23
ივნისიდღის ზოგადი ასტროლოგიური პროგნოზი
57 მლნ ევროდ შეფასებული შატო "დიტერი", რომელიც ფრანგულ რივიერაზე მდებარეობს და ხშირად მასპინძლობს მდიდარ და ცნობილ ადამიანებს ხმაურიან წვეულებებზე, მომდევნო 18 თვის განმავლობაში უნდა დაინგრეს. „დეილი მეილის“ ინფორმაციით, გადაწყვეტილება სასამართლომ მიიღო.
"დიტერი" ულამაზესი ტოსკანური სტილის შატოა, რომელიც მონაკოსა და კანს შორის მდებარეობს. მისმა მფლობელმა, პატრიკ დიტერმა მდიდრული საცხოვრებელი 2005 წელს ტყის დაცულ ტერიტორიაზე უკანონოდ ააშენა.
სასამართლო დავა 14 წლის განმავლობაში გაგრძელდა, დიტერს მეზობლები და ბრიტანელი მილიონერები - სტივენ და კეროლინ ბატები დაუპირისპირდნენ. ხმაურიანმა წვეულებებმა და დიტერების დაუსრულებელმა სამშენებლო სამუშაოებმა გარშემო მცხოვრები ხალხი შეაწუხა. მათი სარჩელის საფუძველზე კი გამოძიება და სასამართლო განხილვები დაიწყო.
პროკურორის განცხადებით, კონსტრუქცია ბევრი წესის დარღვევით არის აშენებული, მათ შორის - უსაფრთხოების, გარემოს დაცვისთვის საჭირო ნორმებისა და ურბანული დაგეგმარების უგულებელყოფით, „მფლობელის ერთადერთი ინტერესი კი ფულია“.
ფრანგ ბიზნესმენს ახლა 18 თვე აქვს იმისთვის, რომ შატო დაანგრიოს. მდიდრულ სასახლეს ხშირად აქირავებენ ოლიგარქებისა და ცნობილი ადამიანების ქორწილებისთვის, ასევე - სხვადასხვა ფილმის გადაღებისთვის. შატოს დღიური გაქირავების ფასი დაახლოებით 50 ათასი ევროა.
