიძღვნილი ღონისძიება-კონცერტის დიდი საკონცერტო დარბაზიდან ტრანსლაცია, რომლის პროგრამასა და შინაარსობრივ ნაწილზე პასუხისმგებელი არის მხოლოდ ღონისძიების ორგანიზატორი.
მოგეხსენებათ, რომ 9 აპრილი განსაკუთრებული თარიღია საქართველოს ისტორიაში, სწორედ ამიტომ, საქართველოს პირველი არხი მაქსიმალურ ყურადღებას დაუთმობს და გააშუქებს ამ მნიშვნელოვანი თარიღისადმი მიძღვნილ ყველა ღონისძიებას,“ - აღნიშნულია არხის განცხადებაში.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რა გზავნილები აქვთ ევროპარლამენტარებს და როგორია გამოხმაურებები საქართველოში
კვირის კითხვადი სტატიები
მნიშვნელოვანი ინფორმაცია
მკითხველის რჩევით
_2019-03-29_h0lMwOojFKOK.jpg)
