"როცა გაჩნდი შენ ჩემს გულში, გაბრწყინდა დღე, მეყვარები უკანასკნელ ამოსუნთქვამდე" - ბუკა პეტრიაშვილი ცოლს დაბადების დღეს ემოციური პოსტით ულოცავს

ჟურნალისტს და პრეზიდენტის ყოფილ პრესსპიკერს, ეკა მიშველაძეს ქმარი, ბუკა პეტრიაშვილი „ფეისბუქით“ დაბადების დღეს ულოცავს.

„დღეს ჩემი მზე დაიბადა! როცა გაჩნდი შენ ჩემს გულში, გაბრწყინდა დღე, ზღაპარივით გამინათდა! არაფერი მე არ მინდა, შენი სიყვარულის გარდა!

შენთან ერთად ყველაფერი მიყვარს და მიხარია! მაბედნიერებ, მაძლიერებ, ცხოვრებას მილამაზებ და მიფერადებ! შენს გულს, შენს სულს, შენს ღიმილს, შენს სურნელს, შენს სიყვარულს, შენს მშვენებას, შენს ამ ქვეყნად მოვლინებას გაუმარჯოს! მიყვარხარ და მეყვარები უკანასკნელ ამოსუნთქვამდე“ - წერს პეტრიაშვილი.

ქმრის მილოცვას კომენტარებში ეკა მიშველაძე პასუხობს :

"ბედნიერი ვარ, შენ რომ მყავხარ. ყოველ დღე უფრო და უფრო ვაცნობიერებ, რამხელა ბედნიერება, სიმშვიდე, იმედი და საჩუქარია ჩვენი სიყვარული. მიყვარხარ, ბუკ" - წერს ჟურნალისტი.