29
მაისიდღის ზოგადი ასტროლოგიური პროგნოზი
რამდენიმე თვის წინ, "რეიტინგმა" 23 წლის ირანელი მოდელი, მინა ჯეი გაგაცნოთ. გოგონა ჩვენი ქვეყნით განსაკუთრებულად არის მოხიბლული და აქ საკუთარი, პატარა სასტუმროც ჰქონდა, თუმცა გარკვეული მიზეზების გამო, სასტუმრო ბიზნესზე უარის თქმა მოუწია.
მინა საქართველოში პირველად, რამდენიმე წლის წინ ჩამოვიდა და ჩვენი ქვეყანა განსაკუთრებულად შეუყვარდა. მოდელობის პარალელურად, ის სამკაულების დიზაინერია. საქართველოში დახურული ბიზნესის მიუხედავად, ის ჩვენს ქვეყანაში რჩება და უფრო მეტიც, ქორწილიც საქართველოში გადაიხადა. მისი ქმარი, ცნობილი ამერიკელი მსახიობი და სცენარისტი კრისტოფერ გორდონია. ის ჰოლივუდში მუშაობს და არაერთი ჰოლივუდური სცენარის ავტორია.
მინამ კრისტოფერი საქართველოში პირველად 6 თვის წინ ჩამოიყვანა. ამერიკელი მსახიობიც ისევე მოიხიბლა ჩვენი ქვეყნით, როგორც ახალგაზრდა მოდელი.
შესაძლოა გაგიკვირდეთ, მაგრამ წყვილის ძირითადი საცხოვრებელი ადგილი საქართველო იქნება.
"ჩვენი ოჯახის წევრებისთვის ძალიან ადვილი იქნება საქართველოში ჩამოსვლა. რადგან თქვენი ქვეყანა მშვიდობიანია და მშვიდობიანი ხალხი ცხოვრობს", - განაცხადა მინამ. ნახეთ ულამაზესი ფოტოები წყვილის ქორწილიდან
